Top 10 News: ବିପଦ ସଂକେତ ଟପିଲା ଜଳକା, ଭଂଜନଗର-ବ୍ରହ୍ମପୁର NH ଅବରୋଧ ଓ ଅନ୍ୟ ଖବର

Top 10 News Today

Headlines 01- ଆଜି ମିଳିବ ୨୪ତମ ପିଏମ୍ କିଷାନ କିସ୍ତି ଟଙ୍କା । ରାଜ୍ୟର ୩୫ ଲକ୍ଷରୁ ଉର୍ଦ୍ଧ୍ୱ ଚାଷୀ ପାଇବେ ୭୦୦ କୋଟିରୁ ଅଧିକ ଟଙ୍କା । ଗୁଜରାଟର ବନାସକାଣ୍ଠାଠାରେ ଆୟୋଜିତ କାର୍ଯ୍ୟକ୍ରମରେ ପ୍ରଦାନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ରାଜ୍ୟସ୍ତରୀୟ କାର୍ଯ୍ୟକ୍ରମ ପୂର୍ବାହ୍ନରେ ଭୁବନେଶ୍ୱରସ୍ଥିତ ଓୟୁଏଟିରେ ହେଉଛି । ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏବଂ ଉପମୁଖ୍ୟମନ୍ତ୍ରୀ କେଭି ସିଂଦେଓ ସାମିଲ ହେବାର କାର୍ଯ୍ୟକ୍ରମ ରହିଛି ।

Headlines 02- ଆଜି ଗଞ୍ଜାମ ଓ ଗଜପତି ଜିଲ୍ଲା ଗସ୍ତରେ ଯିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ରାଜସ୍ବ ମନ୍ତ୍ରୀ ସୁରେଶ ପୂଜାରୀ ମଧ୍ୟ ମୁଖ୍ୟମନ୍ତ୍ରୀଙ୍କ ସହ ଉଭୟ ଜିଲ୍ଲା ଗସ୍ତ କରିବେ । ଆକାଶ ମାର୍ଗରୁ ବନ୍ୟାସ୍ଥିତିର ଅନୁଧ୍ୟାନ କରିବାର କାର୍ଯ୍ୟକ୍ରମ ରହିଛି ।

Headlines 03- ଦିଲ୍ଲୀ-ଏନସିଆରରେ ଗୁରୁବାର ରାତିରୁ ବର୍ଷା ଲାଗି ରହିଛି। ବିଳମ୍ବିତ ରାତିରେ ଆକାଶରେ ବିଜୁଳି ଚମକିବା ସହ ବିଜୁଳି ଘଡଘଡି ଦେଖିବାକୁ ମିଳିଥିଲା । ଏହାର କିଛି ସମୟ ପରେ ବର୍ଷା ଆରମ୍ଭ ହୋଇଯାଇଥିଲା। ଥଣ୍ଡା ପବନ କାରଣରୁ ସର୍ବନିମ୍ନ ତାପମାତ୍ରାରେ ହ୍ରାସ ରେକର୍ଡ କରାଯାଇଛି । ଯାହାଫଳରେ ଦିଲ୍ଲୀ ସହିତ ନୋଏଡା, ଗୁରୁଗ୍ରାମ, ଗାଜିଆବାଦ ଏବଂ ଫରିଦାବାଦ ଭଳି ସହରର ବାସିନ୍ଦା ବର୍ତ୍ତମାନ ଥଣ୍ଡା ଅନୁଭବ କରୁଛନ୍ତି ।

Headlines 04- ଗୁରୁବାର ରାତିରେ ଜମ୍ମୁ-କାଶ୍ମୀର ଏବଂ ଲଦାଖର କେତେକ ପାହାଡ଼ିଆ ଅଞ୍ଚଳରେ ତୁଷାରପାତ ଦେଖିବାକୁ ମିଳିଛି। ସେହିପରି ଉତ୍ତରାଖଣ୍ଡର ମଧ୍ୟ ଅନେକ ସ୍ଥାନରେ ତୁଷାରପାତ ଏବଂ କୁଆପଥର ବୃଷ୍ଟି ହୋଇଛି। ପାଣିପାଗ ବିଭାଗ ଆଜି ଜମ୍ମୁ-କାଶ୍ମୀରର ସମତଳ ଅଞ୍ଚଳରେ ଭାରୀ ବର୍ଷାର ସମ୍ଭାବନା ହେବା ନେଇ ଆଲର୍ଟ ଜାରି କରିଛି । ଏଥିସହ ଉପତ୍ୟକାରେ ଆଜି ମଧ୍ୟ ତୁଷାରପାତ ଦେଖିବାକୁ ମିଳିପାରେ।

Headlines 05-  ବିପଦ ସଂକେତ ଟପିଛି ଜଳକା ନଦୀର ବନ୍ୟା ପାଣି । ବସ୍ତା ବ୍ଲକ ମଥାନିଠାରେ ବିପଦ ସଂକେତ ଉପରେ ବନ୍ୟା ଜଳ ପ୍ରବାହିତ ହେଉଛି । ବିପଦ ସଂକେତ ୬.୫୦ ମିଟର ଥିବା ସମୟରେ ଏବେ ଜଳସ୍ତର ୬.୫୮ ମିଟର ରହିଛି ।

