Cyclone: ବଙ୍ଗୋପସାଗରରେ ଘନୀଭୂତ ହେଉଛି ଅବପାତ! ୧୬ରେ ବାତ୍ୟା, ୧୭ରେ ଭୀଷଣ ବାତ୍ୟାର ରୂପ ନେବା ଆଶଙ୍କା

Cyclone: ବଙ୍ଗୋପସାଗରରେ ଘନୀଭୂତ ହେଉଛି ଅବପାତ। ଆଗାମୀ ଦୁଇ ଦିନ ମଧ୍ୟରେ ଏହା ଅଧିକ ଶକ୍ତିଶାଳୀ ହୋଇ ବାତ୍ୟା ଏବଂ ପରବର୍ତ୍ତୀ ସମୟରେ ଭୀଷଣ ବାତ୍ୟାର ରୂପ ନେବାର ସମ୍ଭାବନା ରହିଛି। ଭାରତୀୟ ପାଣିପାଗ ବିଭାଗ (IMD) ପକ୍ଷରୁ ୧୫ ନଭେମ୍ବର ୨୦୨୬ ତାରିଖରେ ଜାରି ପୂର୍ବାନୁମାନ ଅନୁଯାୟୀ, ଦକ୍ଷିଣ-ପୂର୍ବ ଏବଂ ତତ୍‌ସଂଲଗ୍ନ ଦକ୍ଷିଣ-ପଶ୍ଚିମ ବଙ୍ଗୋପସାଗରରେ ସୃଷ୍ଟ ଅବପାତ ଉତ୍ତର-ଉତ୍ତରପଶ୍ଚିମ ଦିଗକୁ ଗତି କରୁଛି।

୬ ଘଣ୍ଟାରେ ୧୫ କିମି ଗତିରେ ଆଗକୁ ବଢ଼ିଲା ଅବପାତ:
ପାଣିପାଗ ବିଭାଗର ସୂଚନା ଅନୁଯାୟୀ, ଗତ ୬ ଘଣ୍ଟା ମଧ୍ୟରେ ଅବପାତଟି ଘଣ୍ଟାପ୍ରତି ୧୫ କିଲୋମିଟର ବେଗରେ ଉତ୍ତର-ଉତ୍ତରପଶ୍ଚିମ ଦିଗକୁ ଗତି କରିଛି।

୧୫ ନଭେମ୍ବର ଦିନ ୧୧ଟା ୩୦ ମିନିଟ୍‌ରେ ଏହା ୯.୮ ଡିଗ୍ରୀ ଉତ୍ତର ଅକ୍ଷାଂଶ ଏବଂ ୮୬.୮ ଡିଗ୍ରୀ ପୂର୍ବ ଦ୍ରାଘିମା ନିକଟରେ କେନ୍ଦ୍ରୀଭୂତ ହୋଇଥିଲା।

The Depression over Southeast & adjoining Southwest Bay of Bengal moved north-northwestwards with the speed of 15 kmph during past 06 hours and lay centered at 1130 hours IST of today, the 15th November, 2026 over the same region, near Latitude 9.8°N and Longitude 86.8°E, about 620 km east-northeast of Trincomalee (Sri Lanka), 680km west-southwest of Sri Vijaya Puram (Andaman & Nicobar Islands), 800 km east-southeast of Chennai (Tamil Nadu), 960 km south-southeast of Visakhapatnam (Andhra Pradesh) and 1070 km south-southeast of Gopalpur (Odisha). It is very likely to move north-northwestwards, intensify further into a Cyclonic Storm over the central parts of south & adjoining westcentral Bay of Bengal on 16th November and into a Severe Cyclonic Storm over westcentral Bay of Bengal on 17th November, 2026. Thereafter, it is likely to intensify further and move northwestwards towards Andhra Pradesh coast during subsequent 2 days.

— India Meteorological Department (@Indiametdept) November 15, 2026

ଏହାର ଅବସ୍ଥିତି:

ଶ୍ରୀଲଙ୍କାର ତ୍ରିଙ୍କୋମାଲିଠାରୁ ପ୍ରାୟ ୬୨୦ କିମି ପୂର୍ବ-ଉତ୍ତରପୂର୍ବରେ।

ଶ୍ରୀ ବିଜୟପୁରମ୍ (ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜ)ଠାରୁ ପ୍ରାୟ ୬୮୦ କିମି ପଶ୍ଚିମ-ଦକ୍ଷିଣପଶ୍ଚିମରେ।

