ଆରପାରିରେ ପୂର୍ବତନ ମନ୍ତ୍ରୀ ତଥା ସାଂସଦ ରାସ ବିହାରୀ ବେହେରା

ଭୁବନେଶ୍ୱର: ପୂର୍ବତନ ମନ୍ତ୍ରୀ ତଥା ସାଂସଦ ରାସ ବିହାରୀ ବେହେରାଙ୍କ ପରଲୋକ ହୋଇଯାଇଛି। ଆଜି ସକାଳେ ‌ଭବାନୀପାଟଣା ସ୍ଥିତ ବାସଭବନରେ ଦେହାନ୍ତ ହୋଇଥିବା ସୂଚନା ମିଳିଛି। ରାସ ବିହାରୀ ବେହେରାଙ୍କ ପରଲୋକରେ ରାଜନୈତିକ ମହଲରେ ଶୋକର ଛାୟା ଖେଳିଯାଇଛି । ରାଜ୍ୟ କଂଗ୍ରେସ ସଭାପତି ଭକ୍ତଚରଣ ଦାସ ରାସ ବିହାରୀ ବେହେରାଙ୍କ ଦେହାନ୍ତରେ ଗଭୀର ଶୋକ ପ୍ରକାଶ କରିଛନ୍ତି ।

Deeply saddened by the passing of senior Congress leader, former Minister, former Kalahandi MP and former Kokasara MLA Shri Rasa Bihari Behera. I shared a long association with him from my student days through my political journey, and will always cherish his affection, guidance and support. As Minister for Agriculture, Cooperation and Textiles, he made significant contributions to Odisha's development and public welfare particularly in strengthening cooperative credit for farmers, rural infrastructure and irrigation.

— Bhakta Charan Das (@BhaktaCharanDas) November 4, 2026

୧୯୭୭ ଓ ୧୯୮୫ ମସିହାରେ ଅନୁଷ୍ଠିତ ହୋଇଥିବା ଓଡ଼ିଶା ବିଧାନସଭା ନିର୍ବାଚନରେ ରାସ ବିହାରୀ କୋକସରା ବିଧାନସଭା ନିର୍ବାଚନ ମଣ୍ଡଳୀରୁ ଯଥାକ୍ରମେ ସପ୍ତମ ଓ ନବମ ଓଡ଼ିଶା ବିଧାନସଭାକୁ ନିର୍ବାଚିତ ହୋଇଥିଲେ । ୧୯୮୦ ଭାରତୀୟ ସାଧାରଣ ନିର୍ବାଚନରେ କଳାହାଣ୍ଡି ଲୋକସଭା ନିର୍ବାଚନ ମଣ୍ଡଳୀରୁ ସପ୍ତମ ଲୋକସଭାକୁ ସାଂସଦ ଭାବେ ନିର୍ବାଚିତ ହୋଇଥିଲେ ।

ରାସ ବିହାରୀ ବେହେରା ୧୯୩୮ ମସିହା ଅପ୍ରେଲ ୧୨ ତାରିଖରେ ସେ ଜନ୍ମଗ୍ରହଣ କରିଥିଲେ। ସେ କୃଷି ଓ ସମବାୟ ମନ୍ତ୍ରୀ ଭାବେ ଗୁରୁତ୍ୱପୂର୍ଣ୍ଣ ଦାୟିତ୍ବ ତୁଳାଇଥିଲେ । ଭାରତୀୟ ଜାତୀୟ କଂଗ୍ରେସର ଓଡ଼ିଶା ବିଧାନସଭାରେ ବିଧାୟକ ଭାବରେ ୨ ଥର ଓ ଲୋକସଭାର ସାଂସଦ ଭାବରେ ଥରେ କାର୍ଯ୍ୟ ନିର୍ବାଚିତ ହୋଇଥିଲେ । ରାସ ବିହାରୀଙ୍କ ବିୟୋଗରେ କଳାହାଣ୍ଡି ଜିଲ୍ଲାରେ ଶୋକର ଛାୟା ଖେଳିଯାଇଥିବା ଦେଖିବାକୁ ମିଳିଛି।

ରାସ ବିହାରୀ ବେହେରାଙ୍କ ଅନ୍ୟ ଏକ ପରିଚୟ ହେଉଛି ସେ ଜଣେ ସାହିତ୍ୟିକ । ତାଙ୍କ ରଚିତ ଉପନ୍ୟାସ-ବିଜୟୀ ଓ ଭ୍ରମଣ ସାହିତ୍ୟ-ଅନନ୍ୟସୃଷ୍ଟି କାନାଡ଼ା ସଭିଙ୍କ ଗହଣରେ ବେଶ୍ ଲୋକାଦୃତ ହୋଇଥିଲା। ଅନନ୍ୟସୃଷ୍ଟି କାନାଡ଼ା ପୁସ୍ତକ ପାଇଁ ତାଙ୍କୁ ଓଡ଼ିଶା ସାହିତ୍ୟ ଏକାଡେମି ପୁରସ୍କାରମଧ୍ୟ ମିଳିଥିଲା ।

Also Read- ଦୀପାବଳିରେ ମାଗଣାରେ ଦେଖନ୍ତୁ ସୁପରଷ୍ଟାର ଅନୁଭବଙ୍କ ସସ୍‌ପେନ୍ସ ଥ୍ରିଲର ‘ଛକି ଶୂନ’