Nobel Prize in Medicine 2026: ମେଡିସିନ୍ ରେ ତିନି ଜଣଙ୍କୁ ନୋବେଲ

Nobel Prize in Medicine 2026:ଚଳିତ ବର୍ଷ ମେଡିସିନ୍ ରେ ଜର୍ମାନ୍ ଓ ଆମେରିକାର ୩ ଜଣଙ୍କୁ ନୋବେଲ୍ ପୁରସ୍କାର ଦେବାକୁ  ଚୟନ କରାଯାଇଛି।  ସେମାନେ ହେଲେ, କାର୍ଲ ଡାଇସେରଥ୍ (୫୪) ପିଟର ହେଗେମାନ୍ (୭୧) ଏବଂ ଜଜ୍ ନାଗେଲ୍ (୭୪)।  ବ୍ୟକ୍ତିର ସ୍ନାୟୁ କୋଷ ଓ ମସ୍ତିଷ୍କ ପ୍ରତିକ୍ରିୟା ଉପରେ ସେମାନଙ୍କ ବହୁମୂଲ୍ୟ ଗବେଷଣା ଲାଗି  ଏହି ପୁରସ୍କାର ନିମନ୍ତେ ମନୋନୀତ କରାଯାଇଛି।  

ଏହି ଗବେଷଣା ଉପଲବ୍ଧ ଜ୍ଞାନ ମସ୍ତିଷ୍କର ଅନେକ ରହସ୍ୟ ଦୂର କରିବାରେ  ଏବଂ ଏ କ୍ଷେତ୍ରରେ ଗବେଷଣାରତ  ଅନ୍ୟ ବୈଜ୍ଞାନିକମାନଙ୍କୁ  ସହାୟତା କରିବ ବୋଲି ଚୟନ କମିଟି ପକ୍ଷରୁ ମତ ପ୍ରକାଶ ପାଇଛି। ଡାଇସେରୋଥ୍ ଆମେରିକା କାଲିଫର୍ଣ୍ଣିଆ ବିଶ୍ବ ବିଦ୍ୟାଳୟରେ  ଗବେଷଣାରତ ଥିବା ବେଳେ ପିଟର ହେଗେମାନ୍ ବର୍ଲିନର ହମବୋଲ୍ଡ ବିଶ୍ବ ବିଦ୍ୟାଳୟ ଏବଂ ନାଗେଲ୍ ଜର୍ମାନୀର ଉର୍ଜବର୍ଗ ବିଶ୍ବ ବିଦ୍ୟାଳୟରେ ଗବେଷଣାରତ ଅଛନ୍ତି। 

ନୋବେଲ୍ ପୁରସ୍କାର ଲାଗି ଚୟନ ନିମନ୍ତେ  ଗଠିତ ମେଡିସିନ୍  କମିଟି ମୁଖ୍ୟ ଥୋମାସ୍  ପଲମ୍ୟାନ୍  ଏହି ତିନି ଜଣଙ୍କ ନାମ ଘୋଷଣା କରି କହିଛନ୍ତି ଯେ, କମିଟି ସବୁ ସଦସ୍ୟଙ୍କ ସହ ଟେଲିଫୋନ୍ ଯୋଗେ କଥା ହେଇ  ଏହି ନିସ୍ପତି ନେଇଛି।  ଏକ ସ୍ବତନ୍ତ୍ର ସମାରୋହରେ ନୋବେଲ୍ ବିଜେତାମାନଙ୍କୁ ପୁରସ୍କୃତ କରାଯିବ।  ଏହି ପୁରସ୍କାର ବାବଦରେ ପ୍ରାୟ ୧.୨ ନିୟୁତ ଆମେରୀକିୟ ଡଲାର୍ ପ୍ରଦାନ୍ କରାଯାଇଥାଏ।