Deep Depression: ଆଜି ସନ୍ଧ୍ୟାରେ ମିଆଁମାର ଉପକୂଳ ଅତିକ୍ରମ କରିବ ଡିପ୍ ଡିପ୍ରେସନ୍
ସୋମବାର, ୨୮ ସେପ୍ଟେମ୍ବର ୨୦୨୬ ଦିନ ୧୧ଟା ୩୦ ମିନିଟ୍ରେ ଡିପ୍ ଡିପ୍ରେସନ୍ଟି ଉତ୍ତର ଆଣ୍ଡାମାନ ସାଗର ଓ ସଂଲଗ୍ନ ମିଆଁମାର ଉପକୂଳ ଅଞ୍ଚଳରେ କେନ୍ଦ୍ରୀଭୂତ ରହିଥିଲା। ଏହାର କେନ୍ଦ୍ର ପ୍ରାୟ ୧୬.୪° ଉତ୍ତର ଅକ୍ଷାଂଶ ଓ ୯୭.୩° ପୂର୍ବ ଦ୍ରାଘିମା ନିକଟରେ ରହିଥିଲା।
Deep Depression: ଉତ୍ତର ଆଣ୍ଡାମାନ ସାଗର ଏବଂ ସଂଲଗ୍ନ ମିଆଁମାର ଉପକୂଳ ଅଞ୍ଚଳରେ ଥିବା ଅବପାତ ଆହୁରି ଶକ୍ତିଶାଳୀ ହୋଇ ଡିପ୍ ଡିପ୍ରେସନ୍ ରେ ପରିଣତ ହୋଇଛି। ଗତ ୩ ଘଣ୍ଟା ମଧ୍ୟରେ ଏହା ଘଣ୍ଟା ପ୍ରତି ପ୍ରାୟ ୧୦ କିଲୋମିଟର ବେଗରେ ଉତ୍ତର-ଉତ୍ତରପଶ୍ଚିମ ଦିଗକୁ ଗତି କରିଛି।
ସୋମବାର, ୨୮ ସେପ୍ଟେମ୍ବର ୨୦୨୬ ଦିନ ୧୧ଟା ୩୦ ମିନିଟ୍ରେ ଡିପ୍ ଡିପ୍ରେସନ୍ଟି ଉତ୍ତର ଆଣ୍ଡାମାନ ସାଗର ଓ ସଂଲଗ୍ନ ମିଆଁମାର ଉପକୂଳ ଅଞ୍ଚଳରେ କେନ୍ଦ୍ରୀଭୂତ ରହିଥିଲା। ଏହାର କେନ୍ଦ୍ର ପ୍ରାୟ ୧୬.୪° ଉତ୍ତର ଅକ୍ଷାଂଶ ଓ ୯୭.୩° ପୂର୍ବ ଦ୍ରାଘିମା ନିକଟରେ ରହିଥିଲା।
ମିଆଁମାର ଉପକୂଳ ଅତିକ୍ରମ କରିବ
ପାଣିପାଗ ବିଭାଗର ଆକଳନ ଅନୁସାରେ, ଡିପ୍ ଡିପ୍ରେସନ୍ଟି ଆଗକୁ ମଧ୍ୟ ଉତ୍ତର-ଉତ୍ତରପଶ୍ଚିମ ଦିଗକୁ ଗତି ଜାରି ରଖିବ। ଏହା ୨୮ ସେପ୍ଟେମ୍ବର ସନ୍ଧ୍ୟା ସମୟରେ ୟାଙ୍ଗୁନ୍ ଓ କ୍ୟାଇକ୍ତୋ ମଧ୍ୟବର୍ତ୍ତୀ ଅଞ୍ଚଳ ଦେଇ ମିଆଁମାର ଉପକୂଳ ଅତିକ୍ରମ କରିବାର ସମ୍ଭାବନା ରହିଛି।
ଉପକୂଳ ଅତିକ୍ରମ ପରେ ମଧ୍ୟ ଏହାର ଗତି ଉତ୍ତର-ଉତ୍ତରପଶ୍ଚିମ ଦିଗରେ ଜାରି ରହିବ। ଆସନ୍ତା ୨ ଦିନ ମଧ୍ୟରେ ଏହା ଉପକୂଳୀୟ ମିଆଁମାର ଅଞ୍ଚଳ ଦେଇ ଆଗକୁ ବଢ଼ି ପୂର୍ବ-ମଧ୍ୟ ଏବଂ ଉତ୍ତର-ପୂର୍ବ ବଙ୍ଗୋପସାଗର ଓ ଦକ୍ଷିଣ-ପୂର୍ବ ବାଂଲାଦେଶ ଆଡ଼କୁ ଗତି କରିବାର ସମ୍ଭାବନା ରହିଛି।
ମିଆଁମାରର ଅନେକ ପ୍ରମୁଖ ସହର ନିକଟରେ ଅବପାତ
ଡିପ୍ ଡିପ୍ରେସନ୍ର କେନ୍ଦ୍ର ମିଆଁମାରର ମାଓଲାମାଇନ୍ଠାରୁ ପ୍ରାୟ ୪୦ କିଲୋମିଟର ପଶ୍ଚିମ-ଦକ୍ଷିଣପଶ୍ଚିମରେ ରହିଛି। ସେହିପରି ୟାଙ୍ଗୁନ୍ଠାରୁ ପ୍ରାୟ ୧୩୦ କିଲୋମିଟର ପୂର୍ବ-ଦକ୍ଷିଣପୂର୍ବ, ବାଗୋଠାରୁ ୧୩୦ କିଲୋମିଟର ଦକ୍ଷିଣ-ପୂର୍ବରେ ଏହା ଅବସ୍ଥିତ ରହିଛି।
ଏହା କୋକୋ ଦ୍ୱୀପଠାରୁ ପ୍ରାୟ ୪୯୦ କିଲୋମିଟର ପୂର୍ବ-ଉତ୍ତରପୂର୍ବରେ ଏବଂ ଭାରତର ଆଣ୍ଡାମାନ ଦ୍ୱୀପପୁଞ୍ଜର ମାୟାବନ୍ଦରଠାରୁ ପ୍ରାୟ ୬୧୦ କିଲୋମିଟର ଉତ୍ତର-ପୂର୍ବରେ ରହିଛି। ବର୍ତ୍ତମାନ ଏହି ଡିପ୍ ଡିପ୍ରେସନ୍ର ଗତିପଥ ଉପରେ ପାଣିପାଗ ବିଭାଗର ନଜର ରହିଛି। ମିଆଁମାର ଉପକୂଳ ଅତିକ୍ରମ ପରେ ଏହା ବଙ୍ଗୋପସାଗର ଓ ବାଂଲାଦେଶ ଆଡ଼କୁ ଗତି କରିବାକୁ ଥିବାରୁ ପରବର୍ତ୍ତୀ ପାଣିପାଗ ପରିସ୍ଥିତି ଉପରେ ମଧ୍ୟ ନଜର ରହିବ।
