• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Odia
  • ଖବର
  • ଭିଡିଓ
  • ଫୋଟୋ
  • ଲାଇଭ୍ ବ୍ଲଗ୍
  • ସହର

Add Zee Business As A Preferred Source
App
  • ଲାଇଭ୍ ଟିଭି
  • ଓଡ଼ିଶା
  • ଜାତୀୟ
  • ଆନ୍ତର୍ଜାତୀୟ
  • ମନୋରଞ୍ଜନ
  • କ୍ରୀଡ଼ା
  • ଧର୍ମ
  • ଚାକିରି
  • ଜି ନ୍ୟୁଜ୍ ଓଡ଼ିଶା
  • /ଓଡ଼ିଶା
  • /Cyclone Akvan: ବାତ୍ୟା ‘ଅକ୍‌ଭାନ୍’କୁ ନେଇ ଗଞ୍ଜାମରେ ହାଇଆଲର୍ଟ, ୨ ଦିନ ସ୍କୁଲ୍-କଲେଜ ଛୁଟି

Cyclone Akvan: ବାତ୍ୟା ‘ଅକ୍‌ଭାନ୍’କୁ ନେଇ ଗଞ୍ଜାମରେ ହାଇଆଲର୍ଟ, ୨ ଦିନ ସ୍କୁଲ୍-କଲେଜ ଛୁଟି

ସମ୍ଭାବ୍ୟ ବାତ୍ୟା ଓ ପ୍ରବଳ ବର୍ଷାକୁ ଆଖି ଆଗରେ ରଖି ବାଘଲଟି ଜଳଭଣ୍ଡାରର ଗେଟ୍ ଖୋଲାଯାଇଛି। ଏହା ସହିତ ନଦୀକୂଳିଆ ଓ ବନ୍ୟା ପ୍ରଭାବିତ ଅଞ୍ଚଳର ସ୍ଥିତି ଉପରେ ପ୍ରଶାସନ ନଜର ରଖିଛି।

Reported ByNarayan BeheraEdited ByPriyambada Rana
Published: Nov 18, 2026, 17:05 IST|Updated: Nov 18, 2026, 17:07 IST
joinshare
Cyclone Akvan: ବାତ୍ୟା ‘ଅକ୍‌ଭାନ୍’କୁ ନେଇ ଗଞ୍ଜାମରେ ହାଇଆଲର୍ଟ, ୨ ଦିନ ସ୍କୁଲ୍-କଲେଜ ଛୁଟି
Image Credit: AI

About the Author

    Narayan Behera

    Narayan Behera

    Narayan Behera
    Read More

    ଟ୍ରେଣ୍ଡିଂ

    • ଖବର
    • ଫୋଟୋ
    • ଭିଡିଓ
    Severe Cyclone Akvan: ବାତ୍ୟା ‘ଅକୱାନ୍’କୁ ନେଇ ହାଇଆଲର୍ଟ! ୫ ଜିଲ୍ଲାର ଜିଲ୍ଲାପାଳଙ୍କୁ SRCଙ୍କ ଚିଠି

    Severe Cyclone Akvan: ବାତ୍ୟା ‘ଅକୱାନ୍’କୁ ନେଇ ହାଇଆଲର୍ଟ! ୫ ଜିଲ୍ଲାର ଜିଲ୍ଲାପାଳଙ୍କୁ SRCଙ୍କ ଚିଠି

    2

    Cyclone Akvan: ବାତ୍ୟା ‘ଅକ୍‌ଭାନ୍’କୁ ନେଇ ଗଞ୍ଜାମରେ ହାଇଆଲର୍ଟ, ୨ ଦିନ ସ୍କୁଲ୍-କଲେଜ ଛୁଟି

    3

    ICC ODI ରାଙ୍କିଂରେ ବଡ଼ ହଲଚଲ୍! ରୋହିତ-ଶ୍ରେୟସଙ୍କୁ ଝଟକା, ଗିଲ୍ ନମ୍ବର-୧

    4

    Nasha Mukt Bharat: ନିଶାମୁକ୍ତ ଭାରତ ଗଠନ ପାଇଁ ଜି ମିଡିଆର ବଡ଼ ଅଭିଯାନ, ଆରମ୍ଭ ହେଲା ‘ନଶା ମୁକ୍ତ ଭାରତ’

    5

    Cyclone Update: ଆନ୍ଧ୍ର ନୁହେଁ ଓଡ଼ିଶା ମୁହାଁ 'ବାତ୍ୟା'! ସ୍ପଷ୍ଟ କଲେ IMD ଡିଜି

    logo
    • contact us
    • privacy policy
    • legal
    • investor info
    • advertise with us
    © 1998-2026 Indiadotcom Digital Private Limited, All Rights Reserved.

