ଫଟୋ

ABVP Protests: ଛାତ୍ର ସଂସଦ ନିର୍ବାଚନ ତୁରନ୍ତ କରାଇବା ଏବଂ ନିର୍ବାଚନର ତାରିଖ ଶୀଘ୍ର ଘୋଷଣା କରିବା ଦାବିରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ABVP) ପକ୍ଷରୁ ଆଜି ଆର୍‌ଡିସି କାର୍ଯ୍ୟାଳୟ ଘେରାଉ କରାଯାଇଥିଲା। ସମ୍ବଲପୁର ଜିଲ୍ଲାର ବିଭିନ୍ନ ମହାବିଦ୍ୟାଳୟ ଓ ବିଶ୍ୱବିଦ୍ୟାଳୟରୁ ଛାତ୍ରଛାତ୍ରୀମାନେ ଏହି ପ୍ରତିବାଦରେ ସାମିଲ ହୋଇଥିବା ସଂଗଠନ ପକ୍ଷରୁ କୁହାଯାଇଛି।ଏବିଭିପିର ଦାବି ହେଉଛି, ରାଜ୍ୟରେ ନିୟମିତ ଭାବେ ଛାତ୍ର ସଂସଦ ନିର୍ବାଚନ ଆୟୋଜନ କରାଯିବା ସହ ଛାତ୍ରଛାତ୍ରୀଙ୍କ ଗଣତାନ୍ତ୍ରିକ ଅଧିକାର ସୁନିଶ୍ଚିତ କରାଯାଉ। ସଂଗଠନ କହିଛି ଯେ ଏହି ଦାବି ନେଇ ପ୍ରଶାସନ ତୁରନ୍ତ ପଦକ୍ଷେପ ନେବା ଆବଶ୍ୟକ।ଏବିଭିପି ପକ୍ଷରୁ ଆର୍‌ଡିସିଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଦାବିପତ୍ର ଦିଆଯାଇ ଛାତ୍ର ସଂସଦ ନିର୍ବାଚନର ତାରିଖ ଘୋଷଣା କରିବାକୁ ଦାବି କରାଯାଇଛି। ସଂଗଠନର ରାଜ୍ୟ ସମ୍ପାଦକ ସ୍ୱେତାଂଶୁ ଶେଖର ବରାଇଙ୍କ ଅଭିଯୋଗ ଅନୁଯାୟୀ, ଆନ୍ଦୋଳନ ସମୟରେ ପୋଲିସ ବଳ ପ୍ରୟୋଗ କରି ଛାତ୍ରମାନଙ୍କ ସ୍ୱରକୁ ଦମନ କରିବାକୁ ଚେଷ୍ଟା କରିଥିଲା ଏବଂ ୧୨ ଜଣ କାର୍ଯ୍ୟକର୍ତ୍ତାଙ୍କୁ ଅଟକ ରଖାଯାଇଥିଲା।ସଂଗଠନ ପକ୍ଷରୁ ରାଜ୍ୟ ସରକାର ଉପରେ କ୍ୟାମ୍ପସରେ ଛାତ୍ର ନେତୃତ୍ୱକୁ ଅବହେଳା କରାଯାଉଥିବା ଅଭିଯୋଗ ମଧ୍ୟ ଆଣାଯାଇଛି। ତେବେ ଏହି ଅଭିଯୋଗ ଉପରେ ସରକାର କିମ୍ବା ପୋଲିସ ପକ୍ଷରୁ କୌଣସି ପ୍ରତିକ୍ରିୟା ଏହି ରିପୋର୍ଟରେ ଉଲ୍ଲେଖ ନାହିଁ।ଏବିଭିପି ନେତା ସ୍ୱେତାଂଶୁ ଶେଖର ବରାଇ କହିଛନ୍ତି ଯେ ଦାବି ପୂରଣ ନହେଲେ ଆଗାମୀ ଦିନରେ ରାଜ୍ୟବ୍ୟାପୀ ଆନ୍ଦୋଳନ କରାଯିବ। ସମ୍ପ୍ରତି ରାଜ୍ୟରେ ଛାତ୍ର ସଂଘ ନିର୍ବାଚନ ନେଇ ଦାବି ଜୋରଦାର ହୋଇଥିବା ବେଳେ, ଶେଷ ନିୟମିତ କ୍ୟାମ୍ପସ୍ ନିର୍ବାଚନ ୨୦୧୭ରେ ହୋଇଥିବା ନେଇ ରିପୋର୍ଟ ପ୍ରକାଶ ପାଇଛି।ଏହି ପ୍ରତିବାଦରେ ଏବିଭିପି ଓଡ଼ିଶା ପଶ୍ଚିମ ପ୍ରାନ୍ତର ପ୍ରାନ୍ତ ବିଶ୍ୱବିଦ୍ୟାଳୟ ସଂଯୋଜକ ୟଶ ୱର୍ଦ୍ଧନ, ସମ୍ବଲପୁର ବିଭାଗ ସଂଯୋଜକ ସଂକେତ ସାହୁ, ସମ୍ବଲପୁର ଜିଲ୍ଲା ସଂଯୋଜକ ବିବେକ ତିୱାରୀଙ୍କ ସମେତ ଅନେକ କାର୍ଯ୍ୟକର୍ତ୍ତା ଉପସ୍ଥିତ ଥିଲେ। ସଂଗଠନ ଅନୁସାରେ, ୩୦୦ରୁ ଅଧିକ ଛାତ୍ରଛାତ୍ରୀ ଏହି ଆନ୍ଦୋଳନରେ ଯୋଗ ଦେଇଥିଲେ।

ଏବିଭିପିର ଦାବି ହେଉଛି, ରାଜ୍ୟରେ ନିୟମିତ ଭାବେ ଛାତ୍ର ସଂସଦ ନିର୍ବାଚନ ଆୟୋଜନ କରାଯିବା ସହ ଛାତ୍ରଛାତ୍ରୀଙ୍କ ଗଣତାନ୍ତ୍ରିକ ଅଧିକାର ସୁନିଶ୍ଚିତ କରାଯାଉ। ସଂଗଠନ କହିଛି ଯେ ଏହି ଦାବି ନେଇ ପ୍ରଶାସନ ତୁରନ୍ତ ପଦକ୍ଷେପ ନେବା ଆବଶ୍ୟକ।

