• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Odia
  • ଖବର
  • ଭିଡିଓ
  • ଫୋଟୋ
  • ଲାଇଭ୍ ବ୍ଲଗ୍
  • ସହର

Add Zee Business As A Preferred Source
App
  • ଲାଇଭ୍ ଟିଭି
  • ଓଡ଼ିଶା
  • ଜାତୀୟ
  • ଆନ୍ତର୍ଜାତୀୟ
  • ମନୋରଞ୍ଜନ
  • କ୍ରୀଡ଼ା
  • ଧର୍ମ
  • ଚାକିରି
  • ଜି ନ୍ୟୁଜ୍ ଓଡ଼ିଶା
  • /ଜାତୀୟ
  • /Accident: ଭୟଙ୍କର ସଡ଼କ ଦୁର୍ଘଟଣା: ଟ୍ରକ୍ ପଛରେ ପିଟିହେଲା କ୍ରୁଜର, ଗୋଟିଏ ପରିବାରର ୯ ମୃତ, ୮ ଗୁରୁତର

Accident: ଭୟଙ୍କର ସଡ଼କ ଦୁର୍ଘଟଣା: ଟ୍ରକ୍ ପଛରେ ପିଟିହେଲା କ୍ରୁଜର, ଗୋଟିଏ ପରିବାରର ୯ ମୃତ, ୮ ଗୁରୁତର

ସୂଚନା ଅନୁଯାୟୀ, କୋଟା-ଉଦୟପୁର ଜାତୀୟ ରାଜପଥର ନାତା ଥାନା ଅନ୍ତର୍ଗତ ଶମ୍ଭୁପୁରା ଗାଁ ନିକଟରେ ରାତି ପ୍ରାୟ ୧ଟା ସମୟରେ ଏହି ଦୁର୍ଘଟଣା ଘଟିଥିଲା। କ୍ରୁଜର ଗାଡ଼ିଟି ଦ୍ରୁତଗତିରେ ଆସି ରାସ୍ତାକଡ଼ରେ ଖରାପ ହୋଇ ଛିଡ଼ା ହୋଇଥିବା ଟ୍ରକ୍ ପଛରେ ପିଟି ହୋଇଥିଲା। ଧକ୍କା ଏତେ ଜୋରଦାର ଥିଲା ଯେ କ୍ରୁଜର ଗାଡ଼ିଟି ସମ୍ପୂର୍ଣ୍ଣ ଭାବେ ଚୁରମାର ହୋଇଯାଇଥିଲା।

Written ByPriyambada RanaEdited ByPriyambada Rana
Published: Nov 22, 2026, 08:00 IST|Updated: Nov 22, 2026, 08:04 IST
joinshare
Accident: ଭୟଙ୍କର ସଡ଼କ ଦୁର୍ଘଟଣା: ଟ୍ରକ୍ ପଛରେ ପିଟିହେଲା କ୍ରୁଜର, ଗୋଟିଏ ପରିବାରର ୯ ମୃତ, ୮ ଗୁରୁତର
Image Credit: AI

About the Author

    Priyambada Rana

    Priyambada Rana

    I am Priyambada Rana, a journalist and content professional with experience in digital media and journalism. I previously worked with Krishi Jagran, where I gained experience in agricultural journalism and content creation. Currently, I am working as a Sub-Editor at India.com, focusing on content writing, editing, research, and producing engaging digital content for readers.
    Read More

    ଟ୍ରେଣ୍ଡିଂ

    • ଖବର
    • ଫୋଟୋ
    • ଭିଡିଓ
    କୋଣାର୍କରେ ଭକ୍ତିମୟ ପରିବେଶ ସୃଷ୍ଟି କଲେ ଗୁଜରାଟୀ ପର୍ଯ୍ୟଟକ

