INDIA ବୈଠକ ପରେ ରାହୁଲଙ୍କ ବଡ଼ ବୟାନ: ‘ଗଣତନ୍ତ୍ରକୁ ନଷ୍ଟ କରିଥିବା ଲୋକଙ୍କୁ ଦଣ୍ଡ ମିଳିବ’

ନୂଆଦିଲ୍ଲୀ: INDIA ମେଣ୍ଟର ସମନ୍ୱୟ ବୈଠକ ପରେ ଲୋକସଭା ବିରୋଧୀ ଦଳ ନେତା ତଥା କଂଗ୍ରେସ ସାଂସଦ ରାହୁଲ ଗାନ୍ଧୀ ଗଣତନ୍ତ୍ର ଓ ନିର୍ବାଚନ ପ୍ରସଙ୍ଗରେ ବଡ଼ ବୟାନ ଦେଇଛନ୍ତି। ରାହୁଲ କହିଛନ୍ତି, ଦେଶର ଗଣତାନ୍ତ୍ରିକ ବ୍ୟବସ୍ଥାକୁ ନଷ୍ଟ କରିଥିବା ଲୋକଙ୍କୁ ଦଣ୍ଡ ଦେବା ପାଇଁ INDIA ମେଣ୍ଟର ସମସ୍ତ ନେତା ପ୍ରତିବଦ୍ଧ।

ରାହୁଲ ଗାନ୍ଧୀ କହିଛନ୍ତି, କେହି କେତେ ବଡ଼ ପଦବୀରେ ଥାଆନ୍ତୁ କିମ୍ବା ତାଙ୍କର ପ୍ରଭାବ ଯେତେ ଅଧିକ ହେଉ, ଗଣତନ୍ତ୍ରଠାରୁ କେହି ବଡ଼ ନୁହେଁ। ଭାରତୀୟ ଗଣତନ୍ତ୍ର ଦେଶର ପ୍ରତ୍ୟେକ ବ୍ୟକ୍ତିଙ୍କଠାରୁ ବଡ଼ ବୋଲି ସେ କହିଛନ୍ତି।

#WATCH | Delhi | After INDIA alliance meeting, Congress MP & LoP, Lok Sabha, Rahul Gandhi says, "It is the personal commitment of all INDIA leaders that we are going to ensure that the people who have destroyed Indian democracy are punished. It doesn't matter how senior they are,… pic.twitter.com/UlUTggubmv

— ANI (@ANI) September 30, 2026

ବୈଠକରେ ବିରୋଧୀ ଦଳଗୁଡ଼ିକ ନିର୍ବାଚନୀ ପ୍ରକ୍ରିୟା ଓ ଭୋଟର ତାଲିକା ସମ୍ପର୍କିତ ପ୍ରସଙ୍ଗ ଉଠାଇଥିବା ଜଣାପଡ଼ିଛି। INDIA ମେଣ୍ଟ ଅକ୍ଟୋବର ୨ରୁ ୮ ତାରିଖ ମଧ୍ୟରେ ଜିଲ୍ଲାସ୍ତରରେ ‘ସେଭ୍ ଡେମୋକ୍ରାସି’ ପଦଯାତ୍ରା କରିବା ସହ ଅକ୍ଟୋବର ୬ରେ ନିର୍ବାଚନ ଆୟୋଗଙ୍କ ନିକଟକୁ ବିରୋଧୀ ସାଂସଦମାନେ ମାର୍ଚ୍ଚ କରିବା ନେଇ କାର୍ଯ୍ୟକ୍ରମ ଘୋଷଣା କରିଛନ୍ତି।

ରାହୁଲ ଗାନ୍ଧୀ ଆହୁରି କହିଛନ୍ତି ଯେ, ବିରୋଧୀ ଦଳଗୁଡ଼ିକ ନିର୍ବାଚନରେ ଅନିୟମିତତା ନେଇ ଯେଉଁ ପ୍ରଶ୍ନ ଉଠାଉଛନ୍ତି, ତାହାକୁ ଦେଶବାସୀଙ୍କ ନିକଟରେ ପହଞ୍ଚାଇବାରେ ସଫଳ ହୋଇଛନ୍ତି। ବିଶେଷକରି ଯୁବପିଢ଼ି ମଧ୍ୟରେ ବର୍ତ୍ତମାନ ଏକ ପ୍ରତିରୋଧର ଭାବନା ସୃଷ୍ଟି ହୋଇଥିବା ସେ ଦାବି କରିଛନ୍ତି।

ତେବେ ନିର୍ବାଚନ ସମ୍ପର୍କରେ ରାହୁଲ ଗାନ୍ଧୀ ଉଠାଇଥିବା ଅଭିଯୋଗଗୁଡ଼ିକୁ ନେଇ ନିର୍ବାଚନ ଆୟୋଗ ପୂର୍ବରୁ ଭିନ୍ନ ମତ ପ୍ରକାଶ କରିଛି। ତେଣୁ ଏହି ପ୍ରସଙ୍ଗକୁ ନେଇ ରାଜନୈତିକ ଦଳଗୁଡ଼ିକ ମଧ୍ୟରେ ବିତର୍କ ଜାରି ରହିଛି।