• हिन्दीEnglishमराठीবাংলাதமிழ்മലയാളംગુજરાતીతెలుగుಕನ್ನಡଓଡ଼ିଶାZ BharatPHHBusinessWION
  • facebookyoutubetwitterwhatsapp
Zee News Odia
  • ଖବର
  • ଭିଡିଓ
  • ଫୋଟୋ
  • ଲାଇଭ୍ ବ୍ଲଗ୍
  • ସହର

Add Zee Business As A Preferred Source
App
  • ଲାଇଭ୍ ଟିଭି
  • ଓଡ଼ିଶା
  • ଜାତୀୟ
  • ଆନ୍ତର୍ଜାତୀୟ
  • ମନୋରଞ୍ଜନ
  • କ୍ରୀଡ଼ା
  • ଧର୍ମ
  • ଚାକିରି
  • ଜି ନ୍ୟୁଜ୍ ଓଡ଼ିଶା
  • /ଓଡ଼ିଶା
  • /Top 10 News: ଚୁଟକିରେ ପଢ଼ନ୍ତୁ ଆଜି ଦିନ ତମାମର ୧୦ଟି ଗୁରୁତ୍ୱପୂର୍ଣ୍ଣ ଖବର..

Top 10 News: ଚୁଟକିରେ ପଢ଼ନ୍ତୁ ଆଜି ଦିନ ତମାମର ୧୦ଟି ଗୁରୁତ୍ୱପୂର୍ଣ୍ଣ ଖବର..

Top 10 News: ଚୁଟକିରେ ପଢ଼ନ୍ତୁ ଆଜି ଦିନ ତମାମର ୧୦ଟି ଗୁରୁତ୍ୱପୂର୍ଣ୍ଣ ଖବର..

Written ByPriyambada RanaEdited ByPriyambada Rana
Published: Nov 16, 2026, 21:29 IST|Updated: Nov 16, 2026, 21:45 IST
joinshare
Top 10 News: ଚୁଟକିରେ ପଢ଼ନ୍ତୁ ଆଜି ଦିନ ତମାମର ୧୦ଟି ଗୁରୁତ୍ୱପୂର୍ଣ୍ଣ ଖବର..
Image Credit: AI

About the Author

    Priyambada Rana

    Priyambada Rana

    I am Priyambada Rana, a journalist and content professional with experience in digital media and journalism. I previously worked with Krishi Jagran, where I gained experience in agricultural journalism and content creation. Currently, I am working as a Sub-Editor at India.com, focusing on content writing, editing, research, and producing engaging digital content for readers.
    Read More

    ଟ୍ରେଣ୍ଡିଂ

    • ଖବର
    • ଫୋଟୋ
    • ଭିଡିଓ
    Cyclone Alert: ଗତ ୯ ଘଣ୍ଟା ଧରି ପ୍ରାୟ ସମାନ ସ୍ଥାନରେ ରହିଛି ବାତ୍ୟା

    Cyclone Alert: ଗତ ୯ ଘଣ୍ଟା ଧରି ପ୍ରାୟ ସମାନ ସ୍ଥାନରେ ରହିଛି ବାତ୍ୟା

    2

    Today Horoscope: ଆଜି ଆପଣଙ୍କର ଭାଗ୍ୟ କେମିତି ରହିବ ? ପଢ଼ନ୍ତୁ ରାଶିଫଳ

    3

    Amitabh Bachchan Threat: ଅମିତାଭ ବଚ୍ଚନ ଓ ଅଭିଷେକଙ୍କୁ ଗ୍ୟାଙ୍ଗଷ୍ଟର ଗୋଲ୍ଡି ଢିଲ୍ଲୋନଙ୍କ ଧମକ! ‘୨୦୦ ଲୋକ ପ୍ରସ୍ତୁତ’

    4

    Top 10 News: ଚୁଟକିରେ ପଢ଼ନ୍ତୁ ଆଜି ଦିନ ତମାମର ୧୦ଟି ଗୁରୁତ୍ୱପୂର୍ଣ୍ଣ ଖବର..

