Odisha DGP:ଭାରପ୍ରାପ୍ତ ପୁଲିସ୍ ମହାନିର୍ଦ୍ଦେଶକ ବା ଇନଚାର୍ଜ ଡିସିପି ବିନୟତୋଷ ମିଶ୍ର ନଭେମ୍ବର ୩୦ ତାରିଖରେ ଅବସର ନେବେ। ଇନଚାର୍ଜ ଡିଜି ସହ କ୍ରାଇମବ୍ରାଞ୍ଜ ଡିଜି ଦାୟିତ୍ବ ତୁଲାଉଥିବା ବିନୟତୋଷଙ୍କ କାର୍ଯ୍ୟକାଳ ଆଉ ବଢିବ ନାହିଁ ବୋଲି ରାଜ୍ୟ ସରକାର ସ୍ପଷ୍ଟ କରିଛନ୍ତି। ଶ୍ରୀ ମିଶ୍ରଙ୍କ ଅବସର ନେଇ ରାଜ୍ୟ ଗୃହ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି।
ବିନିୟତୋଷଙ୍କ ଅବସର ପରେ ରାଜ୍ୟରେ କିଏ ପରବର୍ତ୍ତୀ ଡିଜିପି ହେବେ ତାକୁ ନେଇ କଳ୍ପନା ଜଳ୍ପନା ଲାଗି ରହିଛି। ତତକାନୀ ଡିଜିପି ଓ୍ବାଇବି ଖୁରାନିଆ ଗତ ଅଗଷ୍ଟ ୧୬ରେ ଅବସର ନେବା ପରେ କ୍ରାଇମବ୍ରାଞ୍ଚ ଡିଜି ତଥା ୧୯୯୩ ବ୍ୟାଚ୍ ର ଆଇପିଏସ୍ ଅଫିସର ବିନିୟତୋଷ ମିଶ୍ରଙ୍କୁ ଡିଜିପି ଇନଚାର୍ଜ ଭାବେ ରାଜ୍ୟ ସରକାର ଅବସ୍ଥାପିତ କରାଇଥିଲେ। ଅଗଷ୍ଟ ୧୬ ରୁ ଏପର୍ଯ୍ୟନ୍ତ ସେ ଏହି ଦାୟିତ୍ବରେ ରହି ଆସୁଛନ୍ତି। ରାଜ୍ୟରେ ନିୟମିତ ଡିଜି ନିଯୁକ୍ତି ନେଇ ମାମଲା ଏବେ ସୁପ୍ରିମକୋର୍ଟରେ ବିଚାରଧିନ ଥିବାରୁ ସରକାର ଅଡୁଆରେ ପଡିଛନ୍ତି।