    Cyclone Akvan: ଗତ ବନ୍ୟାର କ୍ଷତ ଏବେ ବି ଲୋକଙ୍କ ମନରୁ ଲିଭିନଥିବା ବେଳେ ପୁଣି ଏକ ସମ୍ଭାବ୍ୟ ବାତ୍ୟା ‘ଅକ୍‌ଭାନ୍’କୁ ନେଇ ଚିନ୍ତାରେ ଗଞ୍ଜାମ ଜିଲ୍ଲାବାସୀ। ବିଶେଷକରି ଚିକିଟୀ ଅଞ୍ଚଳରେ ବାତ୍ୟା ଓ ପ୍ରବଳ ବର୍ଷାର ମୁକାବିଲା ପାଇଁ ପ୍ରଶାସନ ପକ୍ଷରୁ ହାଇଆଲର୍ଟ ଜାରି କରାଯାଇଛି। ଧନଜୀବନର ସୁରକ୍ଷାକୁ ପ୍ରାଥମିକତା ଦେଇ ଜିରୋ କାଜୁଆଲିଟି ଲକ୍ଷ୍ୟରେ ଆଗୁଆ ପ୍ରସ୍ତୁତି ଆରମ୍ଭ ହୋଇଛି।

    ସମ୍ଭାବ୍ୟ ବାତ୍ୟା ଓ ପ୍ରବଳ ବର୍ଷାକୁ ଆଖି ଆଗରେ ରଖି ବାଘଲଟି ଜଳଭଣ୍ଡାରର ଗେଟ୍ ଖୋଲାଯାଇଛି। ଏହା ସହିତ ନଦୀକୂଳିଆ ଓ ବନ୍ୟା ପ୍ରଭାବିତ ଅଞ୍ଚଳର ସ୍ଥିତି ଉପରେ ପ୍ରଶାସନ ନଜର ରଖିଛି।

    ଚିକିଟୀ ବ୍ଲକର ବନ୍ୟା ପ୍ରଭାବିତ ଖରଖରିଆ ଓ ମୈସାନପୁର ନଦୀକୂଳିଆ ଅଞ୍ଚଳ ପରିଦର୍ଶନ କରି ସ୍ଥିତି ଅନୁଧ୍ୟାନ କରିଛନ୍ତି ଉପଜିଲ୍ଲାପାଳ ଅବିନାଶ କୁମାର। ଏହି ଅବସରରେ ବିଭିନ୍ନ ଆଶ୍ରୟସ୍ଥଳୀରେ ପାନୀୟ ଜଳ, ଆଲୋକ ବ୍ୟବସ୍ଥା, ରନ୍ଧା ଖାଦ୍ୟ ଓ ଶୁଖିଲା ଖାଦ୍ୟର ଉପଲବ୍ଧତା ଯାଞ୍ଚ କରିଛନ୍ତି। ତହସିଲଦାର ବିଶ୍ୱରଞ୍ଜନ କହଁରଙ୍କ ସହ ଝାଟୀପଦର ପଞ୍ଚାୟତରେ ରିଲିଫ୍ ବଣ୍ଟନ ବ୍ୟବସ୍ଥା ମଧ୍ୟ ତଦାରଖ କରିଛନ୍ତି।

    ଅନ୍ୟପଟେ ଚିକିଟୀ ବିଡିଓ ବିବେକାନନ୍ଦ ମିଶ୍ର, ଅତିରିକ୍ତ ବିଡିଓ ଚକ୍ରଧର ପ୍ରଧାନ ଓ ଜିଆରଏସ୍ ପ୍ରଭଞ୍ଜନ ଚାନ୍ଦପୁର ପଞ୍ଚାୟତର ବିଭିନ୍ନ ଗ୍ରାମ ପରିଦର୍ଶନ କରିଛନ୍ତି। ଖଜୁରୀପଡ଼ା, ହରିପୁରପଲ୍ଲୀ, ନୂଆସାହି, କଣ୍ଟାବଡ଼ ଓ ବଡ଼ଦେଉ ଗ୍ରାମରେ ବିପଦସଙ୍କୁଳ କଚ୍ଚା ଘରେ ରହୁଥିବା ପ୍ରାୟ ୪୦ଟି ପରିବାରକୁ ଚିହ୍ନଟ କରାଯାଇଛି। ସେମାନଙ୍କୁ ସୁନ୍ଦରଡ଼ା ବିଦ୍ୟାଳୟରେ ଥିବା ଆଶ୍ରୟସ୍ଥଳୀକୁ ସ୍ଥାନାନ୍ତର କରିବାକୁ ପ୍ରଶାସନ ନିଷ୍ପତ୍ତି ନେଇଛି।