ଛାତ୍ର ସଂସଦ ନିର୍ବାଚନ ତାରିଖ ଶୀଘ୍ର ଘୋଷଣା ଦାବି, RDC କାର୍ଯ୍ୟାଳୟ ଘେରିଲା ଏବିଭିପି

ଛାତ୍ର ସଂସଦ ନିର୍ବାଚନ ତାରିଖ ଶୀଘ୍ର ଘୋଷଣା ଦାବି

ABVP Protests: ଛାତ୍ର ସଂସଦ ନିର୍ବାଚନ ତାରିଖ ଶୀଘ୍ର ଘୋଷଣା ଦାବି, RDC କାର୍ଯ୍ୟାଳୟ ଘେରିଲା ଏବିଭିପି

Sambalpur News:ଯାତ୍ରୀମାନଙ୍କୁ ଅଧିକ ଆରାମଦାୟକ ଯାତ୍ରା ସୁବିଧା ଯୋଗାଇବା ସହ ଆଗାମୀ ପାର୍ବଣ ଋତୁରେ ବଢ଼ିବାକୁ ଥିବା ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ବିଭିନ୍ନ ଟ୍ରେନରେ ଅସ୍ଥାୟୀ ଭାବେ ଅତିରିକ୍ତ କୋଚ୍ ସଂଯୋଗ କରାଯିବ।ଟ୍ରେନ୍ ନମ୍ବର ୧୮୪୬୩ ଭୁବନେଶ୍ୱର–କେଏସଆର ବେଙ୍ଗାଲୁରୁ ପ୍ରଶାନ୍ତି ଏକ୍ସପ୍ରେସରେ ଅକ୍ଟୋବର ୧ରୁ ୩୧ ତାରିଖ ୨୦୨୬ ପର୍ଯ୍ୟନ୍ତ ଗୋଟିଏ ଏସି ୩-ଟାୟାର କୋଚ୍ ଅତିରିକ୍ତ ଭାବେ ସଂଯୋଗ କରାଯିବ। ସେହିଭଳି, ଟ୍ରେନ୍ ନମ୍ବର ୧୮୪୬୪ କେଏସଆର ବେଙ୍ଗାଲୁରୁ–ଭୁବନେଶ୍ୱର ପ୍ରଶାନ୍ତି ଏକ୍ସପ୍ରେସରେ ଅକ୍ଟୋବର ୨ରୁ ନଭେମ୍ବର ୧ ତାରିଖ ୨୦୨୬ ପର୍ଯ୍ୟନ୍ତ ଗୋଟିଏ ଏସି ୩-ଟାୟାର କୋଚ୍ ସଂଯୋଗ କରାଯିବ।ସେହିପରି, ଟ୍ରେନ୍ ନମ୍ବର ୧୨୮୧୯ ଭୁବନେଶ୍ୱର–ଆନନ୍ଦ ବିହାର ଟର୍ମିନାଲ ଓଡ଼ିଶା ସମ୍ପର୍କ କ୍ରାନ୍ତି ଏକ୍ସପ୍ରେସରେ ଅକ୍ଟୋବର ୩ରୁ ୩୧ ତାରିଖ ପର୍ଯ୍ୟନ୍ତ ଗୋଟିଏ ଏସି ୩-ଟାୟାର କୋଚ୍ ଏବଂ ଟ୍ରେନ୍ ନମ୍ବର ୧୨୮୨୦ ଆନନ୍ଦ ବିହାର ଟର୍ମିନାଲ–ଭୁବନେଶ୍ୱର ଓଡ଼ିଶା ସମ୍ପର୍କ କ୍ରାନ୍ତି ଏକ୍ସପ୍ରେସରେ ଅକ୍ଟୋବର ୬ରୁ ନଭେମ୍ବର ୩ ତାରିଖ ପର୍ଯ୍ୟନ୍ତ ଗୋଟିଏ ଏସି ୩-ଟାୟାର କୋଚ୍ ସଂଯୋଗ କରାଯିବ।ଏହାଛଡ଼ା, ଟ୍ରେନ୍ ନମ୍ବର ୨୨୮୭୯ ଭୁବନେଶ୍ୱର–ତିରୁପତି ସୁପରଫାଷ୍ଟ ଏକ୍ସପ୍ରେସରେ ଅକ୍ଟୋବର ୩ରୁ ୩୧ ତାରିଖ ପର୍ଯ୍ୟନ୍ତ ଏବଂ ଟ୍ରେନ୍ ନମ୍ବର ୨୨୮୮୦ ତିରୁପତି–ଭୁବନେଶ୍ୱର ସୁପରଫାଷ୍ଟ ଏକ୍ସପ୍ରେସରେ ଅକ୍ଟୋବର ୪ରୁ ନଭେମ୍ବର ୧ ତାରିଖ ପର୍ଯ୍ୟନ୍ତ ଗୋଟିଏ ଲେଖାଏଁ ଏସି ୩-ଟାୟାର କୋଚ୍ ସଂଯୋଗ କରାଯିବ।ସେହିଭଳି, ଟ୍ରେନ୍ ନମ୍ବର ୧୮୪୪୭ ଭୁବନେଶ୍ୱର–ଜଗଦଲପୁର ହୀରାଖଣ୍ଡ ଏକ୍ସପ୍ରେସରେ ଅକ୍ଟୋବର ୧ରୁ ୩୧ ତାରିଖ ପର୍ଯ୍ୟନ୍ତ ଏବଂ ଟ୍ରେନ୍ ନମ୍ବର ୧୮୪୪୮ ଜଗଦଲପୁର–ଭୁବନେଶ୍ୱର ହୀରାଖଣ୍ଡ ଏକ୍ସପ୍ରେସରେ ଅକ୍ଟୋବର ୨ରୁ ନଭେମ୍ବର ୧ ତାରିଖ ପର୍ଯ୍ୟନ୍ତ ଗୋଟିଏ ଲେଖାଏଁ ଏସି ୩-ଟାୟାର କୋଚ୍ ସଂଯୋଗ କରାଯିବ।ଟ୍ରେନ୍ ନମ୍ବର ୧୮୩୦୧/୧୮୩୦୨ ସମ୍ବଲପୁର–ରାୟଗଡ଼ା–ସମ୍ବଲପୁର ଇଣ୍ଟରସିଟି ଏକ୍ସପ୍ରେସରେ ଉଭୟ ଦିଗରୁ ଅକ୍ଟୋବର ୧ରୁ ୩୧ ତାରିଖ ପର୍ଯ୍ୟନ୍ତ ଗୋଟିଏ ଲେଖାଏଁ ଏସି ଚେୟାର କାର୍ କୋଚ୍ ସଂଯୋଗ କରାଯିବ।ଏହାଛଡ଼ା, ଟ୍ରେନ୍ ନମ୍ବର ୧୮୪୧୭ ପୁରୀ–ଗୁଣୁପୁର ଏକ୍ସପ୍ରେସରେ ଅକ୍ଟୋବର ୧ରୁ ୩୧ ତାରିଖ ପର୍ଯ୍ୟନ୍ତ ଏବଂ ଟ୍ରେନ୍ ନମ୍ବର ୧୮୪୧୮ ଗୁଣୁପୁର–ପୁରୀ ଏକ୍ସପ୍ରେସରେ ଅକ୍ଟୋବର ୨ରୁ ନଭେମ୍ବର ୧ ତାରିଖ ପର୍ଯ୍ୟନ୍ତ ଗୋଟିଏ ଲେଖାଏଁ ଏସି ଚେୟାର କାର୍ କୋଚ୍ ସଂଯୋଗ କରାଯିବ।ଟ୍ରେନ୍ ନମ୍ବର ୨୦୮୩୨ ସମ୍ବଲପୁର–ଶାଲିମାର ମହିମା ଗୋସାଇଁ ଏକ୍ସପ୍ରେସରେ ଅକ୍ଟୋବର ୧ରୁ ୨୯ ତାରିଖ ପର୍ଯ୍ୟନ୍ତ ଏବଂ ଟ୍ରେନ୍ ନମ୍ବର ୨୦୮୩୧ ଶାଲିମାର–ସମ୍ବଲପୁର ମହିମା ଗୋସାଇଁ ଏକ୍ସପ୍ରେସରେ ଅକ୍ଟୋବର ୨ରୁ ୩୦ ତାରିଖ ପର୍ଯ୍ୟନ୍ତ ଗୋଟିଏ ଲେଖାଏଁ ସ୍ଲିପର କ୍ଲାସ୍ କୋଚ୍ ସଂଯୋଗ କରାଯିବ।ସେହିପରି, ଟ୍ରେନ୍ ନମ୍ବର ୧୨୮୯୩ ଭୁବନେଶ୍ୱର–ପୁରୁଣାକଟକ ଇଣ୍ଟରସିଟି ସୁପରଫାଷ୍ଟ ଏକ୍ସପ୍ରେସରେ ଅକ୍ଟୋବର ୧ରୁ ୩୧ ତାରିଖ ପର୍ଯ୍ୟନ୍ତ ଏବଂ ଟ୍ରେନ୍ ନମ୍ବର ୧୨୮୯୪ ପୁରୁଣାକଟକ–ଭୁବନେଶ୍ୱର ଇଣ୍ଟରସିଟି ସୁପରଫାଷ୍ଟ ଏକ୍ସପ୍ରେସରେ ଅକ୍ଟୋବର ୨ରୁ ନଭେମ୍ବର ୧ ତାରିଖ ପର୍ଯ୍ୟନ୍ତ ଦୁଇଟି ଲେଖାଏଁ ଜେନେରାଲ କୋଚ୍ ସଂଯୋଗ କରାଯିବ।ଏଥିସହିତ, ଟ୍ରେନ୍ ନମ୍ବର ୨୦୪୭୧ ଶ୍ରୀ ଗଙ୍ଗାନଗର–ପୁରୀ ସୁପରଫାଷ୍ଟ ଏକ୍ସପ୍ରେସରେ ଅକ୍ଟୋବର ୪ରୁ ୨୫ ତାରିଖ ପର୍ଯ୍ୟନ୍ତ ଏବଂ ଟ୍ରେନ୍ ନମ୍ବର ୨୦୪୭୨ ପୁରୀ–ଶ୍ରୀ ଗଙ୍ଗାନଗର ସୁପରଫାଷ୍ଟ ଏକ୍ସପ୍ରେସରେ ଅକ୍ଟୋବର ୭ରୁ ୨୮ ତାରିଖ ପର୍ଯ୍ୟନ୍ତ ଗୋଟିଏ ଲେଖାଏଁ ଏସି ୩-ଟାୟାର କୋଚ୍ ସଂଯୋଗ କରାଯିବ। ଏହି ଅସ୍ଥାୟୀ କୋଚ୍ ବୃଦ୍ଧି ଯାତ୍ରୀମାନଙ୍କୁ ଅଧିକ ବର୍ଥ ସୁବିଧା ଯୋଗାଇବ ଏବଂ ଏହି ସମୟ ମଧ୍ୟରେ ବଢୁଥିବା ଯାତ୍ରୀ ଚାହିଦାକୁ ପୂରଣ କରିବାରେ ସହାୟକ ହେବ ।