    5

    Cyclone Akvan: ଭୀଷଣ ରୂପ ନେଲା ଗଭୀର ଅବପାତ, ଆନ୍ଧ୍ର ଉପକୂଳ ମୁହାଁ ବାତ୍ୟା ‘AKVAN’

    logo
    • contact us
    • privacy policy
    • legal
    • investor info
    • advertise with us
    © 1998-2026 Indiadotcom Digital Private Limited, All Rights Reserved.

    1.Cyclone Akvan: ବଙ୍ଗୋପସାଗରରେ ସୃଷ୍ଟ ଗଭୀର ଅବପାତ ଶେଷରେ ବାତ୍ୟାର ରୂପ ନେଇଛି। ଏହି ସାମୁଦ୍ରିକ ଝଡ଼ର ନାମ ରଖାଯାଇଛି ‘AKVAN’। ଭାରତୀୟ ପାଣିପାଗ ବିଭାଗ (IMD)ର ନୂଆ ସୂଚନା ଅନୁଯାୟୀ, ଏହା ଦକ୍ଷିଣ ଓ ସଂଲଗ୍ନ ପଶ୍ଚିମକେନ୍ଦ୍ରୀୟ ବଙ୍ଗୋପସାଗର ଉପରେ ଘନୀଭୂତ ହୋଇ ଉତ୍ତର-ପଶ୍ଚିମ ଦିଗକୁ ଗତି କରୁଛି। ଆଗାମୀ ଦିନରେ ଏହା ଅଧିକ ଶକ୍ତିଶାଳୀ ହୋଇ ଅତି ଭୀଷଣ ବାତ୍ୟାର ରୂପ ନେବା ସମ୍ଭାବନା ରହିଛି।

    2.Cyclone Update: ସମ୍ଭାବ୍ୟ ବାତ୍ୟା ଓ ଏହାର ପ୍ରଭାବ ମୁକାବିଲା ପାଇଁ ସରକାରଙ୍କ ପକ୍ଷରୁ ପ୍ରସ୍ତୁତି ଜୋରଦାର କରାଯାଇଛି। ବାତ୍ୟା ମୁକାବିଲା ସମୀକ୍ଷା ବୈଠକ ପରେ ରାଜସ୍ୱ ମନ୍ତ୍ରୀ ସୁରେଶ ପୂଜାରୀ କହିଛନ୍ତି ଯେ, IMDର ଆକଳନ ଅନୁଯାୟୀ ସମସ୍ତ ଜିଲ୍ଲାପାଳଙ୍କୁ ସଜାଗ କରାଯାଇଛି। ବର୍ଷା ଓ ବନ୍ୟା ଅପେକ୍ଷା ଭୂସ୍ଖଳନ ଆଶଙ୍କା ଥିବା ଅଞ୍ଚଳ ଉପରେ ଅଧିକ ଗୁରୁତ୍ୱ ଦିଆଯାଉଛି। ବିପଦପୂର୍ଣ୍ଣ ସ୍ଥାନରୁ ଲୋକଙ୍କୁ ଆବଶ୍ୟକ ଅନୁସାରେ ସ୍ଥାନାନ୍ତର କରାଯିବ। ଏଥିସହ କୋଷ୍ଟଗାର୍ଡ ଓ ନୌସେନାର ହେଲିକପ୍ଟରକୁ ମଧ୍ୟ ସଜାଗ ରଖାଯିବ। ମନ୍ତ୍ରୀଙ୍କ ସୂଚନା ଅନୁସାରେ, କିଛି ଜିଲ୍ଲାରେ ଡ୍ୟାମ୍‌ର ଗେଟ୍‌ ଖୋଲି ଜଳ ନିଷ୍କାସନ କରାଯାଉଛି। ସମସ୍ତ ଅଧିକାରୀଙ୍କୁ ନିଜ ନିଜ କାର୍ଯ୍ୟସ୍ଥଳରେ ରହିବାକୁ ନିର୍ଦ୍ଦେଶ ଦିଆଯାଇଛି। ଆସନ୍ତାକାଲିଠାରୁ ଓଡ୍ରାଫ୍‌ ଓ NDRF ଟିମ୍‌କୁ ବିଭିନ୍ନ ସ୍ଥାନକୁ ପଠାଯିବ ବୋଲି ସୁରେଶ ପୂଜାରୀ କହିଛନ୍ତି।

