Puri News: ଶ୍ରୀଜଗନ୍ନାଥ ଗ୍ରୀନ୍ ଫିଲ୍ଡ ଆନ୍ତର୍ଜାତୀୟ ବିମାନ ବନ୍ଦର ପାଇଁ ମିଳିଲା CRZ ଅନୁମତି

Puri News: ପୁରୀରେ ପ୍ରସ୍ତାବିତ ଶ୍ରୀ ଜଗନ୍ନାଥ ଅନ୍ତର୍ଜାତୀୟ ବିମାନବନ୍ଦର ପ୍ରକଳ୍ପ ବାସ୍ତବ ରୂପ ନେବା ଦିଗରେ ଆଉ ଏକ ପାଦ ଆଗେଇଛି।କେନ୍ଦ୍ର ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ ଏହି ପ୍ରକଳ୍ପ ପାଇଁ ଚୂଡ଼ାନ୍ତ ପରିବେଶଗତ ଅନୁମୋଦନ ପ୍ରଦାନ କରିବା ଫଳରେ ନିର୍ମାଣ କାର୍ଯ୍ୟ ଆରମ୍ଭ ହେବାରେ ଥିବା ଏକ ପ୍ରମୁଖ ବାଧା ଦୂର ହୋଇଛି।ସେପଟ ପୂର୍ବରୁ ମିଳିଥିଲା ଷ୍ଟେଜ ୱାନ ଅନୁମତି । ରାଜ୍ୟ,ଦେଶ ତଥା ସ୍ଥାନୀୟ ଅର୍ଥନୀତି ଅଭିବୃଦ୍ଧି ପାଇଁ ଏହି ଏୟାରପୋର୍ଟ ର ଆବଶ୍ୟକତା ରହିଥିବା ବେଳେ ଲୋକଙ୍କୁ କିନ୍ତୁ କ୍ଷତିପୂରଣ ଦେଇ କାମ ଆଗେଇ ନେବୁ ବୋଲି କହିଛନ୍ତି ପୁରୀ ସାଂସଦ ।

ପୁରୀରେ ପ୍ରସ୍ତାବିତ ପ୍ରଥମ ଗ୍ରୀନ ଫିଲ୍ଡ ବିମାନ ବନ୍ଦର ପାଇଁ ଫିଟୁଛି ବାଟ । ପୁରୀ - ବ୍ରହ୍ମଗିରି ରାସ୍ତାର ଶିପସରୁବାଲି ମୌଜାରେ ପ୍ରସ୍ତାବିତ ଶ୍ରୀଜଗନ୍ନାଥ ଗ୍ରୀନଫିଲ୍ଡ ଆନ୍ତର୍ଜାତୀୟ ବିମାନ ବନ୍ଦର ସ୍ୱପ୍ନ ଆଉ ପାଦେ ଆଗେଇଛି।ଏୟାରପୋର୍ଟ ପାଇଁ ରହିଥିବା ଜଙ୍ଗଲ ବିଭାଗର ସମସ୍ୟା ସମାଧାନ ହେବା ସହ ସିଆରଜେଡ୍ (crz )କ୍ଲିୟରାନ୍ସ ମଧ୍ୟ ମିଳିଛି।ଏହା ପରେ ଏୟାରପୋର୍ଟ ଅଥରିଟି ଅଫ୍ ଇଣ୍ଡିଆ ଏବଂ ବାଣିଜ୍ୟ ଓ ପରିବହନ ବିଭାଗ ସହଯୋଗରେ ଏୟାରପୋର୍ଟ ନିର୍ମାଣ କାର୍ଯ୍ୟ ଯଥା ଶୀଘ୍ର ଆରମ୍ଭ ହେବ ବୋଲି ପୁରୀ ଜିଲ୍ଲାପାଳ କହିଛନ୍ତି ।ପୂର୍ବରୁ ବିମାନ ବନ୍ଦର ପାଇଁ ଷ୍ଟେଜ ୧ ଅନୁମତି ମିଳିଥିଲା।ଏଥିରେ ରହିଥିବା ସର୍ତ୍ତ ପୁରଣ କରି ରିପୋର୍ଟ ଦିଆଯାଇଥିଲା। ଏୟାରପୋର୍ଟ ପାଇଁ। ମୋଟ ୧୧୬୪.୭୫୪ ଏକର ଜମି ଅଧିଗ୍ରହଣ ହୋଇଛି।ସେଥିମଧ୍ୟରୁ ୨୨୧.୮୯୧ ଏକର ଘରୋଇ ଜମି ଅଧିଗ୍ରହଣ କରାଯିବ। ବାକି ୯୪୨.୮୬୩ ଏକର ସରକାରୀ ଜମି ରହିଛି। ଉଭୟ ସିପସରୁବାଲି ଏବଂ ଷଣ୍ଢପୁର ମୌଜାରୁ ମୋଟ ୧୨୯ ପରିବାର ବିସ୍ଥାପିତ ହେବେ। ଏଣୁ ବିସ୍ଥାପିତମାନଙ୍କୁ ଜମି ଅଧିଗ୍ରହଣ ଓ ପୁନର୍ବାସ ଆଇନ୍ ଅନୁଯାୟୀ କ୍ଷତିପୂରଣ ପ୍ରଦାନ ପାଇଁ ପ୍ରତିଶ୍ରୁତି ଦିଆଯାଇଥିଲା।