Sambalpur News:ଯାତ୍ରୀମାନଙ୍କୁ ଅଧିକ ଆରାମଦାୟକ ଯାତ୍ରା ସୁବିଧା ଯୋଗାଇବା ସହ ଆଗାମୀ ପାର୍ବଣ ଋତୁରେ ବଢ଼ିବାକୁ ଥିବା ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ବିଭିନ୍ନ ଟ୍ରେନରେ ଅସ୍ଥାୟୀ ଭାବେ ଅତିରିକ୍ତ କୋଚ୍ ସଂଯୋଗ କରାଯିବ।

Sambalpur News: ପାର୍ବଣ ଋତୁରେ ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ବିଭିନ୍ନ ଟ୍ରେନରେ ଅସ୍ଥାୟୀ ଭାବେ କୋଚ୍ ସଂଖ୍ୟା ବୃଦ୍ଧି

Sambalpur News: ପାର୍ବଣ ଋତୁରେ ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ବିଭିନ୍ନ ଟ୍ରେନରେ ଅସ୍ଥାୟୀ ଭ

Sambalpur News: ପାର୍ବଣ ଋତୁରେ ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ବିଭିନ୍ନ ଟ୍ରେନରେ ଅସ୍ଥାୟୀ ଭାବେ କୋଚ୍ ସଂଖ୍ୟା ବୃଦ୍ଧି 