ଚେନ୍ନାଇଠାରୁ ପ୍ରାୟ ୮୦୦ କିମି ପୂର୍ବ-ଦକ୍ଷିଣପୂର୍ବରେ।

ବିଶାଖାପାଟଣାଠାରୁ ପ୍ରାୟ ୯୬୦ କିମି ଦକ୍ଷିଣ-ଦକ୍ଷିଣପୂର୍ବରେ।

ଗୋପାଳପୁରଠାରୁ ପ୍ରାୟ ୧୦୭୦ କିମି ଦକ୍ଷିଣ-ଦକ୍ଷିଣପୂର୍ବରେ।

୧୬ରେ ବାତ୍ୟା, ୧୭ରେ ଭୀଷଣ ବାତ୍ୟା ଆଶଙ୍କା
IMDର ପୂର୍ବାନୁମାନ ଅନୁଯାୟୀ, ଏହି ଅବପାତ ଆଗାମୀ ଦିନଗୁଡ଼ିକରେ ଅଧିକ ଶକ୍ତିଶାଳୀ ହେବା ସମ୍ଭାବନା ରହିଛି।

ସମ୍ଭାବ୍ୟ ଗତି ଓ ତୀବ୍ରତା:

୧୬ ନଭେମ୍ବର: ଦକ୍ଷିଣ ଏବଂ ତତ୍‌ସଂଲଗ୍ନ ପଶ୍ଚିମ-ମଧ୍ୟ ବଙ୍ଗୋପସାଗରରେ ସାଇକ୍ଲୋନିକ୍ ଷ୍ଟର୍ମ ବା ବାତ୍ୟାର ରୂପ ନେଇପାରେ।

୧୭ ନଭେମ୍ବର: ପଶ୍ଚିମ-ମଧ୍ୟ ବଙ୍ଗୋପସାଗରରେ ସିଭିୟର ସାଇକ୍ଲୋନିକ୍ ଷ୍ଟର୍ମ ବା ଭୀଷଣ ବାତ୍ୟାରେ ପରିଣତ ହୋଇପାରେ।

୧୮ ଓ ୧୯ ନଭେମ୍ବର: ଏହା ଆହୁରି ତୀବ୍ର ହୋଇ ଉତ୍ତର-ପଶ୍ଚିମ ଦିଗକୁ ଗତି କରି ଆନ୍ଧ୍ରପ୍ରଦେଶ ଉପକୂଳ ଆଡ଼କୁ ମୁହାଁଇବା ସମ୍ଭାବନା ରହିଛି।

ପୂର୍ବାନୁମାନ ମାନଚିତ୍ର ଅନୁଯାୟୀ, ୧୯ ନଭେମ୍ବର ସୁଦ୍ଧା ପବନର ବେଗ ୬୫ ନଟ୍ ପର୍ଯ୍ୟନ୍ତ ପହଞ୍ଚିପାରେ। ତେବେ ଏହାର ନିର୍ଦ୍ଦିଷ୍ଟ ଉପକୂଳ ପ୍ରବେଶ ସ୍ଥାନ କିମ୍ବା ଲ୍ୟାଣ୍ଡଫଲ୍ ସମ୍ପର୍କରେ ଏହି ବୁଲେଟିନ୍‌ରେ ସ୍ପଷ୍ଟ ସୂଚନା ଦିଆଯାଇନାହିଁ।

ମତ୍ସ୍ୟଜୀବୀଙ୍କ ପାଇଁ ସତର୍କତା:
ଜାରି ହୋଇଥିବା ପବନ ବେଗ ଓ ସମୁଦ୍ର ସ୍ଥିତି ସମ୍ପର୍କିତ ଚାର୍ଟରେ ୨୮-୩୩ ନଟ୍ ପବନ ବେଗରେ ସମୁଦ୍ର ଅତ୍ୟନ୍ତ ଉତ୍ତାଳ ରହିବା ଏବଂ ମତ୍ସ୍ୟଜୀବୀଙ୍କ ମାଛଧରା କାର୍ଯ୍ୟକଳାପ ସମ୍ପୂର୍ଣ୍ଣ ବନ୍ଦ ରଖିବାର ସୂଚନା ରହିଛି। ପବନର ବେଗ ବଢ଼ିଲେ ସମୁଦ୍ରର ସ୍ଥିତି ଆହୁରି ଭୟଙ୍କର ହୋଇପାରେ।

ତେଣୁ ସମୁଦ୍ରକୁ ଯିବା ପୂର୍ବରୁ ମତ୍ସ୍ୟଜୀବୀମାନେ ପାଣିପାଗ ବିଭାଗର ସଦ୍ୟତମ ସତର୍କ ସୂଚନା ଓ ସ୍ଥାନୀୟ ପ୍ରଶାସନର ନିର୍ଦ୍ଦେଶ ପ୍ରତି ଧ୍ୟାନ ଦେବା ଆବଶ୍ୟକ।

ତେବେ ଏହି ଅବପାତ ଆଗାମୀ ଦୁଇ ଦିନରେ କେତେ ଶକ୍ତିଶାଳୀ ହେଉଛି ଏବଂ ଆନ୍ଧ୍ର ଉପକୂଳ ଆଡ଼କୁ ଏହାର ଗତିପଥ କିପରି ରହୁଛି, ତାହା ଉପରେ ପାଣିପାଗ ବିଭାଗର ପରବର୍ତ୍ତୀ ବୁଲେଟିନ୍‌ରେ ନଜର ରହିବ।