Odisha Matric Exam 2027: ମାର୍ଚ୍ଚ ୧୨ ରୁ ମାଟ୍ରିକ୍ ପରୀକ୍ଷା,ଜାଣନ୍ତୁ ଏକଜାମ୍ କାର୍ଯ୍ୟସୂଚୀ

Odisha Matric Exam 2027: ୨୦୨୭ ବର୍ଷର ହାଇସ୍କୁ୍ଲ ସାର୍ଟିପିକେଟ୍ ପରୀକ୍ଷା ବା ମାଟ୍ରିକ୍ ରେଗୁଲାର୍  ଓ ଏକ୍ସ ରେଗୁଲାଗ ପରୀକ୍ଷା  ମାର୍ଚ୍ଚ ୧୨ ତାରିଖରୁ ଆରମ୍ଭ ହେବ।  ଏହା ସେହି ମାସ ଶେଷ ୨୭ ତାରିଖରେ ଶେଷ ହେବ।  ସକାଳ ୯ଟାରୁ ପରୀକ୍ଷା ଆରମ୍ଭ ହୋଇ ସାଢେ ୧୧ ଟାରେ ଶେଷ ହେବ।  କେବଳ ଗଣିତ ବିଷୟ ପାଇଁ  ଅଧିକ ୧୫ ମିନିଟ୍ ସମୟ ଲାଗିବ।  ଅର୍ଥାତ୍  ଗଣିତ ପରୀକ୍ଷା ଦିନ ୧୧ ଟା ୪୫ ମିନିଟ୍ ରେ ପରୀକ୍ଷା ଶେଷ ହେବ। ଏନେଇ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ  ବିଜ୍ଞପ୍ତି ପ୍ରକାଶ ପାଇଛି। 

ALSO READ: Today Horoscope: ଏହି ରାଶିର ଲୋକଙ୍କ ପାଇଁ ଦିନଟି ରହିବ ଶୁଭ,ଦୂରଯାତ୍ରାରୁ ନିବୃତ୍ତ ରୁହନ୍ତୁ ଏମାନେ! ପଢନ୍ତୁ ଆଜିର ରାଶିଫଳ

 ମାଟ୍ରିକ୍ ପରୀକ୍ଷା ସହିତ  ସଂସ୍କୃତ ମାଧ୍ୟମ ରେଗୁଲାର୍  ଏବଂ ଏକ୍ସ ରେଗୁଲାର୍ ପରୀକ୍ଷା ଏହି ଦିନଠୁ ଆରମ୍ଭ ହେବ।  ସେହିପରି ଷ୍ଟେଟ୍ ଓପେନ୍ ସ୍କୁଲ୍  ସାର୍ଟିପିକେଟ୍ ପରୀକ୍ଷା  ମଧ୍ୟ ସେହି ଦିନରୁ ଆରମ୍ଭ ହେବ। ତେବେ, ଜନଗଣନା କାର୍ଯ୍ୟରେ  ସ୍କୁଲ୍ ଶିକ୍ଷକମାନେ ନିୟୋଜିତ ହେଉଥିବାରୁ ଏଥର ବିଳମ୍ବରେ ପରୀକ୍ଷା ହେଉଛି। ପୂର୍ବରୁ ଏହି ପରୀକ୍ଷା ଫେବୃଆରୀ ମଧ୍ୟଭାଗରେ ଆରମ୍ଭ ହୋଇ ମାର୍ଚ୍ଚ ପ୍ରଥମ ସପ୍ତାହ ମଧ୍ୟରେ ଶେଷ ହେଉଥିଲା।  ପ୍ରକାଶ ପାଇଥିବା ବିଜ୍ଞପ୍ତି ଅନୁସାରେ, ମାର୍ଚ୍ଚ ୧୨ ତାରିଖ ଶୁକ୍ରବାର ପ୍ରଥମ ଭାଷା( ଓଡିଆ, ବଙ୍ଗଳା,ହିନ୍ଦୀ, ଉର୍ଦ୍ଦୁ ଓ ତେଲୁଗୁ ) ପରୀକ୍ଷା ହେବ।  

୧୫ ତାରିଖ ସୋମବାର  ବିଜ୍ଞାନ, ୧୭ ତାରିଖରେ ଗଣିତ ରହିଛି।  ୧୮ ତାରିଖ ଗୁରୁବାର ଟିଏଲ( ଭିଜୁଆଲ ଆର୍ଟ ପ୍ରାକ୍ଟିକାଲ) ପରୀକ୍ଷା ସକାଳ ୯ ରୁ ୧୧ ପର୍ଯ୍ୟନ୍ତ ହେବ। ୧୯ ତାରିଖ ଶୁକ୍ରବାର ସାମାଜିକ ବିଜ୍ଞାନ,୨୪ ତାରିଖ ବୁଧବାର  ଦ୍ବିତୀୟ ଭାଷା ଇଂରାଜୀ କିମ୍ବା ହିନ୍ଦୀ, କିମ୍ବା ମୁକ ବଧିର ପରୀକ୍ଷାର୍ଥିଙ୍କ ପାଇଁ  ପରିବେଶ ଜନସଂଖ୍ୟା। ୨୫ ତାରିଖ ଗୁରୁବାର ତୃତୀୟ ଭାଷା ହିନ୍ଦୀ କିମ୍ବା ମୁକ ବଧିର ଛାତ୍ରଛାତ୍ରୀଙ୍କ ଲାଗି ସକାଳ ୯ ଟାରୁ ୧୦ ଟା ପର୍ଯ୍ୟନ୍ତ ଟି-ଏଲ୍-ଭିଜୁଆଲ ଆର୍ଟ ପରୀକ୍ଷାା ହେବ। ୨୭ ତାରିଖ  ତୃତୀୟ ଭାଷା ସଂସ୍କୃତ କିମ୍ବା  ଓଡ଼ିଆ କିମ୍ବା  ପାର୍ଶି ପରୀକ୍ଷା ହେବ।  ଏଥିସହ ଟିଏଲ୍ ଭୋକେଶନାଲ୍  ଏଜୁକେସନର ଥିଓରି ସକାଳ ୯ରୁ ସାଢେ ୧୦ ଟା ପର୍ଯ୍ୟନ୍ତ  ଅନୁଷ୍ଠିତ ହେବ ବୋଲି ବୋର୍ଡ଼ ପକ୍ଷରୁ ସୂଚନା ମିଳିଛି।