Trains Cancelled:ବାତ୍ୟା ଅର୍ଣ୍ଣବ ପାଇଁ ପୂର୍ବତଟ ରେଳପଥର ୧୪ ଟ୍ରେନ୍ ବାତିଲ୍, ଦେଖନ୍ତୁ ପୂରା ତାଲିକା

Trains Cancelled: ବାତ୍ୟା ପାଇଁ ରେଳ ଚଳାଚଳ ପ୍ରଭାବିତ ହେବ। ବାତ୍ୟାକୁ ଦୃଷ୍ଟିରେ ରଖି  ୧୪ଟି ଟ୍ରେନ୍ ବାତିଲ୍ କରିଛି ପୂର୍ବତଟ ରେଳପଥ। ଅକ୍ଟୋବର ୨୭ ରୁ  ନଭେମ୍ବର ୪ ତାରିଖ ମଧ୍ୟରେ ବିଭିନ୍ନ ଦିନରେ ଏହି ଟ୍ରେନ୍ ଗୁଡିକ ଚଳାଚଳ ନ କରି ବାତିଲ୍ ରହିବ।  ଏହାସହ କିଛି ଟ୍ରେନ୍ ଯାତ୍ରା ଆଂଶିକ ବାତିଲ୍ କରାଯାଇଥିବା ବେଳେ ଆଉ କିଛି ଟ୍ରେନ୍ ଯାତ୍ରା ଆରମ୍ଭ ସ୍ଥଳରେ ପରିର୍ତ୍ତନ କରାଯାଇଛି। ବିଶେଷକରି, କୋରାପୁଟ୍, ବିଖାଶାପାଟଣା, ଜଗଦଲପୁର, ଭୁବନେଶ୍ବର ଓ ଜୁନାଗଡ ରୋଡକୁ ସଂଯୋଗ  କରୁଥିବା କିଛି ଟ୍ରେନ୍  ଏହା ଦ୍ବାରା ପ୍ରଭାବିତ  ହୋଇଛି। 

ALSO READ: Cyclone Arnab:ଅତି ଭୀଷଣ ବାତ୍ୟା ରୂପ ନେଲା'ଅର୍ଣ୍ଣବ',ପ୍ରଭାବିତ ହେବ ଏହିସବୁ ଜିଲ୍ଲା!

ଯାତ୍ରୀଙ୍କ ସୁରକ୍ଷା ଓ ଅସୁବିଧାକୁ ଏଡାଇବା ପାଇଁ  ରେଳପଥ ପକ୍ଷରୁ ଏହି ପଦକ୍ଷେପ ନିଆଯାଇଛି। ତେଣୁ ଯାତ୍ରା କରିବା ପୂର୍ବରୁ ନିଜ ଟ୍ରେନ୍ ର ସ୍ଥିତି ଯାଂଚ କରିବାକୁ ପୂର୍ବତଟ ରେଳପଥ ପକ୍ଷରୁ ଯାତ୍ରୀଙ୍କୁ ପରାମର୍ଶ ଦିଆଯାଇଛି।  ସେହିପରି,ବାତ୍ୟା ଯୋଗୁଁ  ଦକ୍ଷିଣ ପୂର୍ବ ରେଳପଥ ପୂର୍ବରୁ ୨୭ ଓ ୨୮ରେ  ୫୩ଟି ଟ୍ରେନ୍ ବାତିଲ୍ ହୋଇଛି।  ବିଶାଖାପାଟଣା-କିରଣ୍ତୁଲ୍ ଏକ୍ସପ୍ରେସ୍, ୨୯ ରୁ ୪ ଯାଏଁ ଉଭୟ ପଟୁ  ବାତିଲ୍ ରହିଛି। ବିଖାଶାପାଟଣା-କୋରାପୁଟ୍   ପାସେଞ୍ଜର ୨୭ ରୁ ୩୦ ଯାଏଁ ବାତିଲ୍, ବିଶାଖାପାଟଣା-କିରଣ୍ତୁଲ୍ ରାସେଞ୍ଜର ୨୭ ରୁ ୩୦ ଯାଏଁ ଉଭୟ ପଟୁ ବାତିଲ୍ ହୋଇଥିବା ବେଳେ  ହୀରାଖଣ୍ତ ଏକ୍ସପ୍ରେସ୍ ୨୭ ରୁ ୩୦ ରାୟଗଡା ପର୍ଯ୍ୟନ୍ତ ଯିବ ବୋଲି ସୂଚନା ମିଳିଛି।