Headlines 06- OUSSSC ପକ୍ଷରୁ CPSE-2024 ପାଇଁ ତଥ୍ୟ ଯାଞ୍ଚ ଅବଧି ବଢ଼ିଛି । SI ଲେବୁଲ ପରୀକ୍ଷା ପାଇଁ ତଥ୍ୟ ଅପଡେଟ୍‌ ୧୦ ଦିନ ବୃଦ୍ଧି ଘୋଷଣା କରାଯାଇଛି । ନଭେମ୍ବର ୮ ତାରିଖ ରାତି ୧୦ଟା ପର୍ଯ୍ୟନ୍ତ ବଢ଼ିଛି ଅବଧି । ଆଉ ଅବଧି ବଢ଼ିବ ନାହିଁ । ତେଣୁ ଯେଉଁମାନେ ନ କରିବେ ସେମାନେ ଦାୟୀ ରହିବେ ବୋଲି ସୂଚାଇ ଦିଆଯାଇଛି ।

Headlines 07- ବାତ୍ୟା ଅର୍ଣ୍ଣବ ସ୍ଥଳଭାଗ ଛୁଇଁବା ପରେ ପ୍ରବଳ ବର୍ଷା କାରଣରୁ ବିଶେଷ କରି ଗଞ୍ଜାମ ଏବଂ ଗଜପତି ଜିଲ୍ଲାରେ ବନ୍ୟା ସ୍ଥିତି ଉପୁଜିଛି । ବିଭିନ୍ନ ସ୍ଥାନରେ ଜଳ ବନ୍ଦି ପରିସ୍ଥିତି ଉପୁଜିଛି । ରାସ୍ତା ଘାଟ ସମେତ ଅନେକ ଅଞ୍ଚଳ ପାଣିରେ ବୁଡି ରହିଥିବା ଦୃଶ୍ୟ ସାମ୍ନାକୁ ଆସୁଛି । ବନ୍ୟା ପ୍ରଭାବିତ ଲୋକଙ୍କୁ ଉଦ୍ଧାର ଏବଂ ସହଯୋଗ ପାଇଁ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଉଛି । ପ୍ରଭାବିତ ଅଞ୍ଚଳରେ ଉଭୟ ଶୁଖିଲା ଏବଂ ରନ୍ଧା ଖାଦ୍ୟ ବଣ୍ଟାଯାଉଛି ।

Headlines 08- ବନ୍ୟା ପାଇଁ ଆଜି ସୁନ୍ଦରଗଡ଼ ଜିଲ୍ଲାରେ ସ୍କୁଲ୍‌ ଛୁଟି ଘୋଷଣା କରାଯାଇଛି । ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ସମସ୍ତ ପ୍ରକାର ସ୍କୁଲ ବନ୍ଦ ରହିବ । ସମସ୍ତ ସ୍କୁଲ ବନ୍ଦ ନେଇ ନିର୍ଦ୍ଦେଶ ଦେଇଛନ୍ତି ସୁନ୍ଦରଗଡ଼ ଜିଲ୍ଲାପାଳ ।

Headlines 09- କେନ୍ଦ୍ରାପଡ଼ା ଲୁଣା ନଦୀବନ୍ଧରୁ ମହିଳାଙ୍କ ମୁଣ୍ଡବିହୀନ ଉଲଗ୍ନ ମୃତଦେହ ଉଦ୍ଧାର ହୋଇଛି । କେହି ହତ୍ୟା କରି ଫିଙ୍ଗି ଦେଇଥିବା ସନ୍ଦେହ କରାଯାଉଛି । ଘଟଣାସ୍ଥଳରେ କୁଦାନଗରୀ ପୋଲିସ୍‌ ପହଞ୍ଚି ତଦନ୍ତ ଆରମ୍ଭ କରିଛି । ମୃତ ମହିଳାଙ୍କ ବୟସ ୪୦ ପାଖାପାଖି ହେବ ବୋଲି ଅନୁମାନ କରାଯାଉଛି । ବର୍ତ୍ତମାନ ପର୍ଯ୍ୟନ୍ତ ପରିଚୟ ମିଳିପାରିନାହିଁ ।

Headlines 10- ବନ୍ୟା ସହାୟତା ଦାବିରେ ଭଂଜନଗର-ବ୍ରହ୍ମପୁର ଜାତୀୟ ରାଜପଥ ଅବରୋଧ ହୋଇଛି । ମଶାଣୀ ସାହିର ୧୨ ଘର ବନ୍ୟାରେ ଭାସି ଯାଇଥିବା ଅଭିଯୋଗ ଆସିଛି । ରାସ୍ତା ଅବରୋଧ ସହ କ୍ଷତିପୂରଣ ଦାବି କରିଛନ୍ତି ବାସହରା ପରିବାର ।