Zee Entertainmentରେ AI ଓ ଟେକ୍ନୋଲୋଜି ଉପରେ ବଡ଼ ଫୋକସ୍, ନୂଆ Chief AI Officer ହେଲେ ତୁଷାର ବୋରା

ଭାରତର ପ୍ରମୁଖ ମିଡିଆ ଓ ଏଣ୍ଟରଟେନମେଣ୍ଟ କମ୍ପାନୀ Zee Entertainment Enterprises Ltd. ନିଜକୁ ଏକ ଟେକ୍ନୋଲୋଜି ଆଧାରିତ ସଂସ୍ଥା ଭାବେ ଗଢ଼ିତୋଳିବା ଦିଗରେ ଆଉ ଏକ ବଡ଼ ପଦକ୍ଷେପ ନେଇଛି। କମ୍ପାନୀ ପକ୍ଷରୁ ତୁଷାର ବୋରାଙ୍କୁ Chief AI & Transformation Officer ଭାବେ ନିଯୁକ୍ତ କରାଯାଇଛି। କୃତ୍ରିମ ବୁଦ୍ଧିମତ୍ତା (AI), ଟେକ୍ନୋଲୋଜିର ବ୍ୟବହାର ଏବଂ କମ୍ପାନୀର ସାମଗ୍ରିକ ପରିବର୍ତ୍ତନ ପ୍ରକ୍ରିୟାକୁ ଆଗକୁ ନେବା ତାଙ୍କର ମୁଖ୍ୟ ଦାୟିତ୍ୱ ରହିବ।

୨ ନଭେମ୍ବର ୨୦୨୬ରେ ମୁମ୍ବାଇରୁ ଜାରି ହୋଇଥିବା କମ୍ପାନୀର ଘୋଷଣା ଅନୁଯାୟୀ, ତୁଷାର ଭୋରା କମ୍ପାନୀର AI ରଣନୀତି ପ୍ରସ୍ତୁତ କରିବା ସହ ବିଭିନ୍ନ ବ୍ୟବସାୟିକ ପ୍ରକ୍ରିୟାରେ AIର ବ୍ୟବହାର ବୃଦ୍ଧି କରିବେ। ସେ ମୁମ୍ବାଇସ୍ଥିତ କମ୍ପାନୀର ମୁଖ୍ୟ କାର୍ଯ୍ୟାଳୟରେ କାର୍ଯ୍ୟ କରିବେ ଏବଂ ଡେପୁଟି CEO ତଥା CFO ମୁକୁନ୍ଦ ଗଲଗାଲିଙ୍କୁ ରିପୋର୍ଟ କରିବେ।

କମ୍ପାନୀର ଲକ୍ଷ୍ୟ କେବଳ ମନୋରଞ୍ଜନ କଣ୍ଟେଣ୍ଟ୍ ପ୍ରସ୍ତୁତ କରିବା ନୁହେଁ, ବରଂ ଟେକ୍ନୋଲୋଜି ଓ AIକୁ ଉପଯୋଗ କରି ଦର୍ଶକଙ୍କୁ ଅଧିକ ବ୍ୟକ୍ତିଗତ ଏବଂ ଆକର୍ଷଣୀୟ ମନୋରଞ୍ଜନ ଅନୁଭୂତି ପ୍ରଦାନ କରିବା। ଏହାଦ୍ୱାରା କାର୍ଯ୍ୟଦକ୍ଷତା ବଢ଼ିବା ସହ ବ୍ୟବସାୟିକ ପ୍ରକ୍ରିୟା ଅଧିକ ସରଳ ଓ ଦକ୍ଷ ହୋଇପାରିବ ବୋଲି କମ୍ପାନୀ ଆଶା ରଖିଛି।
ଟେକ୍ନୋଲୋଜି ଟିମ୍‌ରେ ଆଉ ୩ ନୂଆ ନିଯୁକ୍ତି:
AI ଓ ଟେକ୍ନୋଲୋଜି କ୍ଷେତ୍ରରେ ନିଜର ନେତୃତ୍ୱକୁ ଆହୁରି ମଜଭୁତ କରିବା ପାଇଁ Zee Entertainment ଆଉ ତିନିଜଣ ଅଭିଜ୍ଞ ପେଶାଦାରଙ୍କୁ ନିଯୁକ୍ତ କରିଛି। ସେମାନେ ତୁଷାର ଭୋରାଙ୍କ ଅଧୀନରେ କାର୍ଯ୍ୟ କରିବେ।

- ଟୋନି ଥୋମାସ୍: Head – AI & Transformation ଭାବେ ଦାୟିତ୍ୱ ନେଇଛନ୍ତି। ତାଙ୍କର ୧୮ ବର୍ଷରୁ ଅଧିକ ଅଭିଜ୍ଞତା ରହିଛି। AI, କ୍ଲାଉଡ୍ ଇନ୍‌ଫ୍ରାଷ୍ଟ୍ରକ୍ଚର୍, DevOps ଏବଂ ଟେକ୍ନୋଲୋଜି ପରିବର୍ତ୍ତନ କ୍ଷେତ୍ରରେ ସେ ଅଭିଜ୍ଞ।