    କୋଣାର୍କରେ ଭକ୍ତିମୟ ପରିବେଶ ସୃଷ୍ଟି କଲେ ଗୁଜରାଟୀ ପର୍ଯ୍ୟଟକ

    2

    Habishyali Death: ବାଲେଶ୍ୱରରୁ ପୁରୀ ଆସିଥିଲେ ହବିଷ୍ୟ ବ୍ରତ ପାଇଁ, ଆଉ ଫେରିଲେନି ରଙ୍ଗଲତା

    3

    BJD vs BJP: ଅଭିଯୋଗର ତଦନ୍ତକୁ ଡର କାହିଁକି? ନବୀନଙ୍କୁ ସିଧା ପ୍ରଶ୍ନ କଲେ ମନମୋହନ ସାମଲ

    4

    Delhi Air Quality: ଦିଲ୍ଲୀ-NCRରେ ଜାରି ରହିବ GRAP-୨ କଟକଣା, କେବେ କମିବ ପ୍ରଦୂଷଣ?

    5

    Top 10 News: ଚୁଟକିରେ ପଢ଼ନ୍ତୁ ଆଜି ସକାଳର ୧୦ଟି ଗୁରୁତ୍ୱପୂର୍ଣ୍ଣ ଖବର..

    logo
    • contact us
    • privacy policy
    • legal
    • investor info
    • advertise with us
    © 1998-2026 Indiadotcom Digital Private Limited, All Rights Reserved.

    Accident: ରାଜସ୍ଥାନରେ ଘଟିଛି ଏକ ହୃଦୟବିଦାରକ ସଡ଼କ ଦୁର୍ଘଟଣା। ଦ୍ରୁତଗତିରେ ଆସୁଥିବା ଏକ କ୍ରୁଜର ଗାଡ଼ି ରାସ୍ତାକଡ଼ରେ ଛିଡ଼ା ହୋଇଥିବା ଟ୍ରକ୍ ପଛରେ ଜୋରଦାର ଧକ୍କା ଦେଇଛି। ଏହି ଭୟଙ୍କର ଦୁର୍ଘଟଣାରେ ୯ ଜଣଙ୍କ ମୃତ୍ୟୁ ହୋଇଥିବାବେଳେ ଡ୍ରାଇଭରଙ୍କ ସମେତ ୮ ଜଣ ଆହତ ହୋଇଛନ୍ତି। ମୃତକଙ୍କ ମଧ୍ୟରେ ୩ ଜଣ ଶିଶୁ ମଧ୍ୟ ରହିଛନ୍ତି। ସମସ୍ତ ମୃତକ ଗୋଟିଏ ପରିବାରର ସଦସ୍ୟ ବୋଲି ଜଣାପଡ଼ିଛି।

    ସୂଚନା ଅନୁଯାୟୀ, କୋଟା-ଉଦୟପୁର ଜାତୀୟ ରାଜପଥର ନାତା ଥାନା ଅନ୍ତର୍ଗତ ଶମ୍ଭୁପୁରା ଗାଁ ନିକଟରେ ରାତି ପ୍ରାୟ ୧ଟା ସମୟରେ ଏହି ଦୁର୍ଘଟଣା ଘଟିଥିଲା। କ୍ରୁଜର ଗାଡ଼ିଟି ଦ୍ରୁତଗତିରେ ଆସି ରାସ୍ତାକଡ଼ରେ ଖରାପ ହୋଇ ଛିଡ଼ା ହୋଇଥିବା ଟ୍ରକ୍ ପଛରେ ପିଟି ହୋଇଥିଲା। ଧକ୍କା ଏତେ ଜୋରଦାର ଥିଲା ଯେ କ୍ରୁଜର ଗାଡ଼ିଟି ସମ୍ପୂର୍ଣ୍ଣ ଭାବେ ଚୁରମାର ହୋଇଯାଇଥିଲା।

    #BREAKING : ड्राइवर की झपकी बनी काल, कोटा में खाटूश्यामजी से लौट रहे श्रद्धालु हादसे का शिकार, खड़े ट्रक में घुस गया वाहन; 9 की मौत #Kota #Khatushyam #Accident | #ZeeNews @nidhijourno @hardikdavelive https://t.co/8aYUhijWkp

