ପୁରୀ: (ସଞ୍ଜୟ ମହାପାତ୍ର) ମହାପ୍ରସାଦର ଦଲାଲୀ ବିକ୍ରିରେ ଲାଗିବ ରୋକ୍ । ଶ୍ରୀମନ୍ଦିର ବାହାରେ ଅବଢ଼ା ବିକ୍ରିକୁ ନିୟମ ବିରୋଧୀ କହିଲେ ଶ୍ରୀମନ୍ଦିର ମୁଖ୍ୟ ପ୍ରଶାସକ ଅରବିନ୍ଦ ପାଢୀ। ଶ୍ରୀମନ୍ଦିର ପ୍ରଶାସନ ତରଫରୁ ନିୟମ ବିରୋଧୀ କାର୍ଯ୍ୟ ପାଇଁ ଦିଆଯାଇଛି ଏତଲା ।
କାର୍ତ୍ତିକ ପରେ ଆନନ୍ଦ ବଜାରରେ ଶୃଙ୍ଖଳିତ ଅବଢ଼ା ଓ ଶୁଖିଲା ଭୋଗ ବିକ୍ରି ବ୍ୟବସ୍ଥା ପାଇଁ ସେବକଙ୍କ ସହିତ ହୋଇଛି ଆଲୋଚନା । କାର୍ତ୍ତିକ ପରେ ଲାଗିବ ରେଟ୍ ଚାର୍ଟ। ଆନନ୍ଦ ବଜାରରେ ଶୃଙ୍ଖଳା ପାଇଁ ସୁଆର ମହାସୁଆରର ୯ ଦଫା ଦାବି । ନିୟମ ଉଲ୍ଲଙ୍ଘନକାରୀଙ୍କ ବିରୁଦ୍ଧରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ଦିଆଯାଇଛି ଏତଲା । କାର୍ତ୍ତିକ ପରେ ଆନନ୍ଦ ବଜାରରେ ଶୃଙ୍ଖଳିତ ମହାପ୍ରସାଦ ଓ ଶୁଖିଲି ଭୋଗ ବିକ୍ରି ପାଇଁ ବ୍ୟବସ୍ଥା କରିବାକୁ ସେବକଙ୍କ ସହିତ ଶ୍ରୀମନ୍ଦିର ପ୍ରଶାସନ କରିଛି ଆଲୋଚନା । କାର୍ତ୍ତିକ ପରେ ଲାଗିବ ରେଟ୍ ଚାର୍ଟ ବା ଦର ତାଲିକା । ଶ୍ରୀମନ୍ଦିର ବାହାରେ ଉତ୍ତର ଦ୍ୱାରରେ ଥାଳିରେ ମହାପ୍ରସାଦର ପରମ୍ପରା ବିରୋଧୀ ବିକ୍ରି ରୋକିବାକୁ ନେଇ ଶ୍ରୀମନ୍ଦିର ପ୍ରଶାସନ ତତ୍ପର ହୋଇଛି । ଶ୍ରୀମନ୍ଦିର ବାହାରେ ମହାପ୍ରସାଦ ବିକ୍ରିର ନିୟମ ନାହିଁ କହିଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ । ତେଣୁ ଖୁବ୍ ଶୀଘ୍ର ଶୃଙ୍ଖଳିତ ବିକ୍ରି ବ୍ୟବସ୍ଥା ପାଇଁ ସେବକଙ୍କ ସହ ଆଲୋଚନା ହୋଇଛି ବୋଲି ସେ ପ୍ରତିକ୍ରିୟା ରଖିଛନ୍ତି ।
ସେପଟେ ଯେଉଁମାନେ ଅବଢ଼ାକୁ ଆଣି ବାହାରେ ବିକ୍ରି କରୁଥିଲେ ସେମାନଙ୍କ ବିରୋଧରେ ସିଂହଦ୍ୱାର ଥାନାରେ ଏତଲା ଦେଇଛି ଶ୍ରୀମନ୍ଦିର ପ୍ରଶାସନ । ସେପଟେ ଆନନ୍ଦ ବଜାର ଶୃଙ୍ଖଳା ପାଇଁ ୯ ଦଫା ଦାବି ରଖିଛନ୍ତି ଶ୍ରୀମନ୍ଦିର ସୁଆର ମହାସୁଆର ନିଯୋଗ । ଉତ୍ତର ଦ୍ୱାର କିମ୍ବା ଦକ୍ଷିଣ ଦ୍ୱାରରେ ଏକ କାଉଣ୍ଟର କରିବାକୁ ପ୍ରସ୍ତାବ ଦେଇଛି ନିଯୋଗ । ଯାହାଫଳରେ ଗହଳି କିମ୍ବା ନୀତିକାନ୍ତି ସମୟରେ ଭିତରକୁ ଯାଇ ପାରୁ ନଥିବା ଭକ୍ତ ଟିଏ କାଉଣ୍ଟରରେ ସୁଆର ମହାସୁଆର ନିଯୋଗର ପ୍ରତିନିଧିଙ୍କୁ ବରାଦ ଦେଇ ମହାପ୍ରସାଦକୁ ଉଚିତ୍ ମୂଲ୍ୟରେ ପାଇ ପାରିବ । ଖାଲି ସେତିକି ନୁହେଁ, ଦର ତାଲିକା ପ୍ରସ୍ତୁତ କରି ବଜାରରେ ଦ୍ରବ୍ୟର ମୂଲ୍ୟକୁ ତୁଳନା କରି ମହାପ୍ରସାଦର ଦର ତାଲିକା ଆନନ୍ଦ ବଜାରରେ ମାରିବାକୁ ଆଲୋଚନା ହୋଇଛି । ଏହାସହିତ ପ୍ରତ୍ୟେକ ଷ୍ଟଲର ନମ୍ବରିଙ୍ଗ ଓ ସହାୟକ ପରିଚୟପତ୍ର, ଇତ୍ୟାଦି ବ୍ୟବସ୍ତା ଆନନ୍ଦ ବଜାର ଶୃଙ୍ଖଳା ଅନ୍ତର୍ଗତ ରହିଛି । ଦର୍ଶନ ବନ୍ଦ୍ ଥିବା ସମୟରେ ଭକ୍ତଙ୍କୁ ଶ୍ରୀମନ୍ଦିର ପ୍ରବେଶ ବାରଣର ନୂଆ ନିୟମ ଯୋଗୁଁ ମହାପ୍ରସାଦ ପାଇଁ ଭକ୍ତ ମାନେ ଅପେକ୍ଷା କରୁଥିବା ବେଳେ ଏହାର ସୁଯୋଗ ନେଇଛନ୍ତି କିଛି ଦଲାଲ୍।