    3.Matric Certificate: ମାଟ୍ରିକ୍ ସାର୍ଟିଫିକେଟ୍ ପ୍ରଦାନରେ ବିଳମ୍ବ ହୋଇଥିବା କଥାକୁ ସ୍ୱୀକାର କରିଛନ୍ତି ମାଧ୍ୟମିକ ଶିକ୍ଷା ପରିଷଦ କର୍ତ୍ତୃପକ୍ଷ। ବୋର୍ଡ ସଭାପତି ଶ୍ରୀକାନ୍ତ ତରାଇଙ୍କ ସୂଚନା ଅନୁସାରେ, ପ୍ରଥମ ଥର ପାଇଁ ଓଡ଼ିଆ ଭାଷାରେ ମାଟ୍ରିକ୍ ସାର୍ଟିଫିକେଟ୍ ପ୍ରସ୍ତୁତ କରାଯାଉଥିବାରୁ କିଛି ବୈଷୟିକ ସମସ୍ୟା ଉପୁଜିଛି। ଏହି କାରଣରୁ ସାର୍ଟିଫିକେଟ୍ ପ୍ରଦାନରେ ବିଳମ୍ବ ହୋଇଥିବା ସେ ସ୍ପଷ୍ଟ କରିଛନ୍ତି।

    4.Vice president in Odisha: ଓଡ଼ିଶା ଗସ୍ତ ଶେଷ କରି ଫେରିଛନ୍ତି ଦେଶର ଉପରାଷ୍ଟ୍ରପତି ସି.ପି. ରାଧାକୃଷ୍ଣନ। ତାଙ୍କ ଗସ୍ତ ସମାପନ ଅବସରରେ ଭୁବନେଶ୍ୱର ବିମାନବନ୍ଦରଠାରେ ରାଜ୍ୟପାଳ ବ୍ରଜମୋହନ ରାମ ଏବଂ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ତାଙ୍କୁ ଆନୁଷ୍ଠାନିକ ବିଦାୟ ସମ୍ବର୍ଦ୍ଧନା ଜଣାଇଛନ୍ତି। ଏହି ଗସ୍ତ ସମୟରେ ଉପରାଷ୍ଟ୍ରପତି ସପ୍ତଦଶ ଓଡ଼ିଶା ବିଧାନସଭାର ନବନିର୍ବାଚିତ ସଦସ୍ୟ ଓ ସଦସ୍ୟାମାନଙ୍କ ପାଇଁ ଆୟୋଜିତ 'ଦିଗ୍‌ଦର୍ଶନ କାର୍ଯ୍ୟକ୍ରମ'ରେ ଯୋଗଦେଇଥିଲେ। ଏହି ଅବସରରେ ବିଧାୟକମାନଙ୍କୁ ସମ୍ବୋଧିତ କରି ସେ କହିଥିଲେ ଯେ, କ୍ଷମତା ସହିତ ଦାୟିତ୍ୱ ମଧ୍ୟ ଆସିଥାଏ। ତେଣୁ ପ୍ରତ୍ୟେକ ବିଧାୟକ ନିଜ ଦାୟିତ୍ୱକୁ ଗୁରୁତ୍ୱର ସହ ଗ୍ରହଣ କରି ଆଗକୁ ବଢ଼ିବା ଉଚିତ।

    5.Bilkis Bano Case: ବିଲକିସ୍ ବାନୋ ଗଣଦୁଷ୍କର୍ମ ଓ ତାଙ୍କ ପରିବାରକୁ ହତ୍ୟା ମାମଲାରେ ଦୁଇ ଦୋଷୀଙ୍କୁ ସୁପ୍ରିମକୋର୍ଟରୁ ଜାମିନ ମିଳିଛି। ଉଭୟଙ୍କ ଆଜୀବନ କାରାଦଣ୍ଡକୁ ସ୍ଥଗିତ ରଖିବା ସହ ଜାମିନ ପ୍ରଦାନ କରିଛନ୍ତି ସର୍ବୋଚ୍ଚ ନ୍ୟାୟାଳୟ। ୧୭ ବର୍ଷରୁ ଅଧିକ ସମୟ ଜେଲ୍‌ରେ ରହିବା ଏବଂ ଜଣେ ଦୋଷୀଙ୍କ ଗୁରୁତର ଶାରୀରିକ ଦିବ୍ୟାଙ୍ଗତାକୁ ଜାମିନ ପ୍ରଦାନର ଆଧାର ଭାବେ ବିଚାର କରାଯାଇଛି।