Hirakud Dam: ରାଜ୍ୟରେ ଗତକିଛି ଦିନ ହେବ ଲଗାଣ ବର୍ଷା ଯୋଗୁଁ ବିଭିନ୍ନ ନଦୀର ଜଳସ୍ତର ବୃଦ୍ଧି ପାଉଛି। ଫଳରେ ହୀରାକୁଦର ଜଳସ୍ତର ବୃଦ୍ଧି ଯୋଗୁଁ ଆଜି ଆଉ ୨ଟି ଗେଟ୍ ଖୋଲିଛି। ସକାଳ ୧୦ଟା ସୁଧା ହୀରାକୁଦର ଜଳସ୍ତର ୬୨୯.୩୯ ଫୁଟ୍ ରହିଛି। ୬ ଲକ୍ଷ ୪୮ ହଜାର ୫୩୯ କ୍ୟୁସେକ୍ ଜଳ ପ୍ରବେଶ କରୁଥିବା ବେଳେ ୪ ଲକ୍ଷ ୯୬ ହଜାର ୬୯ କ୍ୟୁସେକ୍ ଜଳ ନିସ୍କାସନ ହେଉଛି। ଏବେ ମୋଟ୍ ୩୦ଟି ଗେଟ୍ ଦେଇ ଜଳ ନିସ୍କାଷନ ଜାରି ରହିଛି। କଟକ ମୁଣ୍ତୁଳିରେ ଜଳସ୍ତର ବୃଦ୍ଧି ପାଇବା ଯୋଗୁଁ ହୀରାକୁଦରେ ଗେଟ୍ ଖୋଲିଛି। ହୀରାକୁଦରେ ଆଉ ୨ଟି ହୋଟ୍ ଖୋଲିବା ପରେ ସମ୍ବଲପୁର-ସୋନପୁର ୧୫ ନମ୍ବର ଜାତୀୟ ରାଜପଥ ମାଳତୀଗୁଣ୍ତେପୁରର ବ୍ରିଜ୍ ଉପରକୁ ପାଣି ମାଡି଼ ଆସିଛି।  ସେପଟେ, ଲମତାପୁଟ୍ ର ଜଲାପୁଟ୍ ଜଳଭଣ୍ତାରରୁ ପ୍ରଥମ ବନ୍ୟା ଜଳ ନିସ୍କାସନ ହେଉଛି। ଖୋଲିଛି ଆଉ ୨ଟି ଗେଟ୍। ଏବେ ୬ ହାଜର କ୍ୟୁସେକ୍ ଜଳ ନିଷ୍କାସନ ହେଉଛି। ଜଳ ଭଣ୍ତାରର କ୍ଷମତା ୨୭୫୦ ଫୁଟ୍ ଥିବା ବେଳେ ବର୍ତ୍ତମାନ୍ ଜଳସ୍ତର ୨୭୪୭.୦୫ ରହିଛି। ଏନେଇ ଆନ୍ଧ୍ର -ଓଡ଼ିଶା ସୀମାନ୍ତ ଗାଁକୁ ସତର୍କ କରାଇଛି ଜିଲ୍ଲା ପ୍ରଶାସନ।ଅନ୍ୟପଟେ, ହୀରାକୁଦ ଡ୍ୟାମ୍ ରୁ ପାଣି ଛଡାଯିବା ପରେ, ବଡମ୍ବାର ଶକ୍ତିପୀଠ ଭଟ୍ଟାରିକା ମନ୍ଦିର ଓ ସିଂହନାଥ ମନ୍ଦିରକୁ ପ୍ରବେଶ କରିଛି ମହାନଦୀର ବନ୍ୟାଜଳ।ମନ୍ଦିରର ଗର୍ଭଗୃହରେ ବନ୍ୟାଜଳ ପ୍ରବେଶ କରିବାକୁ ପୂଜାବିଧିରେ ସମସ୍ୟା ଦେଖାଦେଇଛି। ସେପଟେ, ପ୍ରଶାସନ ତରଫରୁ କୁହାଯାଇଛି ଯେ, ଯଦି ଆଉ ବନ୍ୟା ଜଳ ୨ ଫୁ୍ଟ ବୃଦ୍ଧି ହୁଏ। ତେବେ, ମାଆଙ୍କ  ମୂର୍ତ୍ତୀକୁ ଅନ୍ୟତ୍ର ସ୍ଥାନାନ୍ତର କରାଯିବାକୁ ବ୍ୟବସ୍ଥା ହୋଇଛି। ମନ୍ଦିରର ପୂଜକ କହିଛନ୍ତି ଯେ, ଦେବୀଙ୍କ ପୂଜାର୍ଚ୍ଚନାରେ ବାଧା ସୃଷ୍ଟି ହୋଇଛି। ବନ୍ୟା ସ୍ଥିତି ଉପରେ ଜିଲ୍ଲା ପ୍ରଶାସନ ନଜର ରଖିଛି। ଏବଂ ସୁରକ୍ଷା ଦୃଷ୍ଟିରୁ ପାଣି ବଢିଥିବାରୁ ମନ୍ଦିରକୁ ନଯିବାକୁ ଭକ୍ତମାନଙ୍କୁ ସତର୍କ କରାଯାଇଛି।

Hirakud Dam: ରାଜ୍ୟରେ ଗତକିଛି ଦିନ ହେବ ଲଗାଣ ବର୍ଷା ଯୋଗୁଁ ବିଭିନ୍ନ ନଦୀର ଜଳସ୍ତର ବୃଦ୍ଧି ପାଉଛି। ଫଳରେ ହୀରାକୁଦର ଜଳସ୍ତର ବୃଦ୍ଧି ଯୋଗୁଁ ଆଜି ଆଉ ୨ଟି ଗେଟ୍ ଖୋଲିଛି। ଏବେ ମୋଟ୍ ୩୦ଟି ଗେଟ୍ ଦେଇ ଜଳ ନିସ୍କାଷନ ଜାରି ରହିଛି।

Hirakud Dam: ହୀରାକୁଦରେ ୩୦ଟି ଗେଟ୍ ଦେଇ ନିଷ୍କାସନ ହେଉଛି ବନ୍ୟାଜଳ,ଭଟ୍ଟାରିକାଙ୍କ ମନ୍ଦିରରେ ପ୍ରବେଶ କଲା ବନ୍ୟାଜଳ

Hirakud Dam: ହୀରାକୁଦରେ ୩୦ଟି ଗେଟ୍ ଦେଇ ନିଷ୍କାସନ ହେଉଛି ବନ୍ୟାଜଳ,ଭଟ୍ଟାରିକାଙ୍କ ମନ୍ଦିରରେ ପ୍

