Kotia Row: ଆସନ୍ତାକାଲି କୋଟିଆରେ ଆନ୍ଧ୍ର ନିର୍ବାଚନ, ହାଇଆଲର୍ଟରେ ଏହିସବୁ ଗାଁ!

Kotia Row: କୋଟିଆକୁ ନେଇ ଆସିଛି ପୁଣି ବଡ଼ ଖବର। ପୁଣି ଥରେ ଓଡ଼ିଶା-ଆନ୍ଧ୍ର ପୋଲିସ ମୁହାଁମୁହିଁ ହୋଇଛନ୍ତି। ନେରେଡିୱାଲସା ଚେକ୍‌ ପୋଷ୍ଟ ନିକଟରେ ଠେଲାପେଲା ହୋଇଥିବା ସୂଚନା ମିଳିଥିବା ବେଳେ ଧସେଇ ପଶିବାକୁ ଆନ୍ଧ୍ର ପୋଲିସ୍ ଉଦ୍ୟମ କରୁଥିବା  ବେଳେ କଥାକଟାକଟି  ହୋଇଥିଲା। ଏନେଇ କଡ଼ା ସୁରକ୍ଷା ବଳୟ ଭିତରେ ରହିଛି କୋଟିଆ। ବିଶେଷକରି, ସମ୍ବେଦନଶୀଳ ଗାଁ ଗୁଡିକରେ ବ୍ୟାପକ ପୋଲିସ୍ ଫୋର୍ସ ମୃତୟନ କରାଯାଇ ଥିବା ବେଳେ ପକୁଣୁସିନେରି, ଫାଟୁସିନେରି,ମାଡ଼କାର ଓ ଡୋଳିଆମ୍ବ ଗାଁକୁ  କଡ଼ା ସୁରକ୍ଷା ବଳୟ ଭିତରେ ରଖାଯାଇଛି। ନେରେଡିୱାଲସାରେ ୧୬ ମାଜିଷ୍ଟ୍ରେଟ ଙ୍କ ସହ ୭ ପ୍ଲାଟୁନ୍ ପୋଲିସ୍‌ ଫୋର୍ସ ମୁତୟନ କରାଯାଇଥିବା ବେଳେ ଆନ୍ଧ୍ର ପକ୍ଷରୁ ବନ୍ୟା ପ୍ରଭାବିତଙ୍କୁ ୫୦ କେଜି ଚାଉଳ ସହ  ୫ ହଜାର ଟଙ୍କା ବଣ୍ଟା ଯାଉଥିବା ଅଭିଯୋଗ ହୋଇଛି।

ସୀମାନ୍ତବର୍ତ୍ତୀ  ଗ୍ରାମପଞ୍ଚାୟତ  କୋଟିଆକୁ ନେଇ ଓଡ଼ିଶା- ଆନ୍ଧ୍ର ବିବାଦ ଉଗ୍ର ରୂପ ନେଉଛି।  ସୋମବାକ ଆନ୍ଧ୍ର  ସରକାରଙ୍କର ଏକ ଚାଉଳ ଟ୍ରକ୍  ଓଡ଼ିଶା ପୋଲିସ୍ ଅଟକାଇବା ପରେ,  ମଙ୍ଗଳବାର ଉଭୟ ରାଜ୍ୟ ପୋଲିସ୍ ମୁହାଁମୁହିଁ ହୋଇଛନ୍ତି।  କୋଟିଆ  ଓଡ଼ିଶାର  ହୋଇଥିବା ବେଳେ  ଆନ୍ଧ୍ର ସରକାର  ଜୋର ଜବରଦସ୍ତି ବର୍ଷ ବର୍ଷ ଧରି  ସେଠାରେ ଅନୁପ୍ରବେଶ କରୁଛନ୍ତି।  ଏବଂ ପଞ୍ଚାୟତ ନିର୍ବାଚନ ସହିତ  ସେହି ଅଞ୍ଚଳକୁ  ନିଜର ବୋଲି ଦର୍ଶାଇ ଆସିଛନ୍ତି। ଆସନ୍ତାକାଲି କୋଟିଆରେ ହେବାକୁ ଯାଉଛି ଆନ୍ଧ୍ର ସରକାରଙ୍କ ପକ୍ଷରୁ ପଞ୍ଚାୟତ ନିର୍ବାଚନ। ପୂର୍ବବର୍ଷ ଗୁଡିକରେ  ଏପରି କରାଯାଇଥିବାରୁ  ଏଥର ମଧ୍ୟ ଆନ୍ଧ୍ର ସରକାର ଏଥିଲାଗି ଜୋରଦାର ଅଣ୍ଟା ଭିଡିଛନ୍ତି।  ତେବେ,ଓଡି଼ଶା ସରକାର  ଏହାର ଦୃଢ ମୁକାବିଲା କରିଛନ୍ତି।

