Panchang Weather Prediction: ନଭେମ୍ବର ୧୩ରୁ ୧୫ ମଧ୍ୟରେ ପୁଣି ବାତ୍ୟା ଆଶଙ୍କା! ପଞ୍ଜିକା ଗଣନାକୁ ନେଇ ବଢ଼ିଲା ଚର୍ଚ୍ଚା

Panchang Weather Prediction: ଓଡ଼ିଶାରେ ବାତ୍ୟା ‘ଅର୍ଣ୍ଣବ’ର ପ୍ରଭାବ ଓ ପରବର୍ତ୍ତୀ ବର୍ଷାକୁ ନେଇ ଚିନ୍ତା ଦୂର ହୋଇନଥିବା ବେଳେ ପୁଣି ଏକ ସମ୍ଭାବ୍ୟ ସାମୁଦ୍ରିକ ଝଡ଼କୁ ନେଇ ଚର୍ଚ୍ଚା ଆରମ୍ଭ ହୋଇଛି। ନଭେମ୍ବର ୧୩ରୁ ୧୫ ତାରିଖ ମଧ୍ୟରେ ବାତ୍ୟା, ପ୍ରବଳ ବାୟୁ ପ୍ରବାହ, ଉଚ୍ଚ ଜୁଆର, ଲଘୁଚାପ ଓ ବନ୍ୟା ପରିସ୍ଥିତି ସୃଷ୍ଟି ହୋଇପାରେ ବୋଲି କେତେକ ପଞ୍ଜିକାରେ ଆକଳନ ଥିବା ଦାବି କରାଯାଉଛି। ଏହାକୁ ନେଇ ଲୋକଙ୍କ ମଧ୍ୟରେ ଆଲୋଚନା ବଢ଼ିଛି।

ପଞ୍ଜିକାରେ ଉଲ୍ଲେଖ ଥିବା ଗଣନା ଅନୁଯାୟୀ, ଅକ୍ଟୋବର ୨୫ରୁ ୨୯ ତାରିଖ ଏବଂ ଅକ୍ଟୋବର ୩୧ରୁ ନଭେମ୍ବର ୩ ତାରିଖ ମଧ୍ୟରେ ବାତ୍ୟା ସମ୍ପର୍କିତ ଆକଳନ ରହିଥିଲା। ସେହି ସମୟରେ ବାତ୍ୟା ଓ ପାଣିପାଗଜନିତ ଘଟଣା ଦେଖାଦେଇଥିବାରୁ ପଞ୍ଜିକାର ପରବର୍ତ୍ତୀ ଗଣନାକୁ ନେଇ ଚର୍ଚ୍ଚା ଆହୁରି ବଢ଼ିଛି।

ପଞ୍ଜିକାରେ ତୁଳା ସଂକ୍ରାନ୍ତି ସମୟର ଗଣନାକୁ ଆଧାର କରି ନଭେମ୍ବର ୧୩ରୁ ୧୫ ମଧ୍ୟରେ ସାମୁଦ୍ରିକ ଝଡ଼ ଓ ପ୍ରାକୃତିକ ବିପର୍ଯ୍ୟୟର ସମ୍ଭାବନା ଉଲ୍ଲେଖ ଥିବା କୁହାଯାଉଛି। ଏଥିରେ ପ୍ରବଳ ପବନ, ଉଚ୍ଚ ଜୁଆର, ବର୍ଷା ଓ ବନ୍ୟା ଭଳି ପରିସ୍ଥିତିର ଆଶଙ୍କା ମଧ୍ୟ ଦର୍ଶାଯାଇଛି।

ନଭେମ୍ବର ୧୩ରୁ ୧୫ ମଧ୍ୟରେ ପୁଣି ବାତ୍ୟା ଆଶଙ୍କା! ପଞ୍ଜିକା ଗଣନାକୁ ନେଇ ବଢ଼ିଲା ଚର୍ଚ୍ଚା #cycloneprediction https://t.co/KgYchC6iXj

— ZEE Odisha News (@ZeeOdisha) November 2, 2026

ତେବେ ଏହି ଆକଳନକୁ ନେଇ ଏକ ଗୁରୁତ୍ୱପୂର୍ଣ୍ଣ କଥା ମନେ ରଖିବା ଆବଶ୍ୟକ। ପଞ୍ଜିକାର ଗଣନା ଆଧାରରେ ବାତ୍ୟା ଆସିବା ନିଶ୍ଚିତ ବୋଲି କୁହାଯାଇପାରିବ ନାହିଁ। ଏଭଳି ପାଣିପାଗଜନିତ ଘଟଣାର ସମ୍ଭାବନା, ଗତିପଥ ଓ ତୀବ୍ରତା ସମ୍ପର୍କରେ ଭାରତୀୟ ପାଣିପାଗ ବିଭାଗ (IMD)ର ବୈଜ୍ଞାନିକ ପୂର୍ବାନୁମାନ ହିଁ ଅଧିକ ବିଶ୍ୱସନୀୟ ଆଧାର। ତେଣୁ ନଭେମ୍ବର ୧୩ରୁ ୧୫ ମଧ୍ୟରେ ବାତ୍ୟା ହେବ ବୋଲି ଏବେଠାରୁ ନିଶ୍ଚିତ ଭାବେ କହିବା ଠିକ୍ ହେବ ନାହିଁ।

ସମ୍ଭାବ୍ୟ ପାଣିପାଗ ପରିବର୍ତ୍ତନକୁ ନେଇ ଲୋକେ ଚିନ୍ତିତ ଥିବା ବେଳେ ଆଗାମୀ ଦିନରେ IMD ପକ୍ଷରୁ ଜାରି ହେବାକୁ ଥିବା ପାଣିପାଗ ବୁଲେଟିନ୍ ଉପରେ ନଜର ରହିବ। ଲୋକଙ୍କୁ ଅପପ୍ରଚାର କିମ୍ବା ଅପ୍ରମାଣିତ ସୂଚନାରେ ଭୟଭୀତ ନହୋଇ ସରକାରୀ ସତର୍କ ସୂଚନାକୁ ଅନୁସରଣ କରିବାକୁ ପରାମର୍ଶ ଦିଆଯାଉଛି।