    — Zee News (@ZeeNews) November 22, 2026

    ଖାଟୁଶ୍ୟାମଜୀଙ୍କ ଦର୍ଶନ ସାରି ଫେରୁଥିଲେ ପରିବାର:
    ମିଳିଥିବା ସୂଚନା ଅନୁସାରେ, ଦୁର୍ଘଟଣାର ଶିକାର ହୋଇଥିବା ପରିବାର ମହାରାଷ୍ଟ୍ରର ବାସିନ୍ଦା। ସେମାନେ ରାଜସ୍ଥାନର ପ୍ରସିଦ୍ଧ ଧାର୍ମିକ ସ୍ଥଳ ଖାଟୁଶ୍ୟାମଜୀଙ୍କ ଦର୍ଶନ କରି ନିଜ ଘରକୁ ଫେରୁଥିଲେ। ମୋଟ ୩ଟି ଗାଡ଼ିରେ ୩୬ ଜଣ ସମ୍ପର୍କୀୟ ଏକାଠି ଯାତ୍ରା କରୁଥିଲେ। ତିନୋଟି ଗାଡ଼ି ଆଗପଛ ହୋଇ ଯାଉଥିବାବେଳେ ସବୁଠାରୁ ଆଗରେ ଥିବା କ୍ରୁଜର ଗାଡ଼ିଟି ଦୁର୍ଘଟଣାର ଶିକାର ହୋଇଥିଲା।

    ଗାଡ଼ି କାଟି ଉଦ୍ଧାର:
    ଦୁର୍ଘଟଣା ପରେ କ୍ରୁଜର ଗାଡ଼ି ଭିତରେ ଯାତ୍ରୀମାନେ ଫସି ରହିଥିଲେ। ଗାଡ଼ିଟି ଏତେ ଅଧିକ କ୍ଷତିଗ୍ରସ୍ତ ହୋଇଥିଲା ଯେ ଉଦ୍ଧାରକାରୀ ଦଳକୁ ଗାଡ଼ି କାଟି ଲୋକଙ୍କୁ ବାହାର କରିବାକୁ ପଡ଼ିଥିଲା। କିନ୍ତୁ ସେତେବେଳକୁ ୯ ଜଣଙ୍କ ଜୀବନ ଚାଲିଯାଇଥିଲା।

    ଖବର ପାଇ ପୋଲିସ ଓ ସ୍ଥାନୀୟ ଲୋକେ ଘଟଣାସ୍ଥଳରେ ପହଞ୍ଚି ଆହତଙ୍କୁ ଆମ୍ବୁଲାନ୍ସ ଯୋଗେ ନ୍ୟୁ ମେଡିକାଲ କଲେଜ ହସ୍ପିଟାଲକୁ ପଠାଇଥିଲେ। ଆହତମାନଙ୍କ ଚିକିତ୍ସା ଚାଲିଥିବାବେଳେ ସେମାନଙ୍କ ଅବସ୍ଥା ବିପଦମୁକ୍ତ ଥିବା ସୂଚନା ମିଳିଛି।
    ଡ୍ରାଇଭରଙ୍କୁ ନିଦ ଲାଗିବାରୁ ଦୁର୍ଘଟଣା ସନ୍ଦେହ:
    ପ୍ରାଥମିକ ତଦନ୍ତରୁ ଗାଡ଼ି ଚାଳକଙ୍କୁ ନିଦ ଲାଗିଯିବା କାରଣରୁ ଏହି ଦୁର୍ଘଟଣା ଘଟିଥିବା ପୋଲିସ ସନ୍ଦେହ କରୁଛି। ଯାତ୍ରା ସମୟରେ ଗାଡ଼ି ଚାଳକଙ୍କୁ ଅଟକି ଚା' ପିଇବା ପାଇଁ ମଧ୍ୟ କୁହାଯାଇଥିଲା। ତେବେ ଦୁର୍ଘଟଣାର ପ୍ରକୃତ କାରଣ ଜାଣିବାକୁ ପୋଲିସ ତଦନ୍ତ ଜାରି ରଖିଛି।

