Cyclone Arnab: ବାତ୍ୟା ଅର୍ଣ୍ଣବ ମୁକାବିଲା, ୮ ମନ୍ତ୍ରୀଙ୍କୁ ୮ ପ୍ରଭାବିତ ଜିଲ୍ଲା ଦାୟିତ୍ବ, ଦେଖନ୍ତୁ ପୂରା ତାଲିକା

Cyclone Arnab : ସାମ୍ଭାବ୍ୟ ବାତ୍ୟା ଅର୍ଣ୍ଣବ ମୁକାବିଲା ପାଇଁ ରାଜ୍ୟ ସରକାର ଜୋରଦାର୍ ପ୍ରସ୍ତୁତି ଆରମ୍ଭ କରିଛନ୍ତି। ବାତ୍ୟା ପାଇଁ ୮ ଜଣ ମନ୍ତ୍ରୀଙ୍କୁ  ୮ ପ୍ରଭାବିତ ଜିଲ୍ଲା ଦାୟିଦ୍ବ ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ମାଝୀ।  ସେଥିରେ ୨ ଉପ ମୁଖ୍ୟମନ୍ତ୍ରୀ ରହିଛନ୍ତି। ରାୟଗଡାରେ  ସ୍ଥିତି ତଦାରଖ ପାଇଁ  ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡା ନିୟୋଜିତ ହୋଇଥିବା ବେଳେ କୋରାପୁଟ୍ ପାଇଁ କନକ ବର୍ଦ୍ଧନ ସିଂଦେଓ, କନ୍ଧମାଳ ପାଇଁ ମନ୍ତ୍ରୀ ରବି ନାରାୟଣ  ନାଏକ, ଗଂଜାମ ପାଇଁ ବିଭୂତି ଜେନା, ନବରଙ୍ଗପୁର ପାଇଁ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର, ମାଲନାଗରିରି ପାଇଁ ନିତ୍ୟାନନ୍ଦ ଗଣ୍ତ, ଗଜପତି ପାଇଁ ସୂରଜ ସୂର୍ଯ୍ୟବଂଶୀଙ୍କୁ ଦାୟିତ୍ବ ମିଳିଛି।

ସମସ୍ତେ ଆସନ୍ତା ୨୭ ରୁ ୨୯ ଯାଏଁ ସମ୍ପୃକ୍ତ ଜିଲ୍ଲାରେ ରହିବେ।  ବାତ୍ୟା ବେଳେ ଯେମିତି କାହାର ଜୀବନ ନ ଯାଏ ସେ ଦିଗରେ କାମ କରିବେ। ଖାଲି ସେତିକି ନୁହେଁ,  ରାୟଗଡା ପାଇଁ  ଆଇଏଏସ କେ ସୁଦର୍ଶନ ଚକ୍ରବର୍ତ୍ତୀ, କୋରାପୁଟ ପାଇଁ ଡ. ପୋମା ଟୁଡୁ, ଗଜପତି ପାଇଁ ବିଜୟ କୁମାର ଦାଶ, ମାଲକାମଗିରି ପାଇଁ ଡ. ମହେଶ୍ବର ସ୍ବାଇଁ ଙ୍କୁ ଦାୟିତ୍ବ ମିଳିଛି। ଗଂଜାମ,ଗଜପତି, ରାୟଗଡା, କୋରାପୁଟ୍,  ମାଲକାନଗିରି ଆଦି ଜିଲ୍ଲାରେ ସର୍ବାଧିକ ଅଧିକ ପ୍ରଭାବିତ ହେବାର ସମ୍ଭାବନା ରହିଛି।  ଅନ୍ୟାନ୍ୟ ଉପକୂଳବର୍ତ୍ତୀ ଜିଲ୍ଲା ଗୁଡିକରେ ବର୍ଷା ସମ୍ଭାବନା ରହିଛି।  ଏହି ୫ ଜିଲ୍ଲାରେ  ସ୍କୁଲ୍, କଲେଜ ଓ ଅଙ୍ଗନବାଡି କେନ୍ଦ୍ରକୁ ୨୮ ଓ ୨୯ ଯାଏଁ ବନ୍ଧ ରଖିବାକୁ ନିସ୍ପତ୍ତି ନିଆଯାଇଛି।

ALSO READ: Cyclone Update: ସାମ୍ଭାବ୍ୟ ବାତ୍ୟା 'ଅର୍ଣ୍ଣବ'କୁ ନେଇ ଆସିଲା ବଡ଼ ଅପଡେଟ୍! ଲ୍ୟାଣ୍ତଫଲ୍ ପରେ ଓଡ଼ିଶାରେ...