    6.SIR Controversy: ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ (SIR)କୁ ନେଇ ବିରୋଧୀ ମେଣ୍ଟ ‘ଇଣ୍ଡିଆ’ ଓ ଭାରତୀୟ ନିର୍ବାଚନ ଆୟୋଗଙ୍କ ମଧ୍ୟରେ ଆଇନଗତ ଲଢ଼େଇ ଜାରି ରହିଛି। ଏହି ମାମଲାରେ ବିରୋଧୀ ଦଳଗୁଡ଼ିକ ସୁପ୍ରିମକୋର୍ଟରେ ଏକ ନୂଆ ଆବେଦନ ଦାଖଲ କରିଛନ୍ତି। SIR ଶୁଣାଣି ସମୟରେ ନିର୍ବାଚନ ଆୟୋଗଙ୍କୁ ଔପଚାରିକ ଭାବେ ପ୍ରଶ୍ନ ପଚାରିବା ଏବଂ ଜବାବ ମାଗିବା ପାଇଁ ଅନୁମତି ଦେବାକୁ ବିରୋଧୀ ଦଳଗୁଡ଼ିକ ସର୍ବୋଚ୍ଚ ନ୍ୟାୟାଳୟଙ୍କୁ ଅନୁରୋଧ କରିଛନ୍ତି। ଏହି ନୂଆ ଆବେଦନ ପରେ SIR ପ୍ରକ୍ରିୟାକୁ ନେଇ ଆଇନଗତ ବିବାଦ ଆହୁରି ଗୁରୁତ୍ୱ ନେଇଛି।

    7.Agniveer: ଅଗ୍ନିବୀରଙ୍କ ଚାକିରିକୁ ନେଇ ବଡ଼ ସୂଚନା ଦେଇଛନ୍ତି ଚିଫ୍ ଅଫ୍ ଡିଫେନ୍ସ ଷ୍ଟାଫ୍‌ (CDS) ଜେନେରାଲ୍ ଏନ୍‌.ଏସ୍‌. ରାଜା ସୁବ୍ରମଣି। ଅଗ୍ନିପଥ ଯୋଜନାରେ ହୋଇଥିବା ପରିବର୍ତ୍ତନ ସମ୍ପର୍କରେ ସେ କହିଛନ୍ତି ଯେ, ଅଗ୍ନିବୀରଙ୍କ ୪ ବର୍ଷର ସେବା ଅବଧି ପୂରଣ ହେବା ପରେ ସମୀକ୍ଷା କରାଯିବ। ଯେଉଁ ଅଗ୍ନିବୀରମାନଙ୍କୁ ଆଉ ୨ ବର୍ଷର ସମ୍ପ୍ରସାରିତ ସେବା ସୁଯୋଗ ମିଳିବ, ସେମାନଙ୍କୁ ଏହି ଅବଧି ପରେ ସେନାରେ ସ୍ଥାୟୀ ନିଯୁକ୍ତି ମିଳିବ ବୋଲି ସେ ସ୍ପଷ୍ଟ କରିଛନ୍ତି। ANI ପକ୍ଷରୁ ଆୟୋଜିତ ‘ନ୍ୟାସନାଲ୍ ସିକ୍ୟୁରିଟି ସମିଟ୍ ୩.୦’ କାର୍ଯ୍ୟକ୍ରମରେ ଯୋଗଦେଇ CDS ଏହି ସୂଚନା ଦେଇଛନ୍ତି। ଅଗ୍ନିପଥ ଯୋଜନାରେ ୪ ବର୍ଷର ସେବା ପରେ ଅତିରିକ୍ତ ୨ ବର୍ଷର ସୁଯୋଗ ଓ ସ୍ଥାୟୀ ନିଯୁକ୍ତି ପ୍ରକ୍ରିୟା ସମ୍ପର୍କରେ ସେ ବିସ୍ତୃତ ଭାବେ କହିଛନ୍ତି।

