Top 10 News: ରାଜ୍ୟସଭାକୁ ନିର୍ବାଚିତ ହେଲେ ହରଦୀପ ସିଂ ପୁରୀ, OPSC ୩୪୦ ପଦ ପାଇଁ ବିଜ୍ଞପ୍ତି ଓ ଅନ୍ୟ ଖବର

Top 10 News Today

Headlines 01- ରାଜ୍ୟସଭାକୁ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଛନ୍ତି କେନ୍ଦ୍ର ମନ୍ତ୍ରୀ ହରଦୀପ ସିଂ ପୁରୀ । ମଧ୍ୟପ୍ରଦେଶରୁ ରାଜ୍ୟସଭାକୁ ନିର୍ବାଚିତ ହେଇଛନ୍ତି ହରଦୀପ ପୁରୀ । ଅନ୍ୟ ୨ ଜଣଙ୍କ ପ୍ରାର୍ଥିପତ୍ର ନାକଚ ହେବାରୁ ହରଦୀପ ନିର୍ଦ୍ବନ୍ଦ୍ବରେ ନିର୍ବାଚିତ ହୋଇଛନ୍ତି ।

Headlines 02- ରାଜ୍ୟର ୭ ବିଶ୍ୱବିଦ୍ୟାଳୟର NAAC ମାନ୍ୟତା ନବୀକରଣ ପାଇଁ ନିର୍ଦ୍ଦେଶ ଦିଆଯାଇଥିବା ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ ଗଣମାଧ୍ୟମରେ ସୂଚନା ଦେଇଛନ୍ତି । ଉଚ୍ଚଶିକ୍ଷା ମନ୍ତ୍ରୀ କହିଛନ୍ତି ଯେ, ଖୁବ୍‌ଶୀଘ୍ର ନବୀକରଣ କରିବାକୁ ସଂପୃକ୍ତ ବିଶ୍ୱବିଦ୍ୟାଳୟକୁ ନିର୍ଦ୍ଦେଶ ଦିଆଯାଇଛି ।

Headlines 03- ଦୀପାବଳି ପୂର୍ବରୁ ବାଣ ବିକ୍ରି ଓ ବ୍ୟବହାର ଉପରେ ନଜର ରଖିବାକୁ ଆକ୍ସନ ମୋଡ୍‌ରେ ପ୍ରଶାସନ। ଭୁବନେଶ୍ୱରର ବରମୁଣ୍ଡା ସ୍ଥିତ ବିଭିନ୍ନ ବାଣ ଦୋକାନରେ ପ୍ରଦୂଷଣ ନିୟନ୍ତ୍ରଣ ବୋର୍ଡ ଓ କମିଶନରେଟ୍ ପୋଲିସ ପକ୍ଷରୁ ମିଳିତ ଚଢ଼ାଉ କରାଯାଇଛି। ଏହି ଚଢ଼ାଉ ସମୟରେ ଗ୍ରୀନ୍ କ୍ରାକର୍ସ ବା ପରିବେଶ ଅନୁକୂଳ ବାଣ ବିକ୍ରି ଉପରେ ବିଶେଷ ଗୁରୁତ୍ୱ ଦିଆଯାଉଛି।

Headlines 04- ଓଡ଼ିଶା ଲୋକସେବା ଆୟୋଗରେ ୩୪୦ ପଦ ପାଇଁ ବିଜ୍ଞପ୍ତି ପ୍ରକାଶ ପାଇଛି । ୯ରୁ ୩୦ ନଭେମ୍ବର ମଧ୍ୟରେ ଛାତ୍ରଛାତ୍ରୀ ଆବେଦନ କରିପାରିବେ । ଗୃହ ବିଭାଗ ଅଧୀନରେ ଆସିଷ୍ଟାଣ୍ଟ ସେକ୍ସନ ଅଫିସର ପଦ ପାଇଁ ବିଜ୍ଞପ୍ତି ପ୍ରକାଶ ପାଇଛି । ୩୪୦ ପଦ ମଧ୍ୟରୁ ୧୧୪ଟି ପଦ ମହିଳାଙ୍କ ପାଇଁ ସଂରକ୍ଷିତ ରହିଛି । ୧୪୪ଟି ପଦବୀ ଅସଂରକ୍ଷିତ ରହିଥିବା ବେଳେ ଏହା ମଧ୍ୟରେ ୪୮ ମହିଳା । ସ୍ନାତକ ଡିଗ୍ରୀଧାରୀ ଛାତ୍ରଛାତ୍ରୀ ଏହି ପଦବୀ ପାଇଁ ଆବେଦନ କରିପାରିବେ । ଆବେଦନକାରୀ ଛାତ୍ରଛାତ୍ରୀଙ୍କ ବୟସ ୨୧ରୁ ୪୨ ମଧ୍ୟରେ ରହିବା ଆବଶ୍ୟକ ।

Headlines 05- ଗୋଷ୍ଠୀ ସଂଘର୍ଷରୁ ସୁନ୍ଦରଗଡ଼ରେ ଫୁଟିଛି ଗୁଳି । ଫଳରେ ଜଣେ ଗୁରୁତର ହୋଇଛନ୍ତି । ପାଉଁଶ ପରିବହନକୁ ନେଇ ଭସ୍ମା ଥାନା ଦର୍ଲିପାଲିରେ ଗୁଳିମାଡ କରାଯାଇଥିବା ସୂଚନା ମିଳିଛି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ପୋଲିସର ଘଟଣାର ଛାନଭିନ୍ ଆରମ୍ଭ କରିଛି ।