ଓଡ୍ରାଫ୍, ଏନଡିଆରଏଫ,ପ୍ରତିରକ୍ଷା ବାହୀନି  ବ୍ୟବସ୍ଥା କରାଯାଇଛି। ଏବଂ ଜିଲ୍ଲା ସ୍ତରୀୟ ଅଧିକାରୀଙ୍କ ଛୁଟି ବାତିଲ୍ କରାଯାଇଛି। ସମସ୍ତଙ୍କୁ ନିଜ କାର୍ଯ୍ୟାଳୟରେ ରହିବାକୁ କୁହାଯାଇଛି। ୨୪ ଘଣ୍ଟିଆ କଣ୍ଟ୍ରୋଲ ରୁମ୍ ଖୋଲା ହୋଇଛି। ବିପର୍ଯ୍ୟୟ ପରିଚାଳନା ଲାଗି ଜରୁରୀ କାଳିନ ଅପରେସନ୍ କେନ୍ଦ୍ର ସମେତ ୨୪/୭ କଣ୍ଟ୍ରୋଲ ରୁମ୍  କାର୍ଯ୍ୟକାରୀ କରାଯାଇଛି। କଚ୍ଚାଘରେ ରହୁଥିବା ଲୋକଙ୍କୁ ଚିହ୍ନଟ କରି ବାତ୍ୟା ଆଶ୍ରୟସ୍ଥଳୀ କୁ ସ୍ଥାନାନ୍ତର କରାଯାଉଛି। ଏବଂ ଗର୍ଭବତୀ ମହିଳାଙ୍କୁ ସ୍ଥାନୀୟ ମେଡିକାଲ୍, ସିଏଚସି, ପିଏଚସିକୁ ଅଣାଯାଇଛି।

ବୃଦ୍ଧ ଓ ଶିଶୁ ଓ ଦିବ୍ୟାଙ୍ଗଙ୍କ ଲାଗି ସ୍ବତନ୍ତ୍ର ବ୍ୟବସ୍ଥା କରାଯାଇଛି। ପ୍ରଭାବିତ ୫ ଜିଲ୍ଲାରେ ୨୪ ଓଡ୍ରାଫ୍ ଟିମ୍ ଓ ୬ଟି ଏନଡିଆରଏଫ୍ ଟିମ୍  ନିୟୋଜିତ କରାଯାଇଛି। ସମୁଦ୍ର ଉପରେ ସମ୍ପୁର୍ଣ୍ଣ କଟକଣା ଜାରି କରାଯାଇଛି। ଏବଂ କ୍ଷେତର ୮୦ ପ୍ରତିଶତ ପଚିଯାଇଥିବା ଶସ୍ୟକୁ ଅମଳକରି ସୁରକ୍ଷିତ ସ୍ଥାନରେ ରଖିବାକୁ କୁହାଯାଇଛି। ପ୍ରଭାବିତ ଅଞ୍ଚଳରେ ପାନୀୟ ଜଳର ସୁବ୍ୟବସ୍ଥା,ଜରୁରୀ କାଳୀନ ଚିକିତ୍ସା ବ୍ୟବସ୍ଥା ଯୋଗାଇ ଦିଆଯିବ। ପ୍ରଭାବିତ ଅଞ୍ଚଳରେ ପଶୁମାନଙ୍କ ପାଇଁ ପଶୁଖାଦ୍ୟର ବଣ୍ଟନ ପାଇଁ ବ୍ୟବସ୍ଥା କରାଯିବ ବୋଲି ରାଜ୍ୟ ସରକାରଙ୍କ ତରଫରୁ ସୂଚନା ମିଳିଛି।