ସମ୍ୱଲପୁର: ଆଜି ପୂର୍ବାହ୍ନରେ ପ୍ରାଥମିକ ପ୍ରଶିକ୍ଷଣ ଅନୁଷ୍ଠାନ ବି.ଟି.ଆଇ. ବୁର୍ଲା, ସମ୍ବଲପୁରଠାରେ ପଞ୍ଚମ ବ୍ୟାଚ ସିପାହୀ ପ୍ରଶିକ୍ଷାର୍ଥୀଙ୍କ ଦୀକ୍ଷାନ୍ତ ସମାରୋହ ଅନୁଷ୍ଠିତ ହୋଇଯାଇଛି। ଏହି ଅବସରରେ ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ବିନୟତୋଷ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ।ତାଙ୍କ ଉଦବୋଧନରେ ଡିଜିପି ଶ୍ରୀ ମିଶ୍ର ସମସ୍ତ ପ୍ରଶିକ୍ଷାର୍ଥୀଙ୍କୁ ଅଭିନନ୍ଦନ ଜଣାଇ କହିଥିଲେ ଯେ, ଏକାଡେମୀ ପକ୍ଷରୁ ଉତ୍କୃଷ୍ଟ ପ୍ରଶିକ୍ଷଣ ପ୍ରଦାନ କରାଯାଇଛି ଏବଂ ଆଗାମୀ ଦିନରେ ବିଭିନ୍ନ ଚ୍ୟାଲେଞ୍ଜର ସାହସର ସହ ମୁକାବିଲା କରିବାକୁ ପ୍ରସ୍ତୁତ ରହିବାକୁ ପରାମର୍ଶ ଦେଇଥିଲେ। ପୋଲିସ ଜନସାଧାରଣଙ୍କ ପ୍ରତି ବନ୍ଧୁତ୍ୱପୂର୍ଣ୍ଣ ବ୍ୟବହାର ରଖିବା ଉଚିତ ବୋଲି ସେ ଉଲ୍ଲେଖ କରିଥିଲେ।“ସେବା ଓ ସୁରକ୍ଷା” ହେଉଛି ଓଡ଼ିଶା ପୋଲିସର ମୂଳମନ୍ତ୍ର ଏବଂ ସମାଜର ଦୁର୍ବଳ ଶ୍ରେଣୀ, ମହିଳା ଓ ଶିଶୁମାନଙ୍କ ସୁରକ୍ଷା ପ୍ରଥମ କର୍ତ୍ତବ୍ୟ। ପେଶାଦାରିତା, ସମ୍ବେଦନଶୀଳତା ଓ ଉତ୍ତମ ବ୍ୟବହାର ଦ୍ୱାରା ପୋଲିସର ପ୍ରତିଛବିକୁ ଉଜ୍ଜ୍ୱଳ କରିବାକୁ ଡିଜିପି ଆହ୍ୱାନ ଦେଇଥିଲେ ।ପଞ୍ଚମ ବ୍ୟାଚ ପ୍ରଶିକ୍ଷଣ  ମୋଟ ୧୦୨୭ ଜଣ ପ୍ରଶିକ୍ଷାର୍ଥୀ ସଫଳତାର ସହ  ପ୍ରଶିକ୍ଷଣ ସମାପ୍ତ କରି ଦୀକ୍ଷାନ୍ତ ସମାରୋହରେ ଭାଗ ନେଇଥିଲେ। ପ୍ରଶିକ୍ଷଣ ସମୟରେ ଏହି ପ୍ରଶିକ୍ଷାର୍ଥୀମାନେ ପୁରୀ ରଥଯାତ୍ରା, ସୁନ୍ଦରଗଡ଼, ସମ୍ବଲପୁର, ବାଲେଶ୍ୱର ଓ ଭଦ୍ରକ ଜିଲ୍ଲାରେ ରାମନବମୀ, ସୁନ୍ଦରଗଡ଼, ସୋନପୁର ଓ ଝାରସୁଗୁଡ଼ାରେ ହନୁମାନ ଜୟନ୍ତୀ, ମୟୂରଭଞ୍ଜ ଜିଲ୍ଲାରେ ମାନ୍ୟବର ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ଗସ୍ତ ତଥା ସମ୍ବଲପୁର ଜିଲ୍ଲାରେ ଶୀତଳଷଷ୍ଠୀ ପର୍ବ ଓ ମାନ୍ୟବର ମୁଖ୍ୟମନ୍ତ୍ରୀଙ୍କ ଗସ୍ତ ଉପଲକ୍ଷେ ଆଇନଶୃଙ୍ଖଳା ଡ୍ୟୁଟି ସଫଳତାର ସହ ସମ୍ପାଦନ କରିଥିଲେ।ପ୍ରଶିକ୍ଷାର୍ଥୀମାନଙ୍କ ମଧ୍ୟରେ ଇନ୍‌ଡୋର ବିଷୟରେ ୧ମ ସ୍ଥାନ ଅଧିକାର କରିଥିବା ଟିଙ୍କୁ ମହାନନ୍ଦ ଏବଂ ୨ୟ ସ୍ଥାନ ନରେନ୍ଦ୍ର ସାହୁ ସମ୍ମାନିତ ହୋଇଥିଲେ। ସେହିପରି ଆଉଟଡୋର ବିଷୟରେ ଆହୁତି ଅଗ୍ନିକର ପଲେଇ ଏବଂ ଦ୍ୱିତୀୟ ସ୍ଥାନରେ  ସନ୍ତୋଷ କେସିଙ୍କୁ ଡିଜିପି ସମ୍ମାନିତ ରହିଥିଲେ। ସେହିପରି ଡିଜିପି ସର୍ବଶ୍ରେଷ୍ଠ  ପ୍ରଶିକ୍ଷାର୍ଥୀ  ସୁମିତ ଥାପା ଏବଂ  ସାମଗ୍ରିକ ଭାବେ ସର୍ବଶ୍ରେଷ୍ଠ ପ୍ରଶିକ୍ଷାର୍ଥୀ ଭାବେ ଆହୁତି ଅଗ୍ନିକର ପଲେଇ, ଶୁଭ୍ରଜିତ ପଣ୍ଡା ଏବଂ ହିମାଂଶୁ ବାଗଙ୍କୁ ସମ୍ମାନିତ କରିଥିଲେ ।ଦୀକ୍ଷାନ୍ତ ସମାରୋହରେ ଅତିରିକ୍ତ ଆରକ୍ଷୀ ମହାନିର୍ଦ୍ଦେଶକ (ଏସଏପି ) ରାଜେଶ କୁମାର, ଆଇଜିପି (ଏସଏପି) ସତୀଶ କୁମାର ଗୋଜଭିୟେ ଏବଂ ବି.ଟି.ଆଇ., ବୁର୍ଲାର କମାଣ୍ଡାଣ୍ଟ ପ୍ରସାଦ ତମାଙ୍ଗଙ୍କ ସହ ବରିଷ୍ଠ ପୋଲିସ ଅଧିକାରୀ, ପ୍ରଶିକ୍ଷାର୍ଥୀଙ୍କ ପରିବାରବର୍ଗ ଓ ଗଣମାଧ୍ୟମର ପ୍ରତିନିଧିମାନେ ଉପସ୍ଥିତ ଥିଲେ।

