Indigo Airlines: ଦଶହରା, ଦୀପାବଳି ଏବଂ ଛଠ୍ ପରି ପର୍ବପର୍ବାଣି ପାଇଁ ଘରକୁ ଯିବାକୁ ଯୋଜନା କରୁଥିଲେ ଏହି ଖବର ଆପଣଙ୍କ ମନକୁ ଫିକା ପକାଇପାରେ । ଇଣ୍ଡିଗୋ ଏୟାରଲାଇନ୍ସ ଭଡ଼ା ବୃଦ୍ଧି କରିଥିବାରୁ ବିମାନ ଯାତ୍ରା ବର୍ତ୍ତମାନ ଅଧିକ ମହଙ୍ଗା ହୋଇଯାଇଛି।
ଦେଶର ସବୁଠାରୁ ବଡ଼ ବିମାନ ସେବା ସଂସ୍ଥା ଇଣ୍ଡିଗୋ ସୋମବାର ଦିନ ଭଡ଼ା ବୃଦ୍ଧି ଘୋଷଣା କରିଛି। ଏଭିଏସନ୍ ଟର୍ବାଇନ୍ ଫୁଏଲ୍ (ATF) ବା ବିମାନ ଇନ୍ଧନର ମୂଲ୍ୟ ବୃଦ୍ଧି ପାଇବା ପରେ କମ୍ପାନୀ ଭଡ଼ା ବଢ଼ାଇବାକୁ ନିଷ୍ପତ୍ତି ନେଇଛି। କମ୍ପାନୀ କହିଛି ଯେ ATFର ମୂଲ୍ୟ ବୃଦ୍ଧି ଯୋଗୁଁ ଘରୋଇ ଏବଂ ଆନ୍ତର୍ଜାତୀୟ ଉଭୟ ପ୍ରକାରର ବିମାନ ସେବାରେ ଇନ୍ଧନ ଶୁଳ୍କ ବୃଦ୍ଧି କରିବାକୁ ନିଷ୍ପତ୍ତି ନିଆଯାଇଛି।
ଏହି ଇନ୍ଧନ ଶୁଳ୍କ ମଙ୍ଗଳବାର, ଅକ୍ଟୋବର ୬ ତାରିଖରୁ ବୁକ୍ କରାଯାଇଥିବା ସମସ୍ତ ବିମାନ ଉପରେ ଲାଗୁ ହେବ; ଫଳସ୍ୱରୂପ, ଆସନ୍ତାକାଲିଠାରୁ ଯାତ୍ରୀଙ୍କ ପାଇଁ ଇଣ୍ଡିଗୋ ବିମାନ ଯାତ୍ରା ଅଧିକ ମହଙ୍ଗା ହେବ। କମ୍ପାନୀ ଉଲ୍ଲେଖ କରିଛି ଯେ, ଗଲ୍ଫ ଯୁଦ୍ଧ ପରଠାରୁ ଇନ୍ଧନ ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି ଏବଂ ମାସିକ ଭିତ୍ତିରେ ଏହି ବୃଦ୍ଧି ୧୪ ପ୍ରତିଶତରୁ ଅଧିକ ରହିଛି। ATF ମୂଲ୍ୟ ଗତ ଏକ ଦଶନ୍ଧି ମଧ୍ୟରେ ସର୍ବାଧିକ ସ୍ତରରେ ପହଞ୍ଚିଛି, ଯାହା ଫଳରେ କମ୍ପାନୀର ପରିଚାଳନାଗତ ଖର୍ଚ୍ଚ ବୃଦ୍ଧି ପାଇଛି।
ତେବେ ଭଡ଼ା କେତେ ବୃଦ୍ଧି ପାଇବ? ଘରୋଇ ରୁଟ୍ (ଦେଶ ମଧ୍ୟସ୍ଥ ଉଡ଼ାଣ) ପାଇଁ ଆସନ୍ତୁ ସେ ବିଷୟରେ ଜାଣିବା ।
୫୦୦ କିଲୋମିଟର ପର୍ଯ୍ୟନ୍ତ ଉଡ଼ାଣ ପାଇଁ ୩୭୫ ଟଙ୍କା
୫୦୧ କିଲୋମିଟରରୁ ୧,୦୦୦ କିଲୋମିଟର ମଧ୍ୟରେ ଥିବା ଉଡ଼ାଣ ପାଇଁ ୬୦୦ ଟଙ୍କା
୧,୦୦୧ କିଲୋମିଟରରୁ ୧,୫୦୦ କିଲୋମିଟର ମଧ୍ୟରେ ଥିବା ଉଡ଼ାଣ ପାଇଁ ୯୦୦ ଟଙ୍କା
୧,୫୦୧ କିଲୋମିଟରରୁ ୨,୦୦୦ କିଲୋମିଟର ମଧ୍ୟରେ ଥିବା ଉଡ଼ାଣ ପାଇଁ ୧,୧୫୦ ଟଙ୍କା
୨,୦୦୦ କିଲୋମିଟରରୁ ଅଧିକ ଦୂରତା ବିଶିଷ୍ଟ ଉଡ଼ାଣ ପାଇଁ ୧,୩୦୦ ଟଙ୍କା
ଅନ୍ୟପକ୍ଷରେ, ଆନ୍ତର୍ଜାତୀୟ ରୁଟ୍ ପାଇଁ:
ସାର୍କ (SAARC) ଅଞ୍ଚଳ ମଧ୍ୟରେ ୫୦୦ କିଲୋମିଟର ପର୍ଯ୍ୟନ୍ତ ଦୂରତା ଅତିକ୍ରମ କରୁଥିବା ଉଡ଼ାଣ ପାଇଁ ୧,୦୦୦ ଟଙ୍କା ଇନ୍ଧନ ଶୁଳ୍କ (fuel charge) ଲାଗୁ ହେବ ।
ସାର୍କ (SAARC) ଅଞ୍ଚଳ ମଧ୍ୟରେ ୫୦୦ କିଲୋମିଟରରୁ ଅଧିକ ଦୂରତା ଅତିକ୍ରମ କରୁଥିବା ଉଡ଼ାଣ ପାଇଁ ୩,୦୦୦ ଟଙ୍କା ଇନ୍ଧନ ଶୁଳ୍କ ଲାଗୁ ହେବ
ଦକ୍ଷିଣ-ପୂର୍ବ ଏସିଆ, ଜିସିସି (GCC), ମଧ୍ୟ-ପୂର୍ବ ଏବଂ ଉତ୍ତର ଓ ପୂର୍ବ ଏସିଆ ପାଇଁ ୫,୫୦୦ ଟଙ୍କା ଇନ୍ଧନ ଶୁଳ୍କ ଲାଗୁ ହେବ ।
ଆଫ୍ରିକା ଏବଂ ୟୁରୋପ ଯାଉଥିବା ଉଡ଼ାଣ ପାଇଁ ୬,୦୦୦ ଟଙ୍କା ଇନ୍ଧନ ଶୁଳ୍କ ଲାଗୁ ହେବ ।
Disclaimer: ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ତଥ୍ୟରୁ ମିଳିଥିବା ସୂଚନା ଅନୁଯାୟୀ ଏହା ପ୍ରଦାନ କରାଯାଇଛି। ଆପଣଙ୍କ କୌଣସି ଆପତ୍ତି ପାଇଁ ZEE ODISHA NEWS ଦାୟୀ ରହିବ ନାହିଁ