- ଅଶୁତୋଷ ଶୁକ୍ଳା: Head – Operations Transformation ଭାବେ ନିଯୁକ୍ତ ହୋଇଛନ୍ତି। ଟେକ୍ନୋଲୋଜି ଲିଡରସିପ୍, ବ୍ୟବସାୟିକ ପରିଚାଳନା, ସାଇବର ସୁରକ୍ଷା ଏବଂ ଡିଜିଟାଲ୍ ଟ୍ରାନ୍ସଫର୍ମେସନ୍ କ୍ଷେତ୍ରରେ ତାଙ୍କର ୨୪ ବର୍ଷରୁ ଅଧିକ ଅଭିଜ୍ଞତା ରହିଛି।

- ବିବେକ ପାଣ୍ଡେ: Transformation Lead – Advertisement Operations and Advertisement Sales ଭାବେ ଦାୟିତ୍ୱ ତୁଲାଇବେ। ଡିଜିଟାଲ୍ ପ୍ଲାଟଫର୍ମ, ବିଜ୍ଞାପନ ପ୍ରଯୁକ୍ତି, ରାଜସ୍ୱ ବୃଦ୍ଧି ଏବଂ ବିଜ୍ଞାପନ ବିକ୍ରୟ ପ୍ରକ୍ରିୟାକୁ ଅଧିକ ଦକ୍ଷ କରିବାରେ ତାଙ୍କର ଅଭିଜ୍ଞତା ରହିଛି।

AI ଆଧାରିତ ମନୋରଞ୍ଜନ ଉପରେ କମ୍ପାନୀର ଗୁରୁତ୍ୱ:
ଏହି ନିଯୁକ୍ତିକୁ ନେଇ Zee Entertainmentର ଡେପୁଟି CEO ତଥା CFO ମୁକୁନ୍ଦ ଗଲଗାଲି କହିଛନ୍ତି ଯେ, ଟେକ୍ନୋଲୋଜିକୁ ନୂତନ ଉଦ୍ଭାବନ ଓ ବ୍ୟବସାୟିକ ଅଭିବୃଦ୍ଧିର ମାଧ୍ୟମ ଭାବେ ବ୍ୟବହାର କରିବା କମ୍ପାନୀର ଲକ୍ଷ୍ୟ। ଦର୍ଶକଙ୍କ ପସନ୍ଦ ବଦଳୁଥିବାରୁ ଅଧିକ ଆକର୍ଷଣୀୟ ଅନୁଭୂତି ଓ ଦକ୍ଷ କାର୍ଯ୍ୟ ପରିଚାଳନା ବ୍ୟବସ୍ଥା ଗଢ଼ିବା ଆବଶ୍ୟକ ବୋଲି ସେ କହିଛନ୍ତି।

ସେହିପରି ତୁଷାର ବୋରା କହିଛନ୍ତି ଯେ, AI ଏବଂ ଟେକ୍ନୋଲୋଜି ଆଧାରିତ ନୂତନ ଉଦ୍ଭାବନ ବ୍ୟବସାୟିକ ପ୍ରକ୍ରିୟାରେ ବଡ଼ ପରିବର୍ତ୍ତନ ଆଣିବାର ସୁଯୋଗ ଦେଉଛି। Zee Entertainmentକୁ ଏକ ଭବିଷ୍ୟତ ପାଇଁ ପ୍ରସ୍ତୁତ ଟେକ୍ନୋଲୋଜି କମ୍ପାନୀ ଭାବେ ଗଢ଼ିବା ପାଇଁ ସେ ଟିମ୍ ସହ ମିଶି କାମ କରିବେ।

ମୋଟାମୋଟି ଭାବେ, Zee Entertainmentର ଏହି ନୂଆ ନିଯୁକ୍ତି AI, ଡିଜିଟାଲ୍ ଟେକ୍ନୋଲୋଜି ଓ ନୂତନ ଉଦ୍ଭାବନ ଉପରେ କମ୍ପାନୀର ବଢ଼ୁଥିବା ଗୁରୁତ୍ୱକୁ ଦର୍ଶାଉଛି। ଆଗାମୀ ଦିନରେ ଏହା ମନୋରଞ୍ଜନ ଶିଳ୍ପରେ କମ୍ପାନୀର କାର୍ଯ୍ୟପ୍ରଣାଳୀ ଓ ଦର୍ଶକଙ୍କ ଅନୁଭୂତିରେ କି ପରିବର୍ତ୍ତନ ଆଣିବ, ତାହା ଉପରେ ନଜର ରହିବ।