ପୁରୀ: ପୁରୀ ସମୁଦ୍ର କୂଳରେ ଅଘଟଣ। ସମୁଦ୍ରରେ ବୁଡ଼ିଗଲେ ୪ ଜଣ। ତେବେ ଲାଇଫଗାର୍ଡଙ୍କ ତ୍ୱରିତ ଉଦ୍ଧାର କାର୍ଯ୍ୟ ଯୋଗୁଁ ସମସ୍ତ ୪ ଜଣଙ୍କୁ ଉଦ୍ଧାର କରାଯାଇଛି। ଏହି ଘଟଣା ପରେ ସମୁଦ୍ର କୂଳରେ ଉପସ୍ଥିତ ଲାଇଫଗାର୍ଡ ଓ ଉଦ୍ଧାରକାରୀ ଦଳ ତତ୍ପର ହୋଇଉଠିଥିଲେ।
ସୂଚନା ଅନୁସାରେ, ସମୁଦ୍ରରେ ୪ ଜଣ ବୁଡ଼ିଯାଉଥିବା ଖବର ପାଇ ଲାଇଫଗାର୍ଡମାନେ ତୁରନ୍ତ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ପ୍ରଥମ ପର୍ଯ୍ୟାୟରେ ୨ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା। ଅନ୍ୟ ୨ ଜଣଙ୍କ ପତ୍ତା ନମିଳିବାରୁ ସେମାନଙ୍କୁ ଖୋଜିବା ପାଇଁ ସର୍ଚ୍ଚ ଅପରେସନ୍ ଆରମ୍ଭ ହୋଇଥିଲା।
#WATCH | Odisha: Four people drowned near Puri Sea Beach. Lifeguards immediately launched a rescue operation and rescued two people. A search operation was subsequently conducted for the remaining two, who were later traced near Puri Hotel and Niladri Beach, respectively. All four were shifted to a medical facility. (Source: Odisha Fire and Emergency Services)
— ANI (@ANI) November 9, 2026
ପରବର୍ତ୍ତୀ ସମୟରେ ଜଣଙ୍କୁ ପୁରୀ ହୋଟେଲ ନିକଟରୁ ଏବଂ ଅନ୍ୟ ଜଣଙ୍କୁ ନୀଳାଦ୍ରି ବିଚ୍ ନିକଟରୁ ଠାବ କରାଯାଇଥିଲା। ଏହାପରେ ସମସ୍ତ ୪ ଜଣଙ୍କୁ ଚିକିତ୍ସା ପାଇଁ ମେଡିକାଲକୁ ପଠାଯାଇଛି।
ଓଡ଼ିଶା ଅଗ୍ନିଶମ ଓ ଜରୁରୀକାଳୀନ ସେବା ବିଭାଗ ପକ୍ଷରୁ ଏହି ସୂଚନା ଦିଆଯାଇଛି। ସମୁଦ୍ରରେ ଗାଧୋଇବା ସମୟରେ ପର୍ଯ୍ୟଟକ ଓ ସ୍ଥାନୀୟ ଲୋକଙ୍କୁ ସତର୍କ ରହିବା ସହ ଲାଇଫଗାର୍ଡଙ୍କ ନିର୍ଦ୍ଦେଶ ମାନିବା ଜରୁରୀ।