    ଏହି ଦୁର୍ଘଟଣାରେ ଟ୍ରକ୍ ଚାଳକ ହାରୁନ୍ ମଧ୍ୟ ଆହତ ହୋଇଛନ୍ତି। ସେ ମଧ୍ୟପ୍ରଦେଶର ଖଣ୍ଡୱା ଅଞ୍ଚଳର ବାସିନ୍ଦା। ତାଙ୍କ କହିବା ଅନୁଯାୟୀ, ଟ୍ରକ୍‌ରେ ଯାନ୍ତ୍ରିକ ତ୍ରୁଟି ଦେଖାଦେବାରୁ ସେ ରାସ୍ତାକଡ଼ରେ ଗାଡ଼ି ଅଟକାଇଥିଲେ। ଟ୍ରକ୍‌ର ପଛପଟେ ଯାଞ୍ଚ କରୁଥିବା ସମୟରେ ହଠାତ୍ କ୍ରୁଜର ଆସି ପଛପଟୁ ଧକ୍କା ଦେଇଥିଲା।

    ଧକ୍କା ଯୋଗୁଁ ସେ ପ୍ରାୟ ୨୦ ଫୁଟ ଦୂରକୁ ଛିଟିକି ପଡ଼ିଥିଲେ। ପ୍ରାୟ ୧୦ ମିନିଟ୍ ପରେ ତାଙ୍କର ଚେତା ଫେରିଥିଲା। ଆଖି ଖୋଲିବା ପରେ କ୍ରୁଜରର ଭୟଙ୍କର ଅବସ୍ଥା ଦେଖି ସେ ଚିତ୍କାର କରିଥିଲେ। ପରେ ପୋଲିସକୁ ଫୋନ୍ କରି ଦୁର୍ଘଟଣା ବିଷୟରେ ଜଣାଇଥିଲେ। ମୁଣ୍ଡରେ ଆଘାତ ଲାଗିଥିବାରୁ ତାଙ୍କର ରକ୍ତସ୍ରାବ ହେଉଥିଲା।

    ALSO READ: Today Horoscope: ଧନଲାଭ, ପଦୋନ୍ନତି ଓ ଶୁଭ ଖବର! ଆଜିର ରାଶିଫଳରେ ଜାଣନ୍ତୁ ଆପଣଙ୍କ ଭାଗ୍ୟ..
    ୯ ମୃତକଙ୍କ ମଧ୍ୟରେ ୩ ଶିଶୁ
    ଏହି ଦୁର୍ଘଟଣାରେ ପ୍ରାଣ ହରାଇଥିବା ୯ ଜଣଙ୍କ ମଧ୍ୟରେ ଉଷା ବାଇ, ସୁଶୀଳା (୫୫), କୈଳାଶ (୪୫), ସାଂଭୀ, ସଜ୍ଜନ, ଅନିତା, ବାବୁଲାଲ (୬୦), ଜାହ୍ନବୀ (୧୩) ଏବଂ ମାଧବୀଙ୍କ ନାମ ରହିଛି।

    ଘଟଣାରେ ରାଜସ୍ଥାନ ପୋଲିସର ସିଟି ଏସ୍‌ପି ତେଜସ୍ୱିନୀ ଗୌତମ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଥିଲେ। ମୃତଦେହଗୁଡ଼ିକୁ ପୋଷ୍ଟମର୍ଟମ ପାଇଁ ପଠାଯାଇଛି। ଏହି ଦୁଃଖଦ ଘଟଣା ପୁଣିଥରେ ଦୀର୍ଘ ଯାତ୍ରା ସମୟରେ ଡ୍ରାଇଭରଙ୍କ ନିଦ ଓ ଥକାପଣକୁ ଅଣଦେଖା ନକରିବାର ଆବଶ୍ୟକତା ମନେ ପକାଇ ଦେଇଛି।

    Add Zee News as a Preferred Source
    TAGS:
    Trending News