ଉଦବୋଧନରେ ଡିଜିପି ଶ୍ରୀ ମିଶ୍ର ସମସ୍ତ ପ୍ରଶିକ୍ଷାର୍ଥୀଙ୍କୁ ଅଭିନନ୍ଦନ ଜଣାଇ କହିଥିଲେ ଯେ, ଏକାଡେମୀ ପକ୍ଷରୁ ଉତ୍କୃଷ୍ଟ ପ୍ରଶିକ୍ଷଣ ପ୍ରଦାନ କରାଯାଇଛି ଏବଂ ଆଗାମୀ ଦିନରେ ବିଭିନ୍ନ ଚ୍ୟାଲେଞ୍ଜର ସାହସର ସହ ମୁକାବିଲା କରିବାକୁ ପ୍ରସ୍ତୁତ ରହିବାକୁ ପରାମର୍ଶ ଦେଇଥିଲେ।

ସମ୍ବଲପୁରରେ ପଞ୍ଚମ ବ୍ୟାଚ ସିପାହୀ ପ୍ରଶିକ୍ଷାର୍ଥୀଙ୍କ ଦୀକ୍ଷାନ୍ତ ସମାରୋହ ଅନୁଷ୍ଠିତ

Hirakud Dam: ଲଗାଣ ବର୍ଷା ଯୋଗୁଁ ରାଜ୍ୟର ବିଭିନ୍ନ ସ୍ଥାନରେ ଜଳବନ୍ଦୀ ସ୍ଥିତି ଉପୁଜିଛି।  ମହାନଦୀରେ ବି ଜଳ ପ୍ରବାହ ବଢୁଛି। ତେବେ, ଏହାରି ଭିତରେ ହୀରାକୁଦ୍ ଡ୍ୟାମ୍ ର ଆଉ ପାଞ୍ଚଟି ଗେଟ୍ ଖୋଲାଯାଇଛି। ବର୍ତ୍ତମାନ ୧୩ଟି ଗେଟ୍ ଦେଇ ବନ୍ୟା ଜଳ ନିଷ୍କାସନ ଜାରି ରହିଛି। ଡ୍ୟାମ୍ କର୍ତ୍ତୃପକ୍ଷଙ୍କ ଠାରୁ ମିଳିଥିବା ସୂଚନା ଅନୁସାରେ,  ବାମ ପାର୍ଶ୍ବରେ ୯ଟି ଏବଂ ଡାହାଣ ପାର୍ଶ୍ବରେ ୪ଟି ଗେଟ୍ ଦେଇ ପାଣି ନିଷ୍କାସିତ ହେଉଛି। ମହାନଦୀ ଅବବାହିକାର ତଳିଆ ଅଞ୍ଚଳବାସୀ ସତର୍କ ରହିବାକୁ ପରାମର୍ଶ ଦିଆଯାଇଛି। ଶୁକ୍ରବାର ଦିନ ୨ଟି ପର୍ଯ୍ୟାୟରେ  ହୀରାକୁଦର ୪ଟି ଗେଟ୍ ଖୋଲାଯାଇଥିଲା। ଏବେ ଡ୍ୟାମ୍ ର ଜଳସ୍ତର  ଓ ଉପରମୁଣ୍ତରୁ ଆସୁଥିବା ଜଳ ପ୍ରବାହ ଉପରେ ନଜର ରଖାଯାଉଛି।ସେପଟେ, ରାଜ୍ୟରେ ଲଘୁଚାପ ଜନିତ ବର୍ଷା ଯୋଗୁଁ, ଭଦ୍ରକର ବୈତରଣୀ ଓ ସାଳନ୍ଦୀ ନଦୀରେ ବନ୍ୟା ଦେଖାଦେଇଛି। ଏହି ୨ ନଦୀ ବିପଦ ସଙ୍କେତ ଉପରେ ପ୍ରବାହିତ ହେଉଛି।  ରଜାଘାଟଠାରେ ସାଳନ୍ଦୀ ନଦୀର ବିପଦ ସଙ୍କେତ୍ ୧୭ ଫୁଟ ଥିବାବେଳେ ବର୍ତ୍ତମାନ ଜଳସ୍ତର ୧୮.୭୦ ଫୁଟ ଉପରେ ରହିଛି। ଏବଂ ଆଖୁଆପଦା ଠାରେ ବୈତରଣୀ ନଦୀର ବିପଦ ସଙ୍କେତ ୧୮.୩୩ ମିଟର ଥିବା ବେଳେ ଜଳସ୍ତର ବର୍ତ୍ତମାନ ୧୯.୩୦ ମିଟରରେ ପ୍ରବାହିତ ହେଉଛି। ଯାହାକୁ ନେଇ ନଦୀ କୂଳିଆ ଲୋକେ ଆତଙ୍କିତ ଅବସ୍ଥାରେ ରହିଛନ୍ତି।ଲଗାଣ ବର୍ଷା ଫଳରେ ଭଦ୍ରକ ଜିଲ୍ଲା ଧାମନଗର ବିଜ୍ଞାପିତ ଅଞ୍ଚଳରେ ବିଭିନ୍ନ ଓ୍ବାର୍ଡରେ ବର୍ଷା ପାଣି ପସିବା ଫଳରେ ନାହିଁ ନଥିବା ଅସୁବିଧା ସମ୍ମୁଖୀନ ହେଉଛନ୍ତି । ଭଦ୍ରକ ରୁ ଧାମନଗର ସଞ୍ଜୋଗ କରୁଥିବା ମୁଖ୍ୟ ରାସ୍ତା ଉପରେ ୩ ଫୁଟର ବର୍ଷା ପାଣି ଲହଡି ମାରୁଥିବା ବେଳେ ଯାତାୟାତ ସମ୍ପୂର୍ଣ୍ଣ ଠପ୍ ହୋଇଛି । ଧାମନଗର ବିଜ୍ଞାପିତ ଅଞ୍ଚଳର ବିଭିନ୍ନ ଓ୍ବାର୍ଡର ଘରେ ଘରେ ବର୍ଷା ଜଳ ପସିଥିବା ବେଳେ ନାହିଁ ନଥିବା ଅସୁବିଧା ସମ୍ମୁଖୀନ ହେଉଛନ୍ତି ଲୋକେ । ସାଳନ୍ଦୀ ନଦୀର ବନ୍ୟାଜଳ ଭଦ୍ରକରେ ପ୍ରବେଶ କରିସାରିଥିବା ବେଳେ ବନ୍ୟାସ୍ଥିତିର ମୁକାବିଲା ପାଇଁ  ପ୍ରଶାସନ ତରଫରୁ ବ୍ୟାପକ ପ୍ରସ୍ତୁତି ଆରମ୍ଭ ହୋଇଛି। ତଳିଆ ଅଞ୍ଚଳର ଲୋକଙ୍କୁ ସୁରକ୍ଷିତ ଉଚ୍ଚସ୍ଥାନକୁ ସ୍ଥାନାନ୍ତର କରିବା ପାଇଁ ସେଲ୍ଟର ବ୍ୟବସ୍ଥା କରାଯାଇଥିବା ପ୍ରଶାସନ ତରଫରୁ କୁହାଯାଇଛି। ଏବଂ ଶୁଖିଲା ଖାଦ୍ୟ ଓ ଗୋ-ଖାଦ୍ୟ ମହଜୁଦ ରଖାଯାଉଛି।

