Snowfall: ସେପ୍ଟେମ୍ୱର ୨୮ ତାରିଖ ସୋମବାର ଦିନ ଶ୍ରୀନଗରରେ ସର୍ବାଧିକ ତାପମାତ୍ରା ୨୧.୫ ଡିଗ୍ରୀ ସେଲସିୟସ୍ ରେକର୍ଡ କରାଯାଇଥିଲା । ଏହି ତାପମାତ୍ରା ସ୍ୱାଭାବିକ ଠାରୁ ୫.୨ ଡିଗ୍ରୀ କମ୍ ରହିଥିବା ରେକର୍ଡ କରାଯାଇଛି। ୨୭ ସେପ୍ଟେମ୍ୱର ଅର୍ଥାତ ରବିବାର ଦିନ ସର୍ବାଧିକ ତାପମାତ୍ରା ୨୯.୮ ଡିଗ୍ରୀ ସେଲସିୟସ୍ ଥିଲା ଯାହା ସୋମବାର ତାପମାତ୍ରା ତୁଳନାରେ ୮.୨ ଡିଗ୍ରୀ ଅଧିକ ଥିଲା। ସର୍ବନିମ୍ନ ତାପମାତ୍ରା ୯.୮ ଡିଗ୍ରୀ ସେଲସିୟସ୍ ରହିଥିଲା । ଏହା ସ୍ୱାଭାବିକ ଠାରୁ ୨.୨ ଡିଗ୍ରୀ କମ୍। କାଜିଗୁଣ୍ଡରେ ସର୍ବାଧିକ ତାପମାତ୍ରା ୨୨.୨ ଡିଗ୍ରୀ ସେଲସିୟସ୍ ଯାହା ସ୍ୱାଭାବିକ ଠାରୁ ୨.୮ ଡିଗ୍ରୀ କମ୍ ଏବଂ ସର୍ବନିମ୍ନ ତାପମାତ୍ରା ୯.୦ ଡିଗ୍ରୀ ସେଲସିୟସ୍ ଯାହା ସ୍ୱାଭାବିକ ଠାରୁ ୦.୭ ଡିଗ୍ରୀ ଅଧିକ ରେକର୍ଡ କରାଯାଇଥିଲା।
ପହଲଗାମରେ ମଧ୍ୟ ସର୍ବାଧିକ ତାପମାତ୍ରା ୨୦.୬ ଡିଗ୍ରୀ ସେଲସିୟସ୍ ରହିଥିଲା ଯାହା ସ୍ୱାଭାବିକ ଠାରୁ ୨.୫ ଡିଗ୍ରୀ କମ୍ । ପହଲଗାମରେ ସର୍ବନିମ୍ନ ତାପମାତ୍ରା ୧୧.୭ ଡିଗ୍ରୀ ସେଲସିୟସ୍ ଯାହା ସ୍ୱାଭାବିକ ଠାରୁ ୬.୧ ଡିଗ୍ରୀ ଅଧିକ ରେକର୍ଡ କରାଯାଇଥିଲା। ଗୁଲମାର୍ଗରେ ସର୍ବାଧିକ ତାପମାତ୍ରା ୧୩.୨ ଡିଗ୍ରୀ ସେଲସିୟସ୍ ଯାହା ସ୍ୱାଭାବିକ ଠାରୁ ୪.୪ ଡିଗ୍ରୀ କମ୍ ଏବଂ ସର୍ବନିମ୍ନ ତାପମାତ୍ରା ୭.୦ ଡିଗ୍ରୀ ସେଲସିୟସ୍ ଯାହା ସ୍ୱାଭାବିକ ଠାରୁ ୦.୩ ଡିଗ୍ରୀ କମ୍ ରେକର୍ଡ କରାଯାଇଥିଲା।
ହିମାଚଳ ପ୍ରଦେଶର ବିଭିନ୍ନ ସ୍ଥାନରେ ତାପମାତ୍ରାରେ ହ୍ରାସ ପରିଲକ୍ଷିତ ହୋଇଛି । ସେପ୍ଟେମ୍ବର ମାସର ଶେଷ ସପ୍ତାହରେ ପାଣିପାଗରେ ପରିବର୍ତ୍ତନ ସହିତ ଧୌଳାଧର ପର୍ବତର ଉଚ୍ଚ ଶୃଙ୍ଗଗୁଡ଼ିକରେ ନୂତନ ଭାବେ ବରଫପାତ ହୋଇଛି । କାଙ୍ଗ୍ରା ଜିଲ୍ଲାର ବିଭିନ୍ନ ପାହାଡ଼ିଆ ଅଞ୍ଚଳରେ ସକାଳୁ ଅପରାହ୍ନ ପର୍ଯ୍ୟନ୍ତ ମଝିରେ ମଝିରେ ବର୍ଷା ଲାଗି ରହିଥିଲା। ଉଭୟ ବର୍ଷା ଓ ବରଫପାତ ଯୋଗୁଁ ତାପମାତ୍ରାରେ ଯଥେଷ୍ଟ ହ୍ରାସ ଘଟିଛି । ଫଳସ୍ୱରୂପ ଧର୍ମଶାଳା ସମେତ ସମଗ୍ର ଅଞ୍ଚଳରେ ହଠାତ୍ ଶୀତ ଅନୁଭୂତ ହେବା ଆରମ୍ଭ ହୋଇଛି । କାଲିଠାରୁ ଲୋକମାନଙ୍କୁ ଗରମ ପୋଷାକ ପିନ୍ଧୁଥିବାର ଦେଖିବାକୁ ମିଳିଛି।
ସୋମବାର ଦିନ ଧର୍ମଶାଳାରେ ସର୍ବାଧିକ ତାପମାତ୍ରା ୨୪ ଡିଗ୍ରୀ ସେଲସିୟସ୍ ଏବଂ ସର୍ବନିମ୍ନ ତାପମାତ୍ରା ୧୬ ସିଗ୍ରୀ ସେଲସିୟସ୍ ରେକର୍ଡ କରାଯାଇଥିଲା। ଦିନସାରା ଆକାଶ ମେଘାଚ୍ଛନ୍ନ ରହିଥିଲା । ଅପରାହ୍ନ ପ୍ରାୟ ୩ଟା ସମୟରେ ବର୍ଷା ବନ୍ଦ ହୋଇଥିଲା ଏବଂ କିଛି ସମୟ ପାଇଁ ସୂର୍ଯ୍ୟକିରଣ ଦେଖିବାକୁ ମିଳିଥିଲା। ଅସମୟରେ ବର୍ଷା ହେବା କାରଣରୁ ଅନେକ ସ୍ଥାନରେ ଚାଷୀଙ୍କ ମଧ୍ୟରେ ଚିନ୍ତା ବଢ଼ିଛି ।