OMFED Milk Price Hike: ଗ୍ରାହକଙ୍କୁ ଝଟକା!ଏତିକି ଟଙ୍କା ବୃଦ୍ଧି ପାଇଲା ଓମଫେଡ୍ କ୍ଷୀର ରେଟ୍,ଏହିଦିନଠୁ ହେବ ଲାଗୁ

OMFED Milk Price Hike: ଓମଫେଡ୍ କ୍ଷୀର ଲିଟର ପିଛା ୨ ଟଙ୍କା ବଢିଛି।  ଅକ୍ଟୋବର ୪ରୁ ଏହି ବର୍ଦ୍ଧିତ ଦର ଲାଗୁ ହେବ। ଫଳରେ ଗ୍ରାହକମାନେ ବଜାରରୁ ଅତିରିକ୍ତ ୨ ଟଙ୍କା ଦେଇ କ୍ଷୀର କିଣିବେ।  ଓମଫେଡ଼ ପ୍ରିମିୟମ୍ କ୍ଷୀର ଲିଟର ପିଛା ୫୮ ଟଙ୍କାରେ ବିକ୍ରି ହେଉଥିଲା। ଏହା ଏବେ ବଢି ୬୦ ଟଙ୍କାରେ ପହଞ୍ଚିବ। ଅର୍ଥାତ୍ ପ୍ୟାକେଟ୍ ପିଛା ୫୦୦ ଗ୍ରାମ୍ କ୍ଷୀର ଲିଟର ୩୦ ଟଙ୍କାରେ ମିଳିବ। ସେହିପରି ତୃତୀୟ ସର୍ବାଧିକ ବିକ୍ରି କ୍ଷୀର ଗୋଲ୍ଡ ଲିଟର ପିଛା ୨ ଟଙ୍କା ବଢି ୬୨ ଟଙ୍କାରେ ପହଞ୍ଚିଛି।  

ଗୋଲ୍ଟ ପ୍ଲସ୍ କ୍ଷୀର ୬୬ ଟଙ୍କା ଏବଂ ଟୋନ୍ କ୍ଷୀର ୫୮ ଟଙ୍କାକୁ ବୃଦ୍ଧି ପାଇବ। ଓମଫେଡ୍ ପରିଚାଳନା କମିଟି ବୈଠକ ବସିଥିଲା।  ଓମଫେଡ୍ ଅଧ୍ୟକ୍ଷଙ୍କ  ଅଧ୍ୟକ୍ଷତାରେ ବସିଥିବା ଏହି ବୈଠକରେ କ୍ଷୀର ଦର ବୃଦ୍ଧି ପ୍ରସଙ୍ଗରେ ସବିଶେଷ ଆଲୋଚନା ହୋଇଥିଲା। ବିଶ୍ବବଜାରରେ ତୈଳଦର କ୍ରମାଗତ ବୃଦ୍ଧି ଯୋଗୁଁ କୃଷିଜାତ ଦ୍ରବ୍ୟର ଉତ୍ପାଦନ ଓ ପରିବହନ ଖର୍ଚ୍ଚରେ ବୃଦ୍ଧି ଘଟୁଛି। ଏହାକୁ ଦୃଷ୍ଟିରେ ରଖି  ସେପ୍ଟେମ୍ବର ୯ ରେ ଚାଷୀଙ୍କୁ ୨ ଟଙ୍କା ଅଧିକ ପ୍ରଦାନ କରାଯାଇଥିଲା।  ହେଲେ ଖୋଦ୍ ମନ୍ତ୍ରୀ କହିଥିଲେ ଯେ,  ଓମଫେଡ୍ ଦର ଖାଉଟିଙ୍କ ପାଇଁ ବଢିବ ନାହିଁ। ଓମଫେଡ୍ ନିଜ ପକେଟ୍ ରୁ ଦେବ।  ହେଲେ ଆଜି ଦର ବୃଦ୍ଧି ଖାଉଟିଙ୍କ ପାଇଁ ମହଙ୍ଗା ହୋଇଛି।

ଓମଫେଡ୍ ମେ ମାସରେ କ୍ଷୀର ଦର ବଢାଇଥିଲା। ଲିଟର ପିଛା ୩ ରୁ ୪ଟଙ୍କା ଦର ବୃଦ୍ଧି ହୋଇଥିଲା।  ହେଲେ ୫ ମାସ ଭିତରେ ପୁଣି ଥର ଦର ବଢିଛି।  ଫଳରେ ଏହାର ପ୍ରଭାବ ସିଧାସଳଖ ଗ୍ରାହକଙ୍କ ଉପରେ ପଡିଛି। କ୍ଷୀର ଦର ବୃଦ୍ଧି ସେପଟେ ଚା  ଖଟି ଉପରେ ପ୍ରଭାବ ପକାଇବ। ପ୍ରଥମେ ଚା' ଆଉ ଏବେ କ୍ଷୀର ଦର ବୃଦ୍ଧି ଦର ବଢାଇବ। ସେପଟେ, ଓମଫେଡ୍ ପକ୍ଷରୁ  ଅନ୍ୟ ଦୁଗ୍ଧ ଜାତ ଦ୍ରବ୍ୟର  ତଥା ଦହି, ଛେନାପୋଡ, ମିଠାଦହି, ଘିଅ ଆଦିର ଦର ବୃଦ୍ଧି କରାଯାଇନି।  ଓମଫେଡ୍ ପକ୍ଷରୁ ଭେଜାଲ୍  ଏବଂ ନକଲି ଓମଫେଡ୍ ସାମଗ୍ରୀକୁ ରୋକିବାକୁ କ୍ୟୁଆର୍ କୋଡ୍ ବ୍ୟବହାର କରାଯିବ।