Hirakud Dam: ଲଗାଣ ବର୍ଷା ଯୋଗୁଁ ରାଜ୍ୟର ବିଭିନ୍ନ ସ୍ଥାନରେ ଜଳବନ୍ଦୀ ସ୍ଥିତି ଉପୁଜିଛି।  ମହାନଦୀରେ ବି ଜଳ ପ୍ରବାହ ବଢୁଛି। ତେବେ, ଏହାରି ଭିତରେ ହୀରାକୁଦ୍ ଡ୍ୟାମ୍ ର ଆଉ ପାଞ୍ଚଟି ଗେଟ୍ ଖୋଲାଯାଇଛି।

Hirakud Dam: ଖୋଲିଲା ହୀରାକୁଦ୍ ଡ୍ୟାମ୍ ର ଆଉ ୫ଟି ଗେଟ୍,ଲଗାଣ ବର୍ଷାରେ ଫୁଲୁଛି ବୈତରଣୀ ଓ ସାଳନ୍ଦୀ

Hirakud Dam: ଖୋଲିଲା ହୀରାକୁଦ୍ ଡ୍ୟାମ୍ ର ଆଉ ୫ଟି ଗେଟ୍,ଲଗାଣ ବର୍ଷାରେ ଫୁଲୁଛି ବୈତରଣୀ ଓ ସାଳନ୍

ଘର

ଲାଇଭ୍ ବ୍ଲଗ୍

ଲାଇଭ୍ ଟିଭି

ଭିଡିଓ

କେନ୍ଦୁଝର

ପୁରୀ

ଭୁବନେଶ୍ୱର

ସମ୍ବଲପୁର

ସହର

ଓଡ଼ିଶା

ଜାତୀୟ

ଆନ୍ତର୍ଜାତୀୟ

ମନୋରଞ୍ଜନ

କ୍ରୀଡ଼ା

ଧର୍ମ

ଚାକିରି

ସମ୍ବଲପୁରରେ ବିକାଶ ନୁହେଁ, ଉଦ୍‌ଘାଟନରେ ସୀମିତ ସରକାର। ୨୧ କୋଟିର ଟ୍ରମା କେୟାର ସେଣ୍ଟର ଅଚଳ, ଜନସାଧାରଣଙ୍କୁ ଜବାବ ଦିଅନ୍ତୁ ସରକାର ବୋଲି କହିଲେ ପୂର୍ବତନ ମନ୍ତ୍ରୀ ଇଂ ରୋହିତ ପୂଜାରୀ।

୨୧ କୋଟିର ଟ୍ରମା କେୟାର ସେଣ୍ଟର ଅଚଳ, ସରକାରଙ୍କ ଉପରେ ବର୍ଷିଲେ ପୂର୍ବତନ ମନ୍ତ୍ରୀ

ଏହି ଗସ୍ତ ସମୟରେ ଟିମ୍ ସ୍ଥାନୀୟ ଗ୍ରାମାଞ୍ଚଳକୁ ଯାଇ ଜନସାଧାରଣ, ଗୋଷ୍ଠୀ ସଦସ୍ୟ, କମ୍ୟୁନିଟି ସପୋର୍ଟ ଷ୍ଟାଫ୍ (CSS) ଏବଂ କାର୍ଯ୍ୟନିର୍ବାହୀ କମିଟି (EC) ସଦସ୍ୟମାନଙ୍କ ସହ ସିଧାସଳଖ ଭାବପ୍ରଦାନ କରିଥିଲେ।

ସମ୍ବଲପୁରରେ ୟୁନିସେଫ୍‌ ପ୍ରତିନିଧି ଦଳଙ୍କ ଗସ୍ତ: WASH କାର୍ଯ୍ୟକ୍ରମର ଅଗ୍ରଗତି ସମୀକ୍ଷା

ଉଦ୍‌ଘାଟନୀ ଅଧିବେଶନରେ ICCSWEର ସାଧାରଣ ସମ୍ପାଦିକା ଶ୍ରୀମତୀ ହେମା ଏକ୍କା ସ୍ୱାଗତ ଅଭିଭାଷଣ ପ୍ରଦାନ କରିଥିବାବେଳେ NSSHO, ଭୁବନେଶ୍ୱରର ଉପମହାପ୍ରବନ୍ଧକ ତଥା ଇନ୍‌ଚାର୍ଜ ଶ୍ରୀ ସୁଜିତ କୁମାର ଶାହା ଏବଂ ଗଙ୍ଗାଧର ମେହେର ବିଶ୍ୱବିଦ୍ୟାଳୟର କୁଳପତି ପ୍ରଫେସର ବ୍ୟୋମକେଶ ତ୍ରିପାଠୀ ଅଭିଭାଷଣ ପ୍ରଦାନ କରିଥିଲେ।