    8.Odisha Govt: ଗ୍ରାମାଞ୍ଚଳର ବିକାଶମୂଳକ କାର୍ଯ୍ୟକୁ ତ୍ୱରାନ୍ୱିତ କରିବାକୁ ଓଡ଼ିଶା ସରକାରଙ୍କ ବଡ଼ ପଦକ୍ଷେପ। ରାଜ୍ୟର ୨୮୦ଟି ବ୍ଲକ ପାଇଁ ୨୬୫ କୋଟିରୁ ଅଧିକ ଟଙ୍କାର ଅନୁଦାନ ମଞ୍ଜୁର କରାଯାଇଛି। ଷଷ୍ଠ ରାଜ୍ୟ ଅର୍ଥ ଆୟୋଗଙ୍କ ସୁପାରିଶ ଆଧାରରେ ପ୍ରଥମ କିସ୍ତି ବାବଦକୁ ମୋଟ ୨୬୫ କୋଟି ୩୪ ଲକ୍ଷ ୪୫ ହଜାର ୮୩୭ ଟଙ୍କା ମଞ୍ଜୁର ହୋଇଛି। ଏହି ଅର୍ଥ ଗ୍ରାମାଞ୍ଚଳର ବିଭିନ୍ନ ବିକାଶମୂଳକ କାର୍ଯ୍ୟରେ ସହାୟକ ହେବ ବୋଲି ଆଶା କରାଯାଉଛି।

    9.Jatra Controversy: ପୁଣି ଯାତ୍ରା ମଞ୍ଚରେ ଉତ୍ତେଜନା, ପୁଣି ଦର୍ଶକଙ୍କ ଚେୟାର ମାଡ଼। ନୀଳଗିରିରେ ‘ଯାଜ୍ଞସେନୀ’ ଯାତ୍ରା ପାର୍ଟିର ମଞ୍ଚରେ ‘ସନାତନୀ’ ନାଟକକୁ ନେଇ ଅସନ୍ତୋଷ ଦେଖାଦେଇଥିବା ଖବର ମିଳିଛି। ନାଟକ ପରିବେଷଣ ସମୟରେ ଦର୍ଶକମାନେ ଉତ୍ତ୍ୟକ୍ତ ହୋଇ ଚେୟାର ଫିଙ୍ଗିଥିବା ଅଭିଯୋଗ ହୋଇଛି। ବାରମ୍ବାର ଏଭଳି ଅଘଟଣ ଘଟୁଥିବା ସତ୍ତ୍ୱେ ମଞ୍ଚରେ ହାଇଡ୍ରାମା ଜାରି ରହିଥିବାରୁ ଯାତ୍ରା ପରିଚାଳନା ଓ ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନ ଉଠିଛି।

    10.Virender Sehwag: ଭାରତର ପୂର୍ବତନ ବିସ୍ଫୋରକ ଓପନର୍ ବ୍ୟାଟର୍ ବୀରେନ୍ଦ୍ର ସେହୱାଗଙ୍କ ପୁଅ ଆର୍ଯ୍ୟବୀର ସେହୱାଗ ଅଣ୍ଡର-୧୯ ଏସିଆ କପ୍‌ ୨୦୨୬ରେ ନିଜ ଦମଦାର ପ୍ରଦର୍ଶନ ପାଇଁ ଚର୍ଚ୍ଚାକୁ ଆସିଛନ୍ତି। ସେ ଟୁର୍ଣ୍ଣାମେଣ୍ଟରେ ସର୍ବାଧିକ ୩୬୩ ରନ୍‌ ସଂଗ୍ରହ କରିଥିଲେ। ଏଥିରେ ୩ଟି ଅର୍ଦ୍ଧଶତକ ଓ ଗୋଟିଏ ଶତକ ସାମିଲ ରହିଛି। ପାକିସ୍ତାନ ବିପକ୍ଷ ଫାଇନାଲ୍‌ରେ ମଧ୍ୟ ସେ ଚମତ୍କାର ଅର୍ଦ୍ଧଶତକ ହାସଲ କରି ଭାରତକୁ ଟାଇଟଲ୍‌ ଜିତାଇବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଥିଲେ। ଏହି ପ୍ରଦର୍ଶନ ପାଇଁ ଆର୍ଯ୍ୟବୀରଙ୍କୁ ‘ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ’ ପୁରସ୍କାର ମିଳିଥିଲା।

    Add Zee News as a Preferred Source
    TAGS:
    Top 10 News Today