Cyclonic Circulation: ଓଡ଼ିଶା ଉପକୂଳ ଉପରେ ନଜର, ବଙ୍ଗୋପସାଗରରେ ଘୂର୍ଣ୍ଣିବଳୟରୁ ଲଘୁଚାପ ସମ୍ଭାବନା
ପରବର୍ତ୍ତୀ ସମୟରେ ଏହି ପାଣିପାଗ ପ୍ରଣାଳୀ ପଶ୍ଚିମ-ଉତ୍ତରପଶ୍ଚିମ ଦିଗରେ ଆଗକୁ ବଢ଼ି ଅଧିକ ଘନୀଭୂତ ହେବାର ସମ୍ଭାବନା ରହିଛି। ତେବେ ଏହା ବାତ୍ୟାର ରୂପ ନେବ କି ନାହିଁ ଏବଂ କେଉଁ ଉପକୂଳ ଦେଇ ଗତି କରିବ, ତାହା ଏବେଠାରୁ ନିଶ୍ଚିତ ନୁହେଁ।
Cyclonic Circulation: ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ହୋଇଥିବାରୁ ସମ୍ଭାବ୍ୟ ଲଘୁଚାପ ଓ ବାତ୍ୟାକୁ ନେଇ ପାଣିପାଗ ଉପରେ ନଜର ରହିଛି। ଦିଆଯାଇଥିବା ସୂଚନା ଅନୁଯାୟୀ, ଅକ୍ଟୋବର ୨୨ ସକାଳ ୫ଟା ୩୦ ସୁଦ୍ଧା ଘୂର୍ଣ୍ଣିବଳୟ ଉତ୍ତର ଆଣ୍ଡାମାନ ସାଗର ନିକଟବର୍ତ୍ତୀ ସମୁଦ୍ର ଅଞ୍ଚଳରେ ରହିଥିଲା। ଏହା ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରି ଆସନ୍ତାକାଲି ସୁଦ୍ଧା ଦକ୍ଷିଣ-ପୂର୍ବ ଓ ସଂଲଗ୍ନ ପୂର୍ବ-ମଧ୍ୟ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି କରିପାରେ।
ପରବର୍ତ୍ତୀ ସମୟରେ ଏହି ପାଣିପାଗ ପ୍ରଣାଳୀ ପଶ୍ଚିମ-ଉତ୍ତରପଶ୍ଚିମ ଦିଗରେ ଆଗକୁ ବଢ଼ି ଅଧିକ ଘନୀଭୂତ ହେବାର ସମ୍ଭାବନା ରହିଛି। ତେବେ ଏହା ବାତ୍ୟାର ରୂପ ନେବ କି ନାହିଁ ଏବଂ କେଉଁ ଉପକୂଳ ଦେଇ ଗତି କରିବ, ତାହା ଏବେଠାରୁ ନିଶ୍ଚିତ ନୁହେଁ।
ତାମିଲନାଡୁ, କେରଳରେ ପ୍ରବଳ ବର୍ଷା ସମ୍ଭାବନା ଦକ୍ଷିଣ-ପଶ୍ଚିମ ବଙ୍ଗୋପସାଗରରେ ତାମିଲନାଡୁ ଉପକୂଳ ନିକଟରେ ରହିଥିବା ଲଘୁଚାପ ପ୍ରଭାବରେ ଅକ୍ଟୋବର ୨୧ରୁ ୨୫ ତାରିଖ ମଧ୍ୟରେ ତାମିଲନାଡୁ, ପୁଡୁଚେରୀ, କାରାଇକାଲ ଓ କେରଳର କିଛି ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହୋଇପାରେ। ସେହିପରି ଅକ୍ଟୋବର ୨୧ରୁ ୨୭ ତାରିଖ ମଧ୍ୟରେ ଦକ୍ଷିଣ ଉପଦ୍ୱୀପୀୟ ଭାରତର କିଛି ଅଞ୍ଚଳ ଏବଂ ଲକ୍ଷାଦ୍ୱୀପରେ ମଧ୍ୟ ପ୍ରବଳ ବର୍ଷାର ସମ୍ଭାବନା ରହିଛି।
ବଙ୍ଗୋପସାଗରରେ ସୃଷ୍ଟି ହେବାକୁ ଥିବା ନୂଆ ଲଘୁଚାପର ଗତିପଥ ଓ ତୀବ୍ରତା ଉପରେ ପରବର୍ତ୍ତୀ ପାଣିପାଗ ଆକଳନ ନିର୍ଭର କରିବ। ତେଣୁ ବାତ୍ୟା ନେଇ ଚୂଡ଼ାନ୍ତ ନିଷ୍କର୍ଷରେ ପହଞ୍ଚିବା ପୂର୍ବରୁ ଭାରତୀୟ ପାଣିପାଗ ବିଭାଗ (IMD)ର ଆଧିକାରିକ ସୂଚନା ଉପରେ ନଜର ରଖିବା ଜରୁରୀ।