ALSO READ: Odisha News: ଗଞ୍ଜେଇ ଚୋରା ଚାଲାଣ ବେଳେ ମାଡି଼ ବସିଲା ଭଞ୍ଜପୁର ପୋଲିସ,୩ ଗିରଫ

କୋରାପୁଟ୍ ଜିଲ୍ଲା ପ୍ରଶାସନ ତରଫରୁ  ୭ ପ୍ଲାଟୁନ୍ ପୋଲିସ୍ ମୃତୟନ କରାଯାଇ  ସୀମାନ୍ତର ୩ଟି ପ୍ରବେଶ ପଥ  ବା ଫାଟକ ଉପରେ ନଜର ରଖାଯାଇଛି। ୨୪ ଘଣ୍ଟିଆ ପୋଲିସ ମୃତୟନ କରାଯାଇଛି।  ଏହାକୁ ନେଇ ଆନ୍ଧ୍ର ସରକାର କ୍ଷୁବ୍ଧ ହୋଇଛନ୍ତି। ମଙ୍ଗଳବାର ଆନ୍ଧ୍ର ପୋଲିସ୍ କୋଟିଆର କିଛି ସମର୍ଥକଙ୍କୁ ଧରି  ଜୋରଜବରଦସ୍ତ ନେରେଡି଼ ଖାଲସା ବାଟେ ପ୍ରବେଶ କରିବାକୁ ଉଦ୍ୟମ କରିବାରୁ  ଏହାକୁ ଓଡ଼ିଶା ପୋଲିସ୍ ପକ୍ଷରୁ ବିରୋଧ କରାଯାଇଥିଲା।  ଫଳରେ ଉଭୟ ପକ୍ଷ ପୋଲିସ୍ ମୁହାଁମୁହିଁ ହୋଇଥିଲେ।

ଓଡି଼ଶା ପୋଲିସ୍ ଓ ଆନ୍ଧ୍ର ପୋଲିସ୍ ଉଗ୍ର ରୂପ ନେଇଥିଲା। ଘଟଣାସ୍ଥଳରେ  କୋରାପୁଟ୍ ଉପଜିଲ୍ଲାପାଳ  ଏବଂ ପଟାଙ୍ଗୀ ତହସିଲଦାର୍ ଉପସ୍ଥିତ ରହି ଆନ୍ଧ୍ର ପୋଲିସକୁ ଜୋରଜବଦରସ୍ତ ବିରୋଧ କରିଥିଲେ।  ଏହାକୁ କେନ୍ଦ୍ର କରି, ତ୍ରିବ୍ର ଉତ୍ତେଜନା ପ୍ରକାଶ ପାଇଥିଲା।  ମିଳିଥିବା ସୂଚନା ଅନୁଯାୟୀ,  ଆନ୍ଧ୍ର ସରକାର ଜୋରଜବରଦସ୍ତି କୋଟିଆରେ ପ୍ରବେଶ କରିବା ସତ୍ତ୍ବେ  ପଞ୍ଚାୟତ ନିର୍ବାଚନ କରିବାକୁ ଚାହୁଁଥିବାରୁ  ଏହି ପରିସ୍ଥିତି ସୃଷ୍ଟି ହୋଇଛି। କୋରାପୁଟ୍ ଜିଲ୍ଲାପାଳ କହିଛନ୍ତି ଯେ,  କୋଟିଆରେ ୨୪ ଘଣ୍ଟିଆ ସୁରକ୍ଷା ବ୍ୟବସ୍ଥା କରାଯାଇଛି।  ଏବଂ ସୀମାକୁ ନଜର ଦିଆଯାଇଛି।