    ସମ୍ଭାବ୍ୟ ବାତ୍ୟା ପାଇଁ ବଡ଼ ପ୍ରସ୍ତୁତି, ଗଞ୍ଜାମରେ ୨ ଦିନ ସ୍କୁଲ୍-କଲେଜ ଛୁଟି #ganjam #CycloneAkvan https://t.co/2tcFamrjV1

    — ZEE Odisha News (@ZeeOdisha) November 18, 2026

    ଏହାସହ ଉପକୂଳବର୍ତ୍ତୀ ଅଞ୍ଚଳର ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର ହୋଇଥିବା ଲୋକଙ୍କ ପାଇଁ ରନ୍ଧା ଖାଦ୍ୟର ବ୍ୟବସ୍ଥା କରାଯାଇଛି। ଆଶ୍ରୟସ୍ଥଳୀରେ ରହୁଥିବା ଲୋକଙ୍କ ଖାଦ୍ୟ ଓ ଅନ୍ୟାନ୍ୟ ଆବଶ୍ୟକତା ଯେପରି ଠିକ୍ ଭାବେ ପୂରଣ ହୁଏ, ସେଥିପ୍ରତି ପ୍ରଶାସନ ଗୁରୁତ୍ୱ ଦେଉଥିବା ବିଡିଓ ବିବେକାନନ୍ଦ ମିଶ୍ର ସୂଚନା ଦେଇଛନ୍ତି।


    ବାତ୍ୟା ପାଇଁ ୨ ଦିନ ସ୍କୁଲ୍, କଲେଜ ଓ ଅଙ୍ଗନବାଡ଼ି ବନ୍ଦ
    ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ଗଞ୍ଜାମ ଜିଲ୍ଲାପାଳ ଜିଲ୍ଲାରେ ଦୁଇଦିନିଆ ଶିକ୍ଷାନୁଷ୍ଠାନ ଛୁଟି ଘୋଷଣା କରିଛନ୍ତି। ନଭେମ୍ବର ୧୯ ଓ ୨୦ ତାରିଖରେ ଜିଲ୍ଲାର ସମସ୍ତ ସରକାରୀ ସ୍କୁଲ୍, କଲେଜ ଓ ଅଙ୍ଗନବାଡ଼ି କେନ୍ଦ୍ର ବନ୍ଦ ରହିବ।

    ତେବେ ଛୁଟି ସମୟରେ ମଧ୍ୟ ସମସ୍ତ ଶିକ୍ଷାନୁଷ୍ଠାନର କର୍ମଚାରୀଙ୍କୁ ଉପସ୍ଥିତ ରହିବାକୁ ନିର୍ଦ୍ଦେଶ ଦିଆଯାଇଛି। ବିପର୍ଯ୍ୟୟ ସମୟରେ ଆବଶ୍ୟକ ପ୍ରଶାସନିକ ସହଯୋଗ ଓ ରିଲିଫ୍ କାର୍ଯ୍ୟ ପାଇଁ ଏହି ନିଷ୍ପତ୍ତି ନିଆଯାଇଛି।

    ସମ୍ଭାବ୍ୟ ବାତ୍ୟାକୁ ନେଇ ଗଞ୍ଜାମ ପ୍ରଶାସନ ଏବେ ସମ୍ପୂର୍ଣ୍ଣ ସତର୍କ ରହିଛି। ବିଶେଷକରି ଦୁର୍ଗମ ଓ ନଦୀକୂଳିଆ ଅଞ୍ଚଳର ଲୋକଙ୍କୁ ସୁରକ୍ଷିତ ସ୍ଥାନକୁ ନେବା ସହ ଆଶ୍ରୟସ୍ଥଳୀରେ ଆବଶ୍ୟକ ସୁବିଧା ଯୋଗାଇବା ଉପରେ ଜୋର୍ ଦିଆଯାଉଛି। ବାତ୍ୟାର ମୁକାବିଲା କରି ଜିରୋ କାଜୁଆଲିଟି ଲକ୍ଷ୍ୟ ହାସଲ କରିବା ଏବେ ପ୍ରଶାସନର ପ୍ରମୁଖ ଉଦ୍ଦେଶ୍ୟ।

    Add Zee News as a Preferred Source
    TAGS:
    Cyclone Update