Student Union Election: ୧୫ରେ ଛାତ୍ର ସଂସଦ ନିର୍ବାଚନ,ସୂଚନା ଦେଲେ ଉଚ୍ଚ ଶିକ୍ଷାମନ୍ତ୍ରୀ ସୂର୍ଯ୍ୟବଂଶୀ ସୂରଜ

Student Union Election: ଦିର୍ଘ ଦିନର ପ୍ରତୀକ୍ଷାର ଘଟିଲା ଅନ୍ତ। ୧୫ ତାରିଖରେ ହେବ କ୍ୟାମ୍ପସ୍ ଭୋଟ୍। ଏ-ନେଇ ମୁଖ୍ୟମନ୍ତ୍ରୀ ଙ୍କ ବୈଠକ ପରେ ସୂଚନା ଦେଇଛନ୍ତି ମନ୍ତ୍ରୀ ସୂର୍ଯ୍ୟବଂଶୀ ସୂରଜ୍। ଛାତ୍ର ସଂସଦ ନିର୍ବାଚନ ନେଇ ବିଜ୍ଞପ୍ତି ପ୍ରକାଶ କରିଛି ଉଚ୍ଚ ଶିକ୍ଷା ବିଭାଗ।  ୭ ତାରିଖରେ ଅଫିସିଆଲ୍ ନୋଟିଫିକେସନ୍ ୯ ତାରିଖରେ ନାମାଙ୍କନ ଦାଖଲ ସ୍କ୍ରୁଟିନି ଓ ପ୍ରାର୍ଥୀଙ୍କ ନାମ ଘୋଷଣା କରାଯିବ। ଏବଂ ୧୦ ତାରିଖ  ଦିନ ୧ ଭିତରେ ନାମାଙ୍କନ ପ୍ରତ୍ୟାହାର ଓ  ଦିନ ୩ଟାରେ ଚୁଡାନ୍ତ ତାଲିକା ପ୍ରକାଶ ପାଇବ। ଏବଂ ୧୪ ତାରିଖରେ 'ହ୍ବାଏ ଆଇ ଷ୍ଟାଣ୍ଡ୍‌ ଫର୍‌'ମିଟିଂ ହେବ। ୧୫ ତାରିଖରେ ମତଦାନ ସହ ଭୋଟ୍ ଗଣତି ଓ ରେଜଲ୍ଟ ପ୍ରକାଶ ପାଇବ। ଏବଂ୧୬ ତାରିଖରେ ଶପଥ ଗ୍ରହଣ ଉତ୍ସବ ଅନୁଷ୍ଠିତ ହେବ।

ସେପଟେ, ଏନେଇ ପ୍ରତିକ୍ରିୟା ରଖିଛନ୍ତି ଉଚ୍ଚ ଶିକ୍ଷା ମନ୍ତ୍ରୀ ମନ୍ତ୍ରୀ ସୂର୍ଯ୍ୟବଂଶୀ ସୂରଜ୍ । ସେ କହିଛନ୍ତି ଯେ, ନିର୍ବାଚନୀ ଇସ୍ତାହାରରେ କଲେଜ୍ ନିର୍ବାଚନ କରାଇବାକୁ ପ୍ରତିଶ୍ରୃତି ଦେଇଥିଲୁ। ଯାହା ଆମେ ଚଳିତ ବର୍ଷ ଦେଇଥିବା ପ୍ରତିଶ୍ରୃତି ରକ୍ଷା କରିବାକୁ ଯାଉଛୁ। ୨୦୧୭ ରୁ ନିର୍ବାଚନ ବନ୍ଦ ହୋଇଥିଲା, ବର୍ତ୍ତମାନେ ଏହା ଆମେ କରିବାକୁ ଯାଉଛୁ। ସବୁ କଲେଜ୍ ଓ ବିଶ୍ବ ବିଦ୍ୟାଳୟରେ ନିର୍ବାଚନ କରିବାକୁ ନିଷ୍ପତ୍ତି ହୋଇଛି । ଯୁବ ନେତୃତ୍ବକୁ ଆଗକୁ ନେବାର ଲକ୍ଷ ରହିଛି।

ସବୁଠୁ ଗୁରୁତ୍ବପୂର୍ଣ୍ଣ କଥା ହେଉଛି ଯେ, ୧୫ ତାରିଖରେ ହେବାକୁଥିବା ଛାତ୍ର ସଂସଦ ନିର୍ବାଚନରେ ସେଲ୍ଫ ଫାଇନାନ୍ସିଂ କୋର୍ସ ଛାତ୍ରଛାତ୍ରୀମାନେ ଭାଗ ନେଇପାରିବେ ନାହିଁ। ବିଶେଷକରି,(PPP) ମୋଡ୍ ରେ ସେଲ୍ଫ ଫାଇନାନ୍ସିଂ କୋର୍ସ ଛାତ୍ରଙ୍କ ପାଇଁ ନିର୍ବାଚନ ବାରଣ କରାଯାଇଥିବା ବିଜ୍ଞପ୍ତି ଜରିଆରେ ସ୍ପଷ୍ଟ କରିଛି ଉଚ୍ଚ ଶିକ୍ଷା ବିଭାଗ।