Headlines 06- ଆନ୍ଧ୍ର ନିର୍ବାଚନରେ କୋଟିଆରୁ ୮୫୦ ଖଣ୍ଡ ଭୋଟ୍‌ ପଡ଼ିଥିବା ସୂଚନା ମିଳିଛି । ନେରେଡ଼ିବାଲସା, ତାଡ଼ିବାଲସା, ସେମ୍ବି ସମେତ ୪ ଗ୍ରାମବାସୀ ଭୋଟ୍ ଦେଇଛନ୍ତି । ଆନ୍ଧ୍ର ସାରିକାରେ ହୋଇଥିବା ମତଦାନ କେନ୍ଦ୍ରରେ ଭୋଟ୍ ହାର ୩୧.୫୮% ରହିଛି । ୨୦୨୧ ନିର୍ବାଚନରେ ପଡ଼ିଥିଲା ୨୩.୦୪ ପ୍ରତିଶତ ଭୋଟ୍ ।

Headlines 07-  ଭଞ୍ଜନଗର ଗିଡ଼ିପାବାଲି ଭୂସ୍ଖଳନ ସ୍ଥଳରୁ ଆଉ ୨ ମୃତଦେହ ଠାବ କରାଯାଇଛି । ଗୋଟିଏ ପରିବାରର ୫ ଜଣଙ୍କ ମୃତଦେହ ଉଦ୍ଧାରକାରୀ ଦଳ ଦ୍ବାରା ଠାବ ହୋଇଛି । ବାପାମାଆ ଓ ୩ ଛୁଆଙ୍କ ମୃତଦେହ ଉଦ୍ଧାର ପରେ ହେଲା ଅନ୍ତିମ ସଂସ୍କାର । ସପ୍ତାହେ ହେଲାଣି ଗିଡ଼ିପାବାଲିରେ ଚାଲିଛି ଉଦ୍ଧାର କାର୍ଯ୍ୟ ।

Headlines 08- ଗଞ୍ଜାମ ଓ ଗଜପତି ଜିଲ୍ଲାରେ ପିଲାଙ୍କୁ ମିଳିବ ପାଠ୍ୟପୁସ୍ତକ । ଏନେଇ ସୂଚନା ଦେଇଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ । କ୍ଷତିଗ୍ରସ୍ତ ସ୍କୁଲ ମରାମତି ପାଇଁ ଜିଲ୍ଲା ଶିକ୍ଷା ଅଧିକାରୀଙ୍କୁ ରିପୋର୍ଟ ମାଗିଛୁ ବୋଲି ମନ୍ତ୍ରୀ କହିଛନ୍ତି । ଗଞ୍ଜାମ, ଗଜପତିରେ ବାତ୍ୟା ଓ ବନ୍ୟାରେ ସ୍କୁଲଗୁଡ଼ିକ ବେଶୀ କ୍ଷତି ହୋଇଛି । ପିଲାମାନଙ୍କର ମଧ୍ୟ ବହିପତ୍ର ନଷ୍ଟ ହୋଇଯାଇଛି ତେଣୁ ସେମାନଙ୍କୁ ବହି ମିଳିବ । ଆମେ BSE ସମ୍ପାଦକଙ୍କ ସହ କଥା ହୋଇଛୁ, ସେ ବହି ଯୋଗାଇବେ ବୋଲି ମନ୍ତ୍ରୀ ସୂଚନା ଦେଇଛନ୍ତି ।

Headlines 09- ପର୍ତ୍ତୁଗାଲ ଫୁଟବଲର କ୍ରିଷ୍ଟିଆନୋ ରୋନାଲ୍ଡୋଙ୍କ ଅବସର ଘୋଷଣା କରିଛନ୍ତି । ସୋସିଆଲ୍ ମିଡିଆ ଏକ୍ସରେ ଅବସର ସମ୍ପର୍କରେ ଘୋଷଣା କରିଛନ୍ତି ରୋନାଲ୍ଡୋ। ୨୩ ବର୍ଷର କ୍ୟାରିଅରରେ ପର୍ତ୍ତୁଗାଲ ପାଇଁ ୨୩୪ ମ୍ୟାଚ ଖେଳିଛନ୍ତି । ରୋନାଲ୍ଡୋଙ୍କ ନାଁରେ ଅଛି ୧୪୬ଟି ଅନ୍ତର୍ଜାତୀୟ ଗୋଲ୍‌ । ୨୦୧୬ରେ ୟୁରୋ ଓ ୨୦୧୮-୧୯ରେ ୟୁଏଫା ନେସନ୍ସ ଲିଗ୍ ଚାମ୍ପିୟନ । ବିଶ୍ବକପ ଜିତିବା ସ୍ବପ୍ନ ଅଧୁରା ରହିଥିବା ବେଳେ ୪୧ ବର୍ଷ ବୟସରେ ଅବସର ।

Headlines 10- ଏଥର ଜମିବ ପାରାଦୀପ କଳିଙ୍ଗ ବାଲିଯାତ୍ରା ମହୋତ୍ସବ, ଚଳିତ ବର୍ଷର କଳିଙ୍ଗ ବାଲିଯାତ୍ରାକୁ ଉଦଘାଟନ କରିବେ ମୁଖ୍ୟମନ୍ତ୍ରୀ ଓ ଉଦଯାପନୀ ଉତ୍ସବରେ ଯୋଗଦେବେ ମହାମହିମ ରାଜ୍ୟପାଳ । ଓଡ଼ିଶା ତଥା ବାହାରର କଳାକାରଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ମୁଖ୍ୟ ଆକର୍ଷଣ ହେବା ସହିତ ପଲ୍ଲିଶ୍ରୀ ଓ ଓରମାସ ମେଳା ପାଲଟିବ ମୁଖ୍ୟ ଆକର୍ଷଣ ।