ଜିଏମ୍‌ ବିଶ୍ୱବିଦ୍ୟାଳୟରେ ଉଦ୍ୟୋଗୀ ସଚେତନତା ଓ ବିକ୍ରେତା ବିକାଶ କାର୍ଯ୍ୟକ୍ରମ

ପାର୍ବଣ ସମୟରେ ଯାତ୍ରୀଙ୍କ ଚାହିଦା ବଢ଼ୁଥିବାରୁ ଟ୍ରେନ୍‌ରେ ସିଟ୍ ଓ ବର୍ଥ ପାଇବା ନେଇ ଅନେକ ସମୟରେ ସମସ୍ୟା ଦେଖାଦେଇଥାଏ। ଏହାକୁ ଦୃଷ୍ଟିରେ ରଖି ସ୍ୱତନ୍ତ୍ର ଟ୍ରେନ୍‌ର ଅତିରିକ୍ତ ଟ୍ରିପ୍ ଏବଂ ରାଜଧାନୀ ଏକ୍ସପ୍ରେସ୍‌ରେ ଅଧିକ କୋଚ୍ ଯୋଡ଼ିବାକୁ ନିଷ୍ପତ୍ତି ହୋଇଛି।

Festival Special Trains: ଟ୍ରେନ୍ ଯାତ୍ରୀଙ୍କ ପାଇଁ ଖୁସି ଖବର! ରେଳବାଇ ବଢ଼ାଇଲା ସ୍ପେଶାଲ୍ ଟ୍ରେନ୍ ଓ କୋଚ୍ ସଂଖ୍ୟା

Vigilance Case: ଓଡ଼ିଶା ଭିଜିଲାନ୍ସ ଦ୍ୱାରା ସମ୍ବଲପୁର-ତାଳଚେର ରେଳଲାଇନ୍ ଦୋହରୀକରଣ ପ୍ରକଳ୍ପର ସ୍ପେଶାଲ୍ ଲ୍ୟାଣ୍ଡ ଆକ୍ଵିଜିସନ୍ ଅଫିସର (ବିଶେଷ ଭୂମି ଅଧିଗ୍ରହଣ ଅଧିକାରୀ) ଗିରଫ; ଭୂମି ଅଧିଗ୍ରହଣ କ୍ଷତିପୂରଣ ଟଙ୍କା ଛାଡ଼ିବା ବଦଳରେ ନେଉଥିଲେ ୫ ଲକ୍ଷ ଟଙ୍କାର ଲାଞ୍ଚ।

ସ୍ପେଶାଲ୍ ଲ୍ୟାଣ୍ଡ ଆକ୍ଵିଜିସନ୍ ଅଫିସର ଅଜୟ କୁମାର ଲାଞ୍ଚ ନେଇ ଗିରଫ !

Zee News Odia

ଓଡ଼ିଶା ନ୍ୟୁଜ"

ଉପଯୋଗିତା

ସମ୍ବଲପୁର, News on ସମ୍ବଲପୁର, stories on ସମ୍ବଲପୁର, articles on ସମ୍ବଲପୁର, ସମ୍ବଲପୁର stories at Zee News Odia, ସମ୍ବଲପୁର news, ସମ୍ବଲପୁର latest news

ସମ୍ବଲପୁର

ABVP Protests: ଛାତ୍ର ସଂସଦ ନିର୍ବାଚନ ତାରିଖ ଶୀଘ୍ର ଘୋଷଣା ଦାବି, RDC କାର୍ଯ୍ୟାଳୟ ଘେରିଲା ଏବିଭିପି

Sambalpur News: ପାର୍ବଣ ଋତୁରେ ଯାତ୍ରୀଙ୍କ ଭିଡ଼କୁ ଦୃଷ୍ଟିରେ ରଖି ବିଭିନ୍ନ ଟ୍ରେନରେ ଅସ୍ଥାୟୀ ଭାବେ କୋଚ୍ ସଂଖ୍ୟା ବୃଦ୍ଧି

Hirakud Dam: ହୀରାକୁଦରେ ୩୦ଟି ଗେଟ୍ ଦେଇ ନିଷ୍କାସନ ହେଉଛି ବନ୍ୟାଜଳ,ଭଟ୍ଟାରିକାଙ୍କ ମନ୍ଦିରରେ ପ୍ରବେଶ କଲା ବନ୍ୟାଜଳ

ସମ୍ବଲପୁରରେ ପଞ୍ଚମ ବ୍ୟାଚ ସିପାହୀ ପ୍ରଶିକ୍ଷାର୍ଥୀଙ୍କ ଦୀକ୍ଷାନ୍ତ ସମାରୋହ ଅନୁଷ୍ଠିତ

Hirakud Dam: ଖୋଲିଲା ହୀରାକୁଦ୍ ଡ୍ୟାମ୍ ର ଆଉ ୫ଟି ଗେଟ୍,ଲଗାଣ ବର୍ଷାରେ ଫୁଲୁଛି ବୈତରଣୀ ଓ ସାଳନ୍ଦୀ

ଟ୍ରେଣ୍ଡିଂ

ଶେଷ ବଲ୍‌ରେ ପାକିସ୍ତାନକୁ ମାତ୍, U-19 ଏସିଆ କପ୍ ଚାମ୍ପିୟନ୍ ଭାରତ! ୧ ୱିକେଟ୍‌ରେ ରୋମାଞ୍ଚକର ବିଜୟ

Top 10 News: ଚୁଟକିରେ ପଢ଼ନ୍ତୁ ଆଜି ଦିନ ତମାମର ୧୦ଟି ଗୁରୁତ୍ୱପୂର୍ଣ୍ଣ ଖବର..

ଓଡ଼ିଶାକୁ ଆଉ ୧ ଲକ୍ଷ ପିଏମ୍ ଆବାସ, ମୋଟ ମଞ୍ଜୁରୀ ୫ ଲକ୍ଷ; ବଲାଙ୍ଗୀରରୁ ଶୁଭାରମ୍ଭ କଲେ ମୁଖ୍ୟମନ୍ତ୍ରୀ

Jubilant Ingrevia: ଜୁବିଲାଣ୍ଟ କାରଖାନା ବିରୋଧରେ ସ୍ୱର ଉଠାଇବାରୁ ଧମକ! ZEE MEDIA ରିପୋର୍ଟ ପରେ ହଇଚଇ

ଓଡ଼ିଶା ହାଇକୋର୍ଟରେ ବିଚାରପତି ସଙ୍କଟ! ୩୩ ପଦରୁ ୨୦ ଖାଲି, କେନ୍ଦ୍ରକୁ ଚିଠି ଲେଖିଲେ ସସ୍ମିତ