ଏହାପରେ ଷ୍ଟେଜ 2 କ୍ଲିୟରାନ୍ସ ଅନୁମୋଦନ ପାଇଁ ବାଟ ଫିଟିଛି। ବାଣିଜ୍ୟ ଓ ପରିବହନ ବିଭାଗ,ଜଙ୍ଗଲ ବିଭାଗ ଓ ଜିଲ୍ଲା ପ୍ରଶାସନର ମିଳିତ ଟିମ୍ ର ଫିଲ୍ଡ ଭିଜିଟ୍ ପରେ ଷ୍ଟେଜ 2 ପାଇଁ ରାସ୍ତା ପରିଷ୍କାର ହୋଇଛି ।ସେପଟେ ପୁରୀରେ ଜଗନ୍ନାଥ ଅନ୍ତର୍ଜାତୀୟ ବିମାନ ବନ୍ଦର କାର୍ଯ୍ୟ ପାଇଁ ଖୁବ୍ ହାଇଟ କ୍ଲିୟରାନ୍ସ ପ୍ରକ୍ରିୟା ଜାରି ରହିଛି ।1164 ଏକର ଜମିରେ ପୁରୀରେ ହେବାକୁ ଥିବା ପୂର୍ବ ଭାରତର ପ୍ରଥମ ଗ୍ରୀନ ଫିଲ୍ଡ ଏୟାର ପୋର୍ଟ ପାଇଁ ଜଙ୍ଗଲ,ପରିବେଶ ଓ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ ପକ୍ଷରୁ ଷ୍ଟେଜ 1 ଅନୁମତି ମିଳିସାରିଛି ।ବିମାନ ବନ୍ଦର ପାଇଁ 27.877 ହେକ୍ଟର ଅର୍ଥାତ୍ 68 ଏକର ଜଙ୍ଗଲ ଜମି ଯୋଗାଇ ଦେବାକୁ ଅନୁମତି ମିଳିଥିବା ବେଳେ ଇନ୍ ପ୍ରିନ୍ସିପୁଲ୍ ଆପ୍ରୁଭାଲ ମଧ୍ୟ ମିଳିଛି ।28 ଏକର ଜଙ୍ଗଲ ଜମିରୁ 8 ଡେସିମାଲ ଜମିକୁ ନେଇ ଅନୁମୋଦନ ଅଟକିଥିବା ବେଳେ ପ୍ରକଳ୍ପର ଅଗ୍ରଗତି କୁ ଦୃଷ୍ଟିରେ ରଖି ଏହି 8 ଡେସିମାଲ ଜମିକୁ ପ୍ରକଳ୍ପ ରୁ ବାଦ୍ ଦିଆଯାଇଛି ।ଏବେ ଦ୍ୱିତୀୟ ପର୍ଯ୍ୟାୟ ପରିବେଶ ମଞ୍ଜୁରୀ ପାଇଁ ପ୍ରସ୍ତାବ ପଠାଯାଇଛି। ସେପଟେ ବନ୍ୟଜନ୍ତୁ ପ୍ରଜାତି,ଇରାୱାଡ଼ି ଡଲଫିନ,ପ୍ରବାସୀ ଜଳପକ୍ଷୀ ଓ ଅଲିଭ୍ ରିଡଲେ ସମୁଦ୍ର କଇଁଛ ଉପରେ ପ୍ରଭାବ ର ,ଅନୁଶୀଳନ ରିପୋର୍ଟ ଅନୁଯାୟୀ, ଆବଶ୍ୟକୀୟ ପଦକ୍ଷେପ ନିଆଯାଉଛି।ଜଙ୍ଗଲ ଓ ଜମିର ସୁରକ୍ଷା ଦୃଷ୍ଟିରୁ ଗ୍ରୀନ ଫିଲ୍ଡ ଢାଞ୍ଚାରେ ଏହି ବିମାନ ବନ୍ଦରର ପରିକଳ୍ପନା କରିଛନ୍ତି କେନ୍ଦ୍ର ଓ ରାଜ୍ୟ ସରକାର ।

ତେବେ ବିମାନ ବନ୍ଦର ଜୋନ୍ ରେ ଯେକୌଣସି ନିର୍ମାଣ ବା ଉଚ୍ଛେଦ ପାଇଁ ବିମାନ ବନ୍ଦର କର୍ତ୍ତୃପକ୍ଷଙ୍କ ଅନୁମତି ନେବା ପାଇଁ ଗାଇଡ ଲାଇନ୍ ରହିଛି । ପୁରୀ, ଭୁବନେଶ୍ୱର ଓ କଟକରେ ଅନୁବନ୍ଧିତ ସଂସ୍ଥାର ଅଫିସ୍ ରେ ହାଇଟ୍ କ୍ଲିୟରାନ୍ସ ପ୍ରସଙ୍ଗରେ ପ୍ରସ୍ତାବ ଦେଇପାରିବେ ବୋଲି ଜଣାପଡ଼ିଛି । ସୂଚନାଯୋଗ୍ୟ ଯେ ଦୀର୍ଘ୍ 4 ବର୍ଷ ବିମାନବନ୍ଦର ପାଇଁ ପ୍ରକ୍ରିୟା ଆଗେଇ ନଥିବା ବେଳେ ଇନ୍ ପ୍ରିନ୍ସିପୁଲ ଆପ୍ରୁଭାଲ ପାଇଁ 2025 ରେ ଆବେଦନ ଓ 6 ମେ 2025 ରେ ନୀତିଗତ ମଞ୍ଜୁରୀ ମିଳିଥିଲା ।