Cyclone Arnab Effect: ବାତ୍ୟା ‘ଅର୍ଣ୍ଣବ’ ପ୍ରଭାବ! ନୀଳଚକ୍ର ଉପରେ ପତିତପାବନ ବାନାରେ ପଡ଼ିଲା ଶୂନ୍ୟ ଗଣ୍ଠି

ପୁରୀ: ଶ୍ରୀକ୍ଷେତ୍ର ପୁରୀରେ ବାତ୍ୟା ‘ଅର୍ଣ୍ଣବ’ର ପ୍ରଭାବ ମଧ୍ୟରେ ଶ୍ରୀମନ୍ଦିରର ନୀଳଚକ୍ର ଉପରେ ଲାଗିଥିବା ପତିତପାବନ ବାନାରେ ଶୂନ୍ୟଗଣ୍ଠି ପଡ଼ିଥିବା ଦେଖିବାକୁ ମିଳିଛି। ପୁରୀରେ ବର୍ଷା ଓ ପବନ ଲାଗି ରହିଥିବା ସମୟରେ ଏହି ଦୃଶ୍ୟ ସାମ୍ନାକୁ ଆସିଛି। ଏହାକୁ ନେଇ ଶ୍ରୀକ୍ଷେତ୍ରରେ ଚର୍ଚ୍ଚା ଆରମ୍ଭ ହୋଇଛି।

ତେବେ ନୀଳଚକ୍ର ବାନାରେ ଶୂନ୍ୟଗଣ୍ଠି ପଡ଼ିବା ପଛରେ କୌଣସି ଅଲୌକିକତା ନାହିଁ ବୋଲି କୁହାଯାଉଛି। ସାଧାରଣତଃ ଅତ୍ୟଧିକ ପବନ କିମ୍ବା ଘୂର୍ଣ୍ଣିଝଡ଼ ସମୟରେ ବାନାରେ ଏଭଳି ଗଣ୍ଠି ସୃଷ୍ଟି ହୋଇଥାଏ। ବାତ୍ୟା ଅର୍ଣ୍ଣବର ପ୍ରଭାବରେ ପ୍ରବଳ ପବନ ବହୁଥିବାରୁ ପତିତପାବନ ବାନାରେ ଶୂନ୍ୟଗଣ୍ଠି ପଡ଼ିଥିବା କୁହାଯାଉଛି।

ନୀଳଚକ୍ର ଉପରେ ପତିତପାବନ ବାନାରେ ପଡ଼ିଲା ଶୂନ୍ୟ ଗଣ୍ଠି #odishanewstoday #cycloneeffect #srimandira https://t.co/11sFUt31Sa

— ZEE Odisha News (@ZeeOdisha) October 28, 2026

ଅନ୍ୟପକ୍ଷରେ, ଚୁନରା ସେବକମାନେ ଶୂନ୍ୟଗଣ୍ଠି ଯୁକ୍ତ ବାନାକୁ ଅନେକ ଅଲୌକିକ ଘଟଣା ଓ ଧାର୍ମିକ ବିଶ୍ୱାସ ସହ ଯୋଡ଼ିଥାନ୍ତି। ଶ୍ରୀମନ୍ଦିରର ପରମ୍ପରା ଓ ମହାପ୍ରଭୁଙ୍କ ପ୍ରତି ଶ୍ରଦ୍ଧା ସହ ଏହି ବାନାର ଗଭୀର ସମ୍ପର୍କ ରହିଛି। ତେବେ ଶୂନ୍ୟଗଣ୍ଠିକୁ ନେଇ ଧାର୍ମିକ ବିଶ୍ୱାସ ଥିବା ସତ୍ତ୍ୱେ, ପ୍ରବଳ ପବନ ଯୋଗୁଁ ଏଭଳି ଗଣ୍ଠି ପଡ଼ିବା ଏକ ସମ୍ଭାବ୍ୟ ପ୍ରାକୃତିକ କାରଣ ବୋଲି କୁହାଯାଉଛି।

ବାତ୍ୟା ପ୍ରଭାବରେ ପୁରୀରେ ପାଣିପାଗର ପରିବର୍ତ୍ତନ ମଧ୍ୟରେ ନୀଳଚକ୍ର ବାନାରେ ଶୂନ୍ୟଗଣ୍ଠି ପଡ଼ିବା ଘଟଣା ଏବେ ଶ୍ରଦ୍ଧାଳୁ ଓ ସାଧାରଣ ଲୋକଙ୍କ ମଧ୍ୟରେ ଆଲୋଚନାର ବିଷୟ ପାଲଟିଛି।