ପାରାଦୀପରେ ଗର୍ଜିଲେ ବରଗଡର କଂସ ମହାରାଜ

ପାରାଦୀପ: (ନାରାୟଣ ବେହେରା) ପଶ୍ଚିମ ଓଡ଼ିଶାର ସଂସ୍କୃତି, ପରମ୍ପରା ଓ ଭାଇଚାରାର ପର୍ବ ନୂଆଖାଇକୁ ଧୁମଧାମରେ ପାଳନ କରିଛନ୍ତି ପାରାଦୀପର ଜୁହାର ପରିବାର । ପାରମ୍ପରିକ ବାଦ୍ୟ ନୃତ୍ୟର ତାଳେ ତାଳେ ଅତିଥିମାନଙ୍କୁ ପାଛୋଟି ନେବାର ଦୃଶ୍ୟ ପାଲଟିଥିଲା ନିଆରା ଆକର୍ଷଣ । ଏହା ସହିତ କଂସ ମହାରାଜଙ୍କ ଆକର୍ଷଣୀୟ ଅଭିନୟ ସାଙ୍ଗକୁ ମଞ୍ଚ ପରିଚାଳନା ସୃଷ୍ଟି କରିଥିଲା ଧନୁଯାତ୍ରାର ଭ୍ରମ । ପାରାଦୀପର ବିଭିନ୍ନ ବୃହତ କମ୍ପାନୀ ଏବଂ କର୍ପୋରେଟ୍ ସେକ୍ଟରରେ କାର୍ଯ୍ୟ କରୁଥିବା ସମସ୍ତ ପଶ୍ଚିମ ଓଡ଼ିଶାର ବ୍ୟକ୍ତି ବିଶେଷମାନଙ୍କୁ ନେଇ ଜୁହାର ପରିବାର ତରଫରୁ ଦୀର୍ଘ ୬ ବର୍ଷ ହେବ ଅନୁଷ୍ଠିତ ହୋଇଆସୁଛି ନୂଆଖାଇ ଭେଟଭାଟ ।

ପାରାଦୀପ ଅଞ୍ଚଳରେ ରହି ଆସୁଥିବା ପ୍ରତ୍ୟେକ ପଶ୍ଚିମ ଓଡ଼ିଶା ବାସୀ ଏହି ନୂଆଖାଇ ଭେଟଭାଟ କାର୍ଯ୍ୟକ୍ରମରେ ସାମିଲ ହୋଇ ନାଚି ଗାଇ ପରସ୍ପର ମଧ୍ୟରେ ଭାଇଚାରାର ଆବଦ୍ଧରେ ବାନ୍ଧି ହେବାର ଦୃଶ୍ୟ ପାଲଟିଥାଏ ନୂଆଖାଇ ଭେଟଭାଟର ପ୍ରମୁଖ ଆକର୍ଷଣ । ବର୍ଷରେ ଥରେ ଏହି ଦିନକୁ ଆମେ ଚାତକ ଭଳି ଚାହିଁ ରହିଥାଉ ବୋଲି କହିଛନ୍ତି ବିଭିନ୍ନ କର୍ପୋରେଟ ସେକ୍ଟରରେ କାର୍ଯ୍ୟ କରୁଥିବା ପଶ୍ଚିମ ଓଡ଼ିଶାର ଭାଇ ଭଉଣୀ । ଏହି କାର୍ଯ୍ୟକ୍ରମରେ ପାରାଦୀପର ବୃହତ ଶିଳ୍ପ ସଂସ୍ଥାମାନଙ୍କର ପ୍ରମୁଖ ବରିଷ୍ଠ ଅଧିକାରୀମାନଙ୍କୁ ନିମନ୍ତ୍ରଣ କରି ଏହି ନୂଆଖାଇ ଭେଟଭାଟରେ ସାମିଲ କରିବା ସହିତ ପରସ୍ପର ପରସ୍ପର ମଧ୍ୟରେ ଯେଉଁ ଭାଇଚାରା ସୃଷ୍ଟି ହୋଇଥାଏ । ତାହା ଆମକୁ ଏକ ନୂଆ ବାର୍ତ୍ତା ପ୍ରଦାନ କରିଥାଏ, ବିଗତ ବର୍ଷ କିଛି ସମସ୍ୟା ପାଇଁ ଆମେମାନେ ଏହି ନୂଆଖାଇ କାର୍ଯ୍ୟକ୍ରମ ଆୟୋଜନ କରିବା ସମ୍ଭବ ହୋଇନଥିଲେ ମଧ୍ୟ ଆଜିର ଏହି କାର୍ଯ୍ୟକ୍ରମ ଆମମାନଙ୍କୁ ବଡ଼ ସଫଳତା ଦେଇଛି ବୋଲି କହିଛନ୍ତି ଜୁହାର ପରିବାରର ମୁଖିଆମାନେ।

Also Read- ପୂର୍ବତନ ଜେଲ୍ ଡିଜି ସୁଶାନ୍ତ ନାଥଙ୍କ ବିରୋଧରେ ଆଉ ଏକ ବଡ ଅଭିଯୋଗ

Also Read- କୋଟିଆ ଆମର ରହିଛି ଓ ରହିବ, ଇଞ୍ଚେ ବି ଜମି ଆନ୍ଧ୍ରକୁ ଦେବୁନି - ସୁର ରାଉତରାୟ