Top 10 News Today
Headlines 01- ଆଜିଠାରୁ ଆରମ୍ଭ ହେବ ବିଧାନସଭାର ଶୀତକାଳୀନ ଅଧିବେଶନ। ୨୦୨୬-୨୭ ଆର୍ଥିକ ବର୍ଷର ପ୍ରଥମ ଅତିରିକ୍ତ ବଜେଟ୍ ଗୃହରେ ଉପସ୍ଥାପନ କରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ। ଆଜି ଗୃହରେ ମହାନଦୀ, ଧାନ ପଞ୍ଜୀକରଣ ଓ ଆଇନଶୃଙ୍ଖଳା ପ୍ରସଙ୍ଗ ଉଠିପାରେ । ସରକାରଙ୍କୁ ଘେରିବାକୁ ଉଭୟ ବିରୋଧୀ କଂଗ୍ରେସ ଏବଂ ବିଜେଡି ରଣନୀତି ପ୍ରସ୍ତୁତ କରିଥିବା ସୂଚନା ମିଳିଛି ।
Headlines 02- ଆଜି ପବିତ୍ର ଅଁଳା ନବମୀ। ପୁରୀ ଜିଲ୍ଲାର ପ୍ରସିଦ୍ଧ ସାକ୍ଷୀଗୋପାଳ ମନ୍ଦିରରେ ଚାଲିଛି ମା’ ରାଧାରାଣୀଙ୍କ ଦୁର୍ଲଭ ପାଦ ଦର୍ଶନ। ମାଆଙ୍କୁ ଦର୍ଶନ କରିବାକୁ ଭକ୍ତଙ୍କର ଲମ୍ୱା ଧାଡି ଦେଖିବାକୁ ମିଳିଛି । ସୁରୁଖୁରୁରେ ଦର୍ଶନ ଏବଂ ଭିଡ ନିୟନ୍ତ୍ରଣ ପାଇଁ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି ।
Headlines 03- ଦକ୍ଷିଣ ବଙ୍ଗୋପସାଗରର କେନ୍ଦ୍ରୀୟ ଅଂଶ ଏବଂ ଏହାର ପାର୍ଶ୍ୱବର୍ତ୍ତୀ ପଶ୍ଚିମ-କେନ୍ଦ୍ରୀୟ ବଙ୍ଗୋପସାଗର ଉପରେ ସୃଷ୍ଟି ହୋଇଥିବା ସାମୁଦ୍ରିକ ଝଡ଼ “ଆକଭାନ୍” ଗତ ୦୬ ଘଣ୍ଟା ମଧ୍ୟରେ ଘଣ୍ଟାପ୍ରତି ୦୩ କିଲୋମିଟର ବେଗରେ ଧୀରେ ଧୀରେ ଉତ୍ତର ଦିଗକୁ ଗତି କରିଛି। ଏହା ଧୀରେ ଧୀରେ ଉତ୍ତର-ଉତ୍ତରପଶ୍ଚିମ ଦିଗକୁ ଗତି କରି ଆଜି ଭୀଷଣ ସାମୁଦ୍ରିକ ଝଡ଼ ରୂପ ନେଇଛି ।
Headlines 04- ୧୮ ନଭେମ୍ବରରୁ ୨୦ ନଭେମ୍ବର ପର୍ଯ୍ୟନ୍ତ ଓଡ଼ିଶା ଉପକୂଳ ଏବଂ ଏହାର ପାର୍ଶ୍ୱବର୍ତ୍ତୀ ଅଞ୍ଚଳରେ ସମୁଦ୍ର ଅଶାନ୍ତରୁ ଅତି ଅଶାନ୍ତ ରହିବାର ଯଥେଷ୍ଟ ସମ୍ଭାବନା ରହିଛି। ତେଣୁ ଏହି ସମୟ ମଧ୍ୟରେ ମତ୍ସ୍ୟଜୀବୀମାନଙ୍କୁ ଓଡ଼ିଶା ଉପକୂଳ ଏବଂ ଏହାର ଆଖପାଖ ସମୁଦ୍ର ମଧ୍ୟକୁ ନ ଯିବା ପାଇଁ ପରାମର୍ଶ ଦିଆଯାଇଛି।
Headlines 05- ନିଜ ଦେହରେ ନିଆଁ ଲଗାଇ ଆତ୍ମଦାହ ଉଦ୍ୟମ କରିଛନ୍ତି ଜଣେ ଯୁବତୀ । ଇନ୍ଫୋସିଟି ଥାନା ପଥରଗାଡ଼ିଆ ୨ ଶହ ଫୁଟିଆ ରୋଡ୍ରେ ଆତ୍ମଦାହ ଉଦ୍ୟମ କରିବା ସମୟରେ ସୂଚନା ପାଇ ଉଦ୍ଧାର କରିଛି ଇନ୍ଫୋସିଟି ଥାନା ପୋଲିସ । ଶରୀର ୯୦% ପୋଡ଼ିଥିବା ସୂଚନା ମିଳିଛି । ଗୁରୁତର ଅବସ୍ଥାରେ ପ୍ରଥମେ କ୍ୟାପିଟାଲ ହସ୍ପିଟାଲ୍ ଏବଂ ପରେ ଏମ୍ସକୁ ସ୍ଥାନାନ୍ତର କରାଯାଇଛି । ବୟଫ୍ରେଣ୍ଡଙ୍କ ସହ ମତାନ୍ତର ପାଇଁ ଯୁବତୀ ଜଣଙ୍କ ଏପରି କରିଥିବା ସୂଚନା ମିଳିଛି ।
Headlines 06- ଆଜି ପୁଣି ଜମ୍ମୁ-କଶ୍ମୀର କୁଲଗାମ୍ରେ ଆତଙ୍କବାଦୀ-ସୁରକ୍ଷାକର୍ମୀ ମୁହାଁମୁହିଁ ହୋଇଛନ୍ତି । ଆତଙ୍କବାଦୀ ଲୁଚି ରହିଥିବା ସୂଚନା ପାଇବା ପରେ ସର୍ଚ୍ଚ ଅପରେସନ୍ ଜୋରଦାର କରାଯାଇଛି । କାଲି LeTର ଆତଙ୍କବାଦୀ ନିପାତ ପରେ ଆକ୍ସନ ମୋଡ୍ରେ ସୁରକ୍ଷାକର୍ମୀ । କିଛି ଆତଙ୍କୀଙ୍କୁ ଏନ୍କାଉଣ୍ଟର ନେଇ ସୂଚନା ଜାରି କରିଛି ଜମ୍ମୁ-କଶ୍ମୀର ପୋଲିସ ।
Headlines 07- ବାତ୍ୟା ପାଇଁ ମାଲକାନଗିରିରେ ୨ଦିନ ଛୁଟି ଘୋଷଣା କରାଯାଇଛି । ସ୍କୁଲ୍ କଲେଜ୍ ଇତ୍ୟାଦି ଛାତ୍ରଛାତ୍ରୀଙ୍କ ପାଇଁ ବନ୍ଦ ରହିବ । ଅନ୍ୟପଟେ, ଆସନ୍ତା ୩ ଦିନ ପାଇଁ ବ୍ରହ୍ମପୁରରେ ସମୁଦ୍ର ବେଳାଭୂମୀ ବ୍ୟାନ୍ କରାଯାଇଛି । ଗର୍ଭବତୀ ଓ ପାହାଡ଼ିଆ ଅଂଚଳ ଲୋକଙ୍କୁ ସ୍ଥାନାନ୍ତର ପ୍ରକ୍ରିୟା ଆରମ୍ଭ ହୋଇଛି । ଗୋପାଳପୁର, ସୋନପୁର, ଆର୍ଯ୍ୟପଲ୍ଲୀ ବେଳାଭୂମୀ ବନ୍ଦ । କାଲିଠାରୁ ୨୦ ତାରିଖ ପର୍ଯ୍ୟନ୍ତ ଅଙ୍କୁଶ ଲଗାଇଛି ପ୍ରଶାସନ ।
Headlines 08- ଜଣେ ଜୁଆଙ୍ଗ ମହିଳାଙ୍କୁ ଦୁଷ୍କର୍ମ ସହିତ ହତ୍ୟା ଘଟଣାର ଅଭିଯୁକ୍ତକୁ ଗିରଫ କରିଛି ପୋଲିସ । ତେଲକୋଇ ଥାନା ପଡାଙ୍ଗ ପଞ୍ଚାୟତରୁ ଆସିଛି ଏହି ଲଜ୍ୟାଜନକ ଖବର । ଟେଣ୍ଟେଇନାଳି ଗ୍ରାମର ଦାଶରଥୀ ଜୁଆଙ୍ଗକୁ ଶେଷରେ ଗିରଫ କରିଛି ପୋଲିସ ।
Headlines 09- ଚରମ୍ପା କାଳୀପୂଜାରେ ଯାତ୍ରା ପରିବେଷଣ ସାରି ଅପେରା ସୂର୍ଯ୍ୟବଂଶୀର ଗାଡ଼ି ଓଳାଭର ଅଭିମୁଖେ ଫେରୁଥିବା ବେଳେ କିଛି କଳାକାର ଗାଡ଼ିକୁ ଅଟକାଇଥିଲେ। ବକେୟା ଟଙ୍କା ନମିଳିବାରୁ ଶେଷରେ ରାସ୍ତାରେ ଗାଡ଼ି ଅଟକାଇ ପ୍ରତିବାଦ କରିଥିଲେ କଳାକାର। ଖବର ପାଇ ଭଦ୍ରକ ଟାଉନ ଥାନା ପୋଲିସ ଘଟଣାସ୍ଥଳରେ ପହଞ୍ଚି ଅଟକ ଥିବା ଅପେରା ଗାଡ଼ିକୁ ଥାନାକୁ ଆଣିଥିଲା।
Headlines 10- ୧୯ରୁ ୨୨ ଯାଏଁ ପ୍ରବଳରୁ ଅତିପ୍ରବଳ ବର୍ଷା ନେଇ ଅରେଞ୍ଜ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ୧୯-୨୦ ପାଇଁ କେନ୍ଦ୍ରାପଡ଼ା, ଜଗତସିଂହପୁର, ଗଜପତି, ଗଞ୍ଜାମ, ପୁରୀ, ୨୦-୨୧ ପାଇଁ ରାୟଗଡ଼ା, କୋରାପୁଟ, ମାଲକାନଗିରି, ଗଜପତି, ଗଞ୍ଜାମ, ୨୧-୨୨ ପାଇଁ ସୁନ୍ଦରଗଡ଼, ଝାରସୁଗୁଡ଼ା, ବରଗଡ଼କୁ ଅରେଞ୍ଜ ୱାର୍ଣ୍ଣିଂ ଜାରି ହୋଇଛି । ଏଥିସହ ନୂଆପଡ଼ା, ନବରଙ୍ଗପୁର, କୋରାପୁଟକୁ ମଧ୍ୟ ଅରେଞ୍ଜ ୱାର୍ଣ୍ଣିଂ